Áýejaılar qyzmeti talapqa saı bolýy tıis

Keshe Premer-Mınıstrdiń birinshi orynbasary Baqytjan Saǵyntaev Úkimet úıinde otandyq áýejaılardy damytý máselesi  boıynsha keńes ótkizdi, dep habarlady Premer-Mınıstrdiń baspasóz qyzmeti. Qazirgi ýaqytta respýblıkada 20 áýejaı jumys isteıdi. Olardyń 12-si memlekettik áýejaılar (8-i «Airport Management Group» JShS-niń senimdi basqarýynda), 6-ýy jekeniń menshiginde, 2-ýi konsessııada. 2015 jyl ishinde áýejaılar shamamen 12 mln. jolaýshyǵa qyzmet kór­­set­­ti. Qazaqstannan 82 baǵyt boıynsha halyqaralyq tasymaldar oryn­­dalady. Olardy 2 qazaqstandyq («Eır Astana» jáne «SKAT») jáne shetel­­dik áýe tasymaldaýshylar júzege asy­rady. Ishki áýe reısterin 42 ba­ǵyt bo­ıynsha 6 qazaq­standyq áýe kompa­nııa­lary oryndaıdy. Respýblıkalyq bıýdjet qarjy­lary esebinen Qazaqstannyń 13 áýejaıyna jalpy somasy 97 mlrd. teńgege qaıta jańǵyrtý jumys­tary júrgizildi. Onyń syrtynda, 2015 jyldyń qańtarynda «Nur­ly Jol» memlekettik baǵdarla­masy sheńberinde Astana qalasy áýejaıy­nyń jolaýshylar termınalynyń qury­lysy bastaldy. Jobada qazirgi jumys istep turǵan termınaldy keńeı­tý jáne ótkizý qabiletin jylyna 7 mln. jolaýshyǵa deıin jetkizý qaras­tyrylǵan. Keńes qorytyndysy boıynsha Ba­qytjan Saǵyntaev otandyq memlekettik organdar men áýejaı basshylyǵyna avıasııalyq qaýipsizdik máse­le­lerine nazar aýdarýdy, atap aıt­qanda, jolaýshylar ter­mınal­darynda za­manaýı tekserý jabdyq­taryn ornatýdy tapsyrdy. Sol sııaq­ty arnaıy tehnıkamen (órt sóndi­rý mashınalary, qar jı­naǵysh jáne muz­daqqa qar­sy tehnıka, baspaldaq­tar) ja­raq­tan­dyrýǵa aıryqsha kóńil bólý qajet. Onyń syrtynda áýe­jaılar qyzmetiniń  ekono­mıkalyq tıim­diligin ulǵaı­tý, menedjment deń­geıin arttyrý, damý úshin jańa qar­­jy kózderin tartý joldaryn iz­destirý boıynsha sha­ralar qabyldaý tapsyryldy.