Beıbit ómirdiń ornyqty oshaǵy

Men  –  qazaqstandyq ázerbaı­jan­­dar­dyń ókilimin. Bizdiń atalarymyz 1937 jylǵy qýǵyn-súrginde Qa­zaqstanǵa kelgen eken. Sodan beri otbasymyzdyń tórt urpaǵy osynda ómirge keldi. Ázerbaıjanda alys týystarymyz bolǵanymen, eń jaqyn-juraǵattarymyzdyń bári osynda. Biz Tal­dyqorǵan aımaǵynda turdyq. Son­daǵy Kóksý aýda­nynyń Balpyq bı kentinde óstik. Bizdiń otbasymyzdaǵy aǵa urpaq qazaq tilinde taza sóıleıtin edi. О́kinishke qaraı, bizdiń býyn qazaq tilin bilmeı qaldy. Tipti, ózimizdiń ázerbaıjan tilin de sondaı jaqsy bilmeımiz. Sóıtip, biz qazaq zamandastarymyz sııaqty, keńestik solaqaı saıasattyń qurbandary boldyq. «Bolashaqta kommýnızm bolady, onda halyqtar bir-aq tilde sóıleıdi» delinetin ómirmen esh baılanysy joq urda-jyq ıdeologııa degenin iste­di. Son­dyqtan, orys tilin­de ǵana sóı­leýge ty­rys­tyq. Al qazirgi ur­paqta­ry­myz qazaq jáne orys tilderine de sýdaı. Má­selen, meniń qyzym ázerbaıjan tilin shala bilgenimen, qazaq, orys tilderinde taza sóıleıdi. Men qoǵamdyq ómir­de Qazaq­stan hal­qy Assam­bleıa­sy­nyń jumy­syna belsendi túrde aralas­qan adam emespin. Biraq, onyń qajet­ti­ligin ómirde sezinip, kózimmen kórip júrgen adammyn. Muny bizdiń Prezı­den­timiz Nursultan Nazarbaevtyń dana sheshiminiń nátıjesi dep sanaımyn. Kópetnosty Qazaqstan turǵyndary Assambleıa arqyly bir halyq bolyp, bir ujymǵa úılesip, bir úıdiń otyn jaǵyp, sýyn iship otyr. Barlyq etnosqa da beıbitshilik, tynyshtyq, kórshilerimen tatýlyq, ózara túsinistik pen kelisim aýadaı qajet. Bul – adamzat qaýymynyń ejelden ańsaǵan armany. Tatýlyq pen tú­si­nistik bolmasa, beı­bit ómir de alys­taı túsedi. On­daıdy álemniń barlyq túk­pirlerinen kórip júr­miz. Tańerteń aman-esen jumysqa ketken adamdar úı­lerine basy bútin, tolyq qaıta almaı nemese qansyrap, aıaǵynan zorǵa basyp kelip jatatyn jerler az ba? Úıde qalǵan jandar dalaǵa shyqqandarymyz aman kelse eken dep júrekteri dirildep otyrady. Al biz, qudaıǵa shúkir dep aıtaıyq, ondaıdyń birin de bilmeımiz. Úılerimizge qýanyshpen kelemiz. Baǵalaı bilgenge osynyń ózi baqyt. Sol kúnge bizdi jetkizip otyrǵan Elbasymyzdyń beıbitsúıgish saıasaty jáne ony iske asyryp jatqan Qazaqstan halqy Assambleıasy. Qoǵamdyq ómirde men Kommý­nıstik partııanyń ıdeo­logııasyn durys dep sanaımyn. 2001 jyldan beri Kom­partııanyń isine belsene qa­tysýdamyn. Al 2004 jyldan bas­tap Almaty oblysy obkomynyń, 2015 jyldan Almaty qalasy partııa komıtetiniń birinshi hatshysy, Qazaqstan Kommýnıstik halyq partııasy (QKHP) Ortalyq komıteti Saıası bıýrosynyń múshesimin. Men Kommýnıstik par­tııanyń naǵyz ha­lyqshyl, qarapaıym halyqtyń joq-jitigin qoldaıtyn, qorǵaıtyn jolyn búldirgen keńestik toǵyshar fýnksıonerler dep sanaımyn. Áıtpese, Kom­mýnıstik partııanyń túpki maqsa­ty óte durys edi. Qazaqstan halqy Assambleıa­synyń beıbitsúıgish maqsaty meniń kommýnıstik kózqarasyma da saı keledi. Sondyqtan, men onyń qadamdaryn qoldaımyn, qolymnan kelip jatsa, onyń isine kómek berýge de ázirmin. Magerram MAGERRAMOV, Parlament Májilisiniń depýtaty ASTANA