ASTANA. 14 mamyr. Búgin Qazaqstan Prezıdenti Nursultan Nazarbaevtyń tapsyrmasyna sáıkes qurylǵan Jer reformasy jónindegi komıssııanyń alǵashqy otyrysy ótýde. Bul týraly egemen.kz tilshisi habarlady.
Komıssııa otyrysynyń alǵashqy sózin Premer-mınıstrdiń birinshi orynbasary, Jer reformasy jónindegi komıssııanyń tóraǵasy Baqytjan Saǵyntaev alyp, jıynnyń maqsaty men atqaratyn jumysyna toqtaldy. Onyń aıtýynsha, elimizdegi Jer kodeksiniń keıbir tustary osy otyrysta qaıta qaralyp, komıssııa músheleri óz oılaryn ashyq aıtýǵa, usynys berýge quqyly.
«Biz komıssııa otyrysynda Qazaqstannyń ulan-baıtaq jerin kóziniń qarashyǵyndaı saqtaǵan halyqtyń kókeıindegi máseleni aıtyp, sheshilý joldaryn qarastyramyz. Ras, aýyl sharýashylyǵy salasyn damytý, ekonomıkasymyzdy ilgeriletý búgingi kúnniń ózekti máselesi», – dedi komıssııa tóraǵasy.
Aıta keteıik, jıyn barysynda elimizdiń qoǵam qaıratkerleri, kásipkerler, úkimettik emes uıym músheleri, mınıstrler men Parlament májilisiniń depýtattary óz oılaryn aıtyp, jer máselesine baılanysty usynystaryn bildirdi.
Talǵat Raıymbekov.
Derek, foto: egemen.kz.