Mashına jasaýshylar jıyny

Máskeýde Odaqtar úıiniń Kolonna zalynda Reseı Mashına jasaýshylar odaǵynyń sezi ótti. Sezdiń basty taqyryby – kadrlar daıyndaý jáne jumys oryndaryn ashý, joǵary tehnolo­gııalyq óndiristi damytýǵa baǵyt­talǵan el damýynyń ekono­mıkalyq baǵytyndaǵy túzetýler jóninde usynystar ázirleý. Sharaǵa Odaqtyń 68 aımaqtyq bólimshesinen myńǵa jýyq dele­gattar men ýákiletti ókilder, re­seı­lik óńirlerdiń basshylary, zań shy­ǵarýshy jáne atqarýshy bı­lik­terdiń federaldyq organ­darynyń, qarjylyq jáne i­s­ker­­­lik ortanyń, azamattyq qoǵam ınstıtýttarynyń ókil­deri, je­tekshi ónerkásiptik kor­po­ra­sııalardyń, iri ǵylymı jáne bilim berý mekemeleriniń basshylary qatysýda. Sezge RF prezıdenti Vladımır Pýtın qatysty. Sezd delegattary qoǵamdyq uıymnyń 5 jyldyq jumysynyń qorytyndysyn shyǵarady jáne Reseı mashına jasaýshylar odaǵy organdarynyń jańa basshylyq quramyn saılady. Elimiz tarapynan sezde Qazaq­stan Mashına jasaýshylar odaǵy basqarmasynyń tóraǵasy M.Pishembaev sóz sóıledi. Ol óz sózinde Qazaqstan Reseıdi strategııalyq odaqtas jáne seriktes retinde qabyldaıdy, tek qana ekonomıkalyq baılanystar jasaıtyn el emes, sondaı-aq, jal­py tarıh, mádenıet jáne mentalıtet te baılanystyratyn strategııalyq odaqtasy jáne seriktesi retinde qabyldaıtynyn atap ótti. «Eki memlekettiń ynty­maq­tas­tyǵy, sonyń nátıjesindegi ulttyq ekonomıka sala­lary Eýrazııalyq ekonomıkalyq odaq­­t­yń qurylýymen jáne jumys isteı bastaýymen aıtarlyqtaı arta tústi. EAEO bizge ózara yqpaldastyqtyń jańa belesterin baǵyndyrýǵa, sonymen qatar ekonomıkalyq ósim úshin jańa múmkindikterge jol ashady», dedi M. Pishembaev. Mashına jasaý salasyndaǵy qosymsha shyǵyndardy tómen­detýdi, eńbek ónimdiligin arttyrý úshin tıimdi jumys isteýge múmkindik beretin «ǵylym-tehnıka-óndiris» kezeńi boıynsha ǵylymı-óndiristik kooperasııany birlesip damytý qajettiligi týraly máseleni kótere otyryp, Mashına jasaýshylar odaǵy­nyń tóraǵasy sezge qatysýshylarǵa kreatıvti jumystar men syn­darly suhbattar tiledi. «Egemen-aqparat»