PETROPAVL. 3 mamyr. Belgili jazýshy, pýblısıst, aýdarmashy, qoǵam qaıratkeri, ana tilimizdiń janashyry Gerold Belgerdiń qurmetine Petropavl gýmanıtarlyq-tehnıkalyq kolledjde murajaı boı kóterdi. Onyń ashylý saltanatyna aımaq basshysy Erik Sultanov qatysty. Bul týraly oblystyq ákimdiktiń baspasóz qyzmetine silteme jasaǵan egemen.kz tilshisi habarlady.
Soltústik Qazaqstan oblysynyń ákimi Erik Sultanov úsh birdeı ádebıettiń damýyna zor úles qosqan Gerold Belger jaıly júrekjardy lebizin bildirdi. Ol óz sózinde Gerold Karlulymen Ysqaq Ybyraev aýylyndaǵy qazaq mektebinde birge oqyǵanyn, kóp tálim-tárbıe alǵanyn, joǵarǵy keńes depýtaty bolyp júrgende yntymaqtasa qyzmet atqarǵanyn, mýzeıdiń ashylýy bıyl keńinen atap ótiletin oblystyń 80 jyldyǵy qarsańyndaǵy aıshyqty mádenı oqıǵa ekenin atap ótti. Abaı jyrlaryn Gete tilinde jyrlatý arqyly ultymyzdy ózgelerge tanytýda da ólsheýsiz eńbek sińirdi.
Kolledj dırektory Aleksandr Merktiń bastamashyldyǵymen qurylǵan murajaıǵa júzge jýyq qundy eksponattar qoıylǵan. Olardyń arasynda jazýshynyń jeke tutynǵan zattary, jary men qyzy tabystaǵan jádigerler erekshe ystyq. Toǵyz taqyryptyq bólimnen turatyn murajaıda shyǵarmashylyǵy men ómiri jaıly alýan syr shertetin aqparattar da toptastyrylǵan.
О́mir Esqalı.
Derek, foto: Soltústik Qazaqstan oblysy ákimdiginiń baspasóz qyzmeti.