Jeńimpazdarǵa grant tabystaldy

Taıaýda Túrkistandaǵy Q.A.Iаsaýı atyndaǵy Halyqaralyq qazaq-túrik ýnıversıtetinde kezekti III respýblı­ka­lyq «Iаsaýı» pándik olım­pıadasynyń qory­tyndysy jarııalandy. Qazaqstan Respýblıkasy Táý­el­sizdiginiń 25 jyldyǵyna, Ahmet Iаsaýı ýnıversıtetiniń 25 jyl­dyǵyna jáne «Iаsaýı jylyna» oraı uıym­dastyrylyp otyrǵan III res­pýblıkalyq «Iаsaýı» pándik olım­pıadasynyń negizgi maqsaty – daryndy oqýshylardyń ıntellektýaldy jáne shyǵarmashylyq qabiletterin aıqyndaý. Olımpıadanyń qorytyndy nátıjesin habarlaǵan ýnıver­sı­tettiń birinshi vıse-prezıdenti, professor M.Kýtalmysh, oqý-ádis­temelik isi jónindegi vıse-prezıdent B.Ahmetov 59 jeńimpazǵa ýnıversıtet grantynyń sertıfıkatyn tabystady. Ekinshi kezeńnen ótken bilim dodasyna Batys Qazaqstan, Mań­ǵystaý, Atyraý, Aqtóbe, Qara­ǵandy, Almaty, Qyzylorda, Shy­ǵys Qazaqstan, Aqmola, Pavlodar, Qos­tanaı, Jambyl, Soltústik Qa­zaq­stan, Ońtústik Qazaqstan ob­lys­tarynan kelgen oqýshylar qatysty. Saıystyń birinshi kezeńi 24, 25, 26 aqpan kúnderi online júıesi boıynsha júrgizildi. Alǵashqy kezeńine elimizdiń barlyq orta mek­tepteri men Nazarbaev zııat­kerlik mektepterinen, qazaq-túrik lıseılerinen, «Daryn» mek­tepterinen 5545 oqýshy qatysyp,  ekinshi kezeńde iriktelgen 833 oqýshy 29, 30, 31 naýryz kúnderi ýnıversıtet bazasynda ótken qo­ry­tyndy kezeńde bilimderin saraptady. Úmitkerler 11 pán boıynsha (fızıka, matematıka, bıologııa, hımııa, ınformatıka, geografııa, aǵylshyn tili, Qazaqstan tarıhy, jalpy tarıh, qazaq tili (qazaq tildi synyptar úshin), orys tili (orys tildi synyptar úshin) synaqtan ótip, eń bilimdi 59 oqýshy jeńimpaz dep tanyldy. Esterińizge sala óteıik, 2014 jyly olımpıadanyń birinshi jylynda elimizdiń 14 oblysynan 4000 oqýshy qatysyp 34 oqýshy ýnıversıtet grantyna ıe bolǵan bolatyn. Al, ótken jyly 5000-ǵa jýyq oqýshy baq synap, búginde II respýblıkalyq «Iаsaýı» pándik olımpıadasynyń jeńimpazy atanǵan 33 grant ıegeri ýnıversıtette tegin bilim alyp júr. Qurylǵanyna 25 jyl tolǵan Halyq­aralyq qazaq-túrik ýnıver­sıteti búgingi tańda 8 myńǵa jýyq shákirt oqytýda. Elimizdegi bire­geı bilim shańyraǵy jyl saıyn qazaqstandyq 500 talapker­ge grant usynýdy dástúrge aı­­nal­dyrǵan. Qazaqstan jáne Túr­kııa mem­leket­teriniń qamqor­ly­ǵyndaǵy oqý orda­synyń bilim­gerleri qazaq, túrik, orys, aǵylshyn tilderinde dáris tyńdaıdy. Marat TEMIRBEKOV, ýnıversıtettiń kásibı baǵdar bóliminiń basshysy. TÚRKISTAN.