tolyqtaı qalpyna keltirilýi kerek
Qazaqstan Respýblıkasyndaǵy Adam quqyqtary jónindegi ýákildiń mekemesi qoǵamdy dúrliktirgen oqıǵa – kópbalaly otbasylardy turyp jatqan úılerinen shyǵarý faktilerin qaraǵan bolatyn, dep habarlady Qazaqstan Respýblıkasyndaǵy Adam quqyqtary jónindegi ýákil apparatynyń baspasóz qyzmeti.
Osyǵan oraı, Qaripbekovter men Qorjynbekovterdiń jaǵdaılaryn erekshe atap ótken jón, sebebi, bul otbasylardyń tap bolǵan jaǵdaılarynda Memleket basshysy Ult Jospary aıasynda memlekettik organdarǵa sot tóreligin jetildirý jáne menshik quqyqtarynyń kepildikterin nyǵaıtý jóninde bergen tapsyrmalaryn júzege asyrýǵa kedergi jasaıtyn problemalar baıqalady.
2012 jyly Qaraǵandy qalasynyń ákimdigi Qaripbekovterdiń turǵyn úı máselesin sheshý tártibinde olarǵa úı bergen bolatyn. Alaıda, jergilikti bılik atalǵan otbasyny sol úıge turǵyzý týraly sheshim qabyldaǵanymen, odan keıin úsh jyl boıy sol úıde turý quqyǵyn rastaıtyn tıisti qujattardy bermegen, al 2015 jyly turyp jatqan úılerinen shyǵarý týraly talappen sotqa júgindi. О́z kezeginde, sot shyǵarý týraly sheshimdi basqa turǵyn úı berý shartymen ǵana qabyldady, bul ony alý quqyǵyn negizdeıdi.
Osy ýaqytqa deıin Qaripbekovterdiń otbasyna baspana berý máselesi sheshilmegen.
Sol sııaqty Almaty qalasyndaǵy Qorjynbaevtardyń qaıǵysy da qoǵam nazaryna ilikti. Bul otbasy 2010 jyly belgilengen tártippen turǵyn úı satyp alǵan. Olardyń menshik quqyǵy memlekettik organdarda tıisinshe tirkelgen edi. Degenmen, dál sol jyly satyp alý-satý sharty jaramsyz dep tanyldy, óıtkeni, satýshynyń úıdi muraǵa zańsyz alǵany belgili boldy, bul rette, onyń paıdasyna qaraı sheshim shyǵarǵan sýdıa dál sol sebepke baılanysty qyzmetinen shyǵaryldy. Otbasy ótemaqy almaı, úılerinen aıyrylyp qalý jaǵdaıyna tap boldy. 2012 jyly Svetlana Turǵymbaeva (anasy) ózin ózi órtep, kóz jumdy, al keıinnen onyń jubaıy Zeıish Qorjynbaev ta qaıtys boldy. Qazirgi kezde daýlanyp jatqan úıde 9 adam turady, onyń ishinde kámeletke tolmaǵan 4 bala bar, osy ýaqytqa deıin olardyń bárine turyp jatqan úılerinen shyǵarý qaýpi tónip tur. Qalyptasqan jaǵdaı kópbalaly otbasynyń quqyqtaryn buzýǵa jol bermeý úshin jergilikti bılik organdarynyń jiti baqylaýynda bolýy tıis ekeni sózsiz.
Sirá, keltirilgen eki jaǵdaı da jekelegen laýazymdy tulǵalardyń áreketteri men sheshimderi saldarynan oryn aldy. Sonymen birge, kórsetilgen is-áreketterdiń zańsyz dep tanylýy zańdy qurmetteıtin azamattarǵa zııan tıgizbeý kerek.
Joǵaryda aıtylǵannyń barlyǵy memlekettik organdardyń buzylǵan quqyqtardy qalpyna keltirý úshin jaýapkershiligin joımaıdy. Bul jaıt azamattarǵa olardyń sheshimderine senim bildirýge múmkindik týǵyzady.
Osy ýaqytqa deıin joǵaryda kórsetilgen jaǵdaılarda azamattardyń buzylǵan quqyqtaryn tolyqtaı qalpyna keltirý boıynsha jumys aıaqtalmaǵan. Adam quqyqtary jónindegi ýákildiń mekemesi olardyń monıtorıngin jalǵastyrady.