ASTANA. 14 mamyr. Túrkııada «Kúrdistan jumysshylar partııasynyń» múshelerine qarsy jasalǵan arnaıy operasııa kezinde 23 adam qaza tapty. Bul týraly 24.kz-ke silteme jasaǵan egemen.kz tilshisi habarlady.
Sonymen qatar, úkimet jasaǵynan 8 mert boldy. Olardyń altaýy Hakkıarı provınsııasynda, ekeýi qaqtyǵys bolyp jatqan jerdegi tikushaq apatynyń saldarynan opat boldy. Al atalǵan toptyń 15 múshesiniń kózi joıyldy.
Aıta keteıik, «Kúrdistan jumysshylar partııasy» ótken jyly ekstremıstik uıym dep tanylyp, qyzmetine tyıym salynǵan. Osy ýaqyt aralyǵyndaǵy qaqtyǵystarda 5 myńnan astam lańkestiń kózi joıylsa, úkimet áskeriniń 450 qyzmetkeri mert boldy.
Aıan Ábdýálı.
Derek, foto: 24.kz.