Táýelsizdik tartýy Búgingi el táýelsizdigine berik negiz qalaǵan babalar rýhy asqaqtap, urpaqtary esimderin ulyqtap keledi. Osyndaı mereı sáttiń jarasty jalǵastyǵy Jetisý jerinde kórinis tapty. Eli men jerin basqynshy jaýlardan qorǵap, halqynyń birligi úshin ter tógip, qazaq handyǵynyń negizin qalaýǵa úles qosqan Kereı men Jánibek babalarǵa Esik qalasynda esimderi aıshyqtala jazylǵan eskertkish-barelef ornatyldy.
Jınalǵandar aldynda Kereı men Jánibektiń tarıhta qalǵan erligi men mámilegerligi, basqa da qundy derekter jaıyna aýdan ákimi Álıhan Toıbaev jan-jaqty toqtaldy. Jas urpaqqa úlgi-ónege bolǵan tuǵyrdyń tııanaǵyn keltirgen aýdandyq máslıhat depýtattary men handardyń beınesin túsirip, árlegen sáýletshi Ábdikerim Ábdýálıvke jáne halyqtyń birligin murat tutqan bahadúrlerdiń eskertkishin jasaýǵa qarajat bólgen Atymtaı jomart, túrik azamaty Zııadın Qasanovqa aq alǵysyn jetkizdi.
Táýelsiz elimizdegi búgingi qol jetken tabystar jaıly tebirene sóılegen Qazaqstan halqy Assambleıasynyń múshesi, akademık Qazaqbaı Qasymov, Uly Otan soǵysynyń ardageri Joldan Imanqulov, №6654 áskerı bólim komandıriniń orynbasary Jasqaırat Dabylbekov, Abylaı han atyndaǵy orta mekteptiń oqýshysy Abaı Seıdin jáne basqalar handardyń taǵylymyn urpaqqa uran etip, jastarǵa úlgi etý, el bolashaǵynyń jarqyndyǵyn babalar ósıetimen sýsyndatý qajettigin baıandady. Sondaı-aq, olar jınalǵandardy Elbasymen birge bolýǵa shaqyrdy. Áskerı boryshyn óteý kezindegi qyraǵylyǵy úshin Elbasy Jarlyǵymen «Jaýyngerlik erligi úshin» medalin ıelengen Dilshat Imamúsenulynyń erligi dáriptelip, jastarǵa úlgi etildi.
Kúmisjan BAIJAN,
Almaty oblysy.