QARAǴANDY. 28 sáýir. Qaraǵandylyq balýan Bekzat Ahmetbekov Ońtústik Qazaqstan oblysynda qazaq kúresinen ótken jarysta avtokólik utyp aldy. Bul týraly oblystyq dene shynyqtyrý jáne sport basqarmasynyń baspasóz qyzmetine silteme jasaǵan egemen.kz tilshisi habarlady.
Jetisaı aýylynda Qazaqstan Respýblıkasynyń eńbek sińirgen jattyqtyrýshysy Baqyt Jambyrbaevtyń júldesi úshin qazaq kúresinen ótken respýblıkalyq týrnırde qaraǵandylyq balýan Bekzat Ahmetbekov asa aýyr salmaqta bas júldege tigilgen Mersedes avtokóligin jeńip aldy.
Sondaı-aq, qaraǵandylyq balýandar Narıman Tutqyshev (55 kılo), Aıdos Ǵalymov (74 kılo) jáne Ersin Muhamedjanov ta (100 kılo) óz salmaq dárejelerinde chempıon atandy.
Aıta keteıik, atalǵan dodaǵa О́zbekstan, Qyrǵyzstan, Tájikstan jáne Qazaqstannan 240 balýan qatysyp, kúsh synasqan bolatyn.
Qaırat Ábildınov.
Derek, foto: Qaraǵandy oblystyq dene shynyqtyrý jáne sport basqarmasynyń baspasóz qyzmeti.