AQTО́BE. 28 sáýir. Aqtóbe qalasyndaǵy «Iýrta» meıramhanasynda «Áıelderdiń quqyqtary men múmkindikterin keńeıtý» atty BUU-nyń Qazaqstandaǵy damý baǵdarlamasy jáne Qazaqstan Respýblıkasy Prezıdentiniń janyndaǵy Áıelder isteri jáne otbasylyq- demografııalyq saıasat jónindegi ulttyq komıssııa jobasynyń aıasynda «Neo folklor» kıim dızaınerleri men «Umytylyp bara jatqan jáne jańǵyrtylǵan ulttyq taǵamdar» qalalyq baıqaýlary ótti. Bul týraly egemen.kz tilshisi habarlady.
Baıqaýlardy qalalyq ákimdik janyndaǵy áıelder isteri jáne otbasylyq-demografııalyq saıasat jónindegi komıssııa men qalalyq mádenıet jáne tilderdi damytý, kásipkerlik bólimderi uıymdastyrdy. Sharanyń maqsaty — qazaqtyń ulttyq dástúrin nasıhattaý, «Astana —EKSPO-17» halyqaralyq kórmesine áıelder qaýymynyń qatysýyna yqpal etý bolyp tabylady. «Umytylyp bara jatqan jáne jańǵyrtylǵan qazaq ulttyq taǵamdary» baıqaýynyń maqsaty qazaq ulttyq taǵamdaryn saqtap qalý jáne kópǵasyrlyq dástúrlerin nasıhattaý, umytyla bastaǵan taǵamdardy qaıta jańǵyrta otyryp, jańa zamanaýı taǵamdardy ázirleý bolyp tabylady.
«Neo-folklor» kıimder dızaınerleri baıqaýynyń maqsaty qazaqtyń ulttyq kıimderiniń biregeı qundylyqtaryna, onyń qazirgi sán úlgisiniń úrdister úılesimdiligine sáıkes etnıkalyq-turmystyq qundylyǵy men alýandylyǵyna nazar aýdarý. Atalǵan baıqaýlarǵa oqý oryndarynyń ókilderi, jeke kásipkerler, qalanyń tigin sheberhanalary men meıramhanalary qatysty.
Aspazdyq baıqaý qatysýshylary qazylar alqasy men baıqaý qonaqtaryna ulttyq taǵamdar men buıymdardyń kóne reseptýralaryn, sondaı-aq olardy daıyndaýdyń dástúrli tehnologııasyn kórsetti.
Dızaınerler ulttyq kolorıtti saqtaý jáne usyný arqyly modeldeý, kıim stılderi boıynsha joǵary kásibı deńgeılerin, básekege qabilettiligin rastaý múmkindigine ıe boly.
«Umytylyp bara jatqan jáne jańǵyrtylǵan qazaq ulttyq taǵamdary» baıqaýy boıynsha birinshi oryndy «Iýrta» meıramhanasy, ekinshi oryndy Aqtóbe tehnıkalyq kolledjiniń arnaıy pánder oqytýshysy Jansaıa Qarataeva men Aqtóbe servıs kolledjiniń óńdiristik oqytý sheberi Toıdyq Túgelova, úshinshi oryndy «Jas Otaý» kafesi jeńip aldy. «Neo-folklor» kıimder dızaınerleri baıqaýynda birinshi oryndy S.Báıishev atyndaǵy Aqtóbe ýnıversıtetiniń kolledjiniń oqytýshysy Gýlnaz Júlkerova, ekinshi oryndy jeke kásipker M.Dúısenbaeva, úshinshi ornydy Aqtóbe servıs kolledjiniń stýdenti Vıacheslav Kojevnıkov ıelendi.
Baıqaýlar jeńimpazdaryna qarjylaı syılyqtar, qala ákiminiń atynan dıplomdar tabystalyp, qalalyq kezeńniń jeńimpazdary oblystyq kezeńge bjoldama aldy.
Satybaldy Sáýirbaı.
Derek, foto: egemen.kz