Qazir barlyq buqaralyq aqparat quraldarynda Jer kodeksine engiziletin ózgeristerdiń máselesi jaıly saǵat saıyn jazylyp jatyr. Ásirese, jastar kóp qoldanylatyn zamanaýı ınternet jelilerinde ártúrli pikirlerdiń júrgeni alańdatady. О́ıtkeni, jerdi jalǵa berý, bermeý, sheteldikterge berilýi jaıly kelsin-kelmesin, máseleniń mánisine barmastan oı aıtatyndar da bar ekenin kózimiz shalady.
Osyndaı jaıttardy eskergendikten de Elbasy jer zańnamasynyń keıbir normalaryna moratorıı jarııalap, ony Úkimet janynan qurylatyn komıssııa arqyly talqylaýǵa salýdy usynyp otyr. Bul durys qadam dep oılaımyn.
Árıne, bárimizge kishkentaıymyzdan belgili, qulaǵymyzǵa quıyp ósken bir sóz bar: ol – atameken, týǵan jer, keń dala, elimiz, ata-babamyzdyń jeri. Bul sózder ǵumyr boıy ár qazaqtyń júreginde júredi. Ol – boıtumary. Sol úshin de jer degen sózge basqa bir tirkester jalǵanyp kete barsa qazir qolymyzdan shyǵyp keterdeı, alyp sary dalamyzdy bireýler kóterip alyp keterdeı ulardaı shýlap shyǵa kelemiz. Ata-babamyz jaýgershilik zamanda qara qazan, sary balanyń qamy úshin atqa qondy. Osynaý jerdi batyr ata-babalarymyz naızanyń ushymen, bilektiń kúshimen qorǵap, ǵasyrlar boıy kózderiniń qarashyǵyndaı saqtap búgingi urpaqqa mura-amanat etip qaldyrdy. Endi jer máselesin sheshý úshin, onyń ıgiligin urpaqtarymyz kórý úshin osy qazaq jerinde turyp jatqan barlyq halyqtyń oı-pikirlerimen sanasý kerek. Ǵalymdar, zertteýshiler, mamandarymyz bar bári birlesip kórshi elderdiń tájirıbesin, jyldar boıy qordalanǵan máselelerin anyqtap baryp, el ishin aralap Jer kodeksine engizilgen barlyq jańashyldyq, jańalyqtardyń anyq-qanyǵyn taldap, túsindirmese bolmaıdy. Bizdiń bir kemshiligimiz osy. Jer satylady, sheteldikter keledi dep qaradaı abdyrady halyq. Jańashyldyqtar, ózgerister halyqqa jetpeıdi. Bul endi jergilikti ákimdikterdiń kúndelikti jumysy ǵoı. Halyqpen, jurtshylyqpen baılanys máselesi syrt qalyp qoıǵandaı. Jerdi ıgerý ońaı sharýa emes. Úıińniń qasyndaǵy baý-baqshany jaz boıy kútip-baptaý úshin de eńbektenesiń. Al, onyń qasynda jer alyp, oǵan ónim egip, elimizdiń aýyl sharýashylyǵyn damytýǵa úles qosý naǵyz eńbek. «El – yrystyń kilti, er – yrystyń qorǵany» deıdi halqymyz, olaı bolsa jerdiń ıgiligin halqymyz kórip jatsa, odan utarymyz anyq.
Baqytjamal MAQSYLOVA,
oblystyq «Nur Ana álemi» qoǵamdyq birlestiginiń tóraıymy
Pavlodar oblysy