Al-lo!.. Balalar! Baı-qaý-ǵa!..

Búgin – Almatyda «Bala daýysy» I Ulttyq balalar án baıqaýy bastaldy Baıqaýdyń basty maqsaty – balaýsa balǵyn talanttardyń qııalyna qanat baılap, óner órindegi sheberligin shyńdaý desek dálirek aıtqan bolar edik. Sondaı-aq, keń-baıtaq elimizde mekendeıtin kóptegen ult pen ulystyń tilinde shyrqalatyn balalarǵa shaqtalǵan jańa ánderdi jaryqqa shyǵaryp, halyq arasynda taratý da baıqaý sharttaryna enedi. Baıqaý barysynda, daryndy órenderdiń mýzykalyq shyǵarmashylyǵyna keń jol ashý arqyly, pedagogıkalyq uıymdarǵa ádistemelik kómek te kórsetiledi. Aýqymdy is-shara Qazaqstan Respýblıkasynyń 25 jyldyq mereıtoıynyń aıasynda qanat jaımaq. Osyǵan oraı bir kún buryn ótken jýrnalıstermen bolǵan suhbattasý barysynda baıqaýdyń uıymdastyrýshylary án saıysynyń mańyzy men máni týraly jańa málimet taratty. Jobanyń ótý barysynda Astana men Almatydan basqa, elimizdiń barlyq iri qalalarynda 7 men 13 jas ara­ly­ǵyndaǵy ónerli balalar arasynda kas­tıng ótkiziledi. Irikteý sharasyna tanymal ánshiler men kompozıtorlar, mýzykalyq prodıýserler qatysyp, qazylyq jasaıdy. Brıfıngte Álııa Nazarbaevanyń «Jan­daný álemi» qorynyń basqarma tóraǵa­sy Murat Isahanov óner alama­nyn­­daǵy bar­lyq shyǵyndy uıymdas­tyrý­shylardyń ózderi moınyna alatyny týraly da atap aıtty. – Bul shynaıy áleýmettik joba, son­dyqtan da jas daryndarymyzdyń ata-analary olardyń qaladan qalaǵa jú­rip-turýy men jatyn oryny sııaqty, bas­qa da shyǵyndary týraly alańdamaǵany abzal. Odan tys, baǵyn synaýǵa kelgen árbir jet­kin­shekke beriletin syılyǵymyz da ázir, – dedi tóraǵa. Pedagogtarǵa ádistemelik kómek retinde mýzyka mamandary sheberlik sabaqtaryn ótkizetini týraly da osy brıfıngte aıtyldy. Sondaı-aq, jartylaı fınalǵa shyq­qan baıqaý jeńimpazdaryna arnap 15 – 30 tamyz aralyǵynda «Bóbek» Ulttyq orta­ly­ǵynyń jazdyq mýzyka mektebinde aq­tyq syn aldyndaǵy jattyǵý dáristeri ótkiziledi. Balalar án baıqaýynyń qorytyndysy 27-28 qa­zanda Astana qalasynda shyǵary­lady. Je­ńim­pazdardy tanymal óner juldyz­da­ry­­nan quralǵan jıýrı músheleri men SMS jol­da­ǵan tyńdaýshylardan jınaq­­tal­ǵan daýys qo­ry­tyndylary sheshe­di. Eń úzdik bala daý­syn ıelengen jú­lde­ger – eli­miz­degi eń úz­dik mýz­y­ka­lyq mek­tepke grant utyp alady, tele­ar­na­lyq kór­setilimge klıp túsirý mártebesine ıe bolady. Balalar án baıqaýynyń bas prodıýseri ári ıdeıa avtory – Álııa Nazarbaeva. Álııa hanymnyń «Jandaný álemi» qory ótken 2015 jyly halyqaralyq «Bala tıýrkvıjın» ulttyq irikteý baıqaýynda alǵash ret kózge túsken bolatyn. Bıyldan bastap ondaı baıqaýdy óz elimizde ótkizýge uıǵarym jasaldy ári onyń mártebesin álemdik dárejege jetkizý maqsaty da joq emes. Búgin – Respýblıka saraıynda Qazaq­stannyń túkpir-túkpirinen kelgen jas talanttar qatysatyn Gala-konserttiń ashylýymen «Bala daýysy» I Ulttyq balalar án baıqaýy qanat qaqty. Talǵat SÚIINBAI, «Egemen Qazaqstan» ALMATY