Keshe Aqordada Memlekettik hatshy Gúlshara Ábdiqalyqova Avstralııanyń, Irlandııanyń, Benın Respýblıkasynyń, Sırııa Arab Respýblıkasynyń jáne Efıopııa Federatıvtik Demokratııalyq Respýblıkasynyń Qazaqstanda Tótenshe jáne ókiletti elshi qyzmetin qosa atqarýshy dıplomattardan Senim gramotalaryn qabyldady.
Alǵash bolyp Senim gramotasyn Avstralııa elshisi Pıter Martın Tesh tapsyrdy. Elshimen kezdesýde G.Ábdiqalyqova Qazaqstan úshin Avstralııa Azııa-Tynyq muhıty óńirindegi mańyzdy seriktes bolyp sanalatynyn atap ótti. Sondaı-aq, Astana Kanberramen yntymaqtastyqty keńeıtýge jáne tereńdetýge zor mán beretinine nazar aýdaryp, 2015 jyly eki el arasyndaǵy jalpy saýda aınalymy 74,2 mıllıon dollar bolǵanyn tilge tıek etti. О́z kezeginde P.Tesh Avstralııanyń Qazaqstannyń álemdik saıasattaǵy ustanymdaryn qoldaıtynyn aıtyp, taý-ken, aýyl sharýashylyǵy, bilim jáne ınfraqurylym salalarynda birlesip atqaratyn jumystyń kóp ekenine toqtaldy.
Al Irlandııa elshisi Edrıan Makdeıdten Senim gramotasyn qabyldaý barysynda Memlekettik hatshy ekijaqty qarym-qatynastar serpindi damyp kele jatqanyn aıtty. Qazaqstannyń Irlandııamen yntymaqtastyqty damytýǵa jáne ekijaqty sharttyq-quqyqtyq baza aıasyn keńeıtýge erekshe nazar aýdaratynyn nazarǵa alǵan G.Ábdiqalyqova eki eldiń salyq qyzmetteriniń arasyndaǵy qosarlanǵan salyq salýdan bas tartý týraly konvensııa boıynsha kelissózder qorytyndysyna qanaǵattanýshylyq bildirdi.
Sondaı-aq, Memlekettik hatshy Irlandııa tarapyna BUU Qaýipsizdik Keńesiniń turaqty emes músheligine Qazaqstannyń kandıdatýrasyn qoldaǵany úshin alǵys aıtty.
BAQ ókilderine bergen suhbatynda E.Makdeıd: «Men úshin Qazaqstanda elshi bolyp qyzmet etý – úlken qurmet. Búgin men Senim gramotasy arqyly Irlandııa prezıdentiniń Qazaqstan basshysyna joldaǵan quttyqtaýy men ıgi tilekterin jetkizgim keledi. Qazirgi tańda bizdiń ekijaqty yntymaqtastyǵymyz jaqsy deńgeıde. Aldaǵy ýaqytta qarym-qatynasymyzdy odan ári nyǵaıtýǵa múmkindik zor. Sondyqtan, osy baǵytta talmaı eńbek etýge daıynmyn», – dedi.
Benın Respýblıkasynyń elshisi Anıset Gabrıel Kochofadan Senim gramotasyn qabyldaý kezinde Memlekettik hatshy Qazaqstan Afrıkadaǵy saıası jáne ekonomıkalyq úderisterdi muqııat baqylap otyratynyn jáne qurlyq elderimen baılanysty keńeıtýge múddeli ekenin atap ótti. G.Ábdiqalyqova atalǵan memlekettiń elshisine Qazaqstan Prezıdentiniń shtab-páteri Astanada ornalasatyn Azyq-túlik qaýipsizdigi jónindegi ıslam uıymyn qurý týraly ıdeıasyn qoldaǵany úshin rızashylyq bildirdi.
Jýrnalıster aldynda jasaǵan málimdemesinde A.Kochofa óziniń Máskeýde oqyǵanyn, sol sebepti Qazaqstandy stýdent kezinen jaqsy biletinin aıtty. Odan bólek, elshi ýnıversıtet qabyrǵasynda dáris oqyǵan kezinde eń daryndy shákirtteri Qazaqstannan bolǵanyn da esine aldy. Sondyqtan da bul kúndi ómirindegi eń baqytty sátterdiń birine balaǵan ol Qazaqstan syndy uly memlekette qyzmet etetinine qýanyshty ekenin jetkizdi.
Sırııa Arab Respýblıkasynyń elshisi Rıad Haddadtan Senim gramotasyn qabyldaǵannan keıin G.Ábdiqalyqova Qazaqstan halyqaralyq qoǵamdastyqtyń, sondaı-aq, Sırııa bıligi men oppozısııasynyń zorlyq-zombylyq pen qantógisti tez arada toqtatý úshin ózara mámilege kelý arqyly eldiń saıası bolashaǵyn aıqyndaýǵa jumsaǵan kúsh-jigerin qoldaıtynyn aıtty. Memlekettik hatshy BUU Qaýipsizdik Keńesiniń turaqty emes músheligine usynylǵan Qazaqstannyń kandıdatýrasyna qoldaý kórsetkeni úshin Sırııa tarapyna da rızashylyq bildirdi. Sonymen qatar, Qazaqstan men Sırııa arasynda san ǵasyrlyq dástúrli baılanys ornyqqanyna jáne kórnekti tulǵalar – Ábý Nasyr ál-Farabı men Sultan Áz-Zahır Beıbarystyń eki halyq arasyndaǵy dostyq qarym-qatynastyń sımvoly bolyp tabylatynyna nazar aýdardy.
О́z kezeginde R.Haddad «Qazaqstan úkimeti Eýrazııalyq ekonomıkalyq odaqqa qosylý týraly bastamamyzdy qoldaıdy degen oıdamyz. Sondaı-aq, Qazaqstan úkimeti saıasattaǵy baǵytymyzǵa da qoldaý tanytatynyna úmittenemiz. Bul bizdiń eldegi daǵdarysty eńserý úshin asa qajet. Buǵan qosa, lańkestikke qarsy kúreste de Qazaqstannyń bizdi qoldaıtynyna úmit bildiremiz», – dedi.
Sonymen qatar, Efıopııa Federatıvtik Demokratııalyq Respýblıkasynyń elshisi Aıalev Gobezı Vorkneden Senim gramotasyn qabyldaǵan G.Ábdiqalyqova Qazaqstannyń Afrıka qurlyǵyna qatysty syrtqy saıasatynda Efıopııanyń aıryqsha oryn alatynyn aıtty. Ekijaqty yntymaqtastyqty jandandyrý maqsatymen 2014 jyly Addıs-Abebada Qazaqstannyń elshiligi ashylǵanyn jetkizgen Memlekettik hatshy Efıopııa halqyn aldaǵy 25 mamyr – Afrıka kúnimen, sondaı-aq, 28 mamyrda atap ótiletin Efıopııa demokratııalyq kúshteri jeńisiniń 25 jyldyǵymen quttyqtady.
Shet memleketterdiń elshileri keń aýqymdy máseleler boıynsha baılanystardy, sonyń ishinde qarjy, munaı-gaz, azyq-túlik óndirý, balamaly qýat kózderi jáne taǵy basqa salalardaǵy yntymaqtastyqty keńeıtýge múddeli ekendikterin bildirdi. G.Ábdiqalyqova atalǵan memleketterdiń Tótenshe jáne ókiletti elshileriniń jumysy elderimiz arasyndaǵy yntymaqtastyqty jandandyrýǵa septigin tıgizetinine senim bildirip, olardy Astana qalasynda ótetin halyqaralyq mamandandyrylǵan EKSPO-2017 kórmesiniń jumysyna qatysýǵa shaqyrdy.
Elaman QOŃYR,
«Egemen Qazaqstan»