«Qaǵaz, qalam, ýaqyt ber azdaǵan, men ómirge jyrlaý úshin kelgenmin», dep ózi aıtqandaı, az ǵumyrynda artyna mol mura qaldyrǵan Muqaǵalı Maqataevtyń taıap kele jatqan týǵan kúnine oraı №172 jalpy bilim beretin mektepte ádebı kesh ótti. Oqýshylar bala Muqaǵalı men dana Muqaǵalıdyń beınesin sahnaǵa shyǵardy. «Áke, seniń jasyńnan asyp baramyn, Kezi-kezi kelgende tasyp ta alam. Kezi-kezi kelgende jasyp qalam, Myna ómirge, báribir, ǵashyq balań. О́kinbe, áke, otyń bar sónbeıtuǵyn, Ol máńgilik janady kórmeı tynym. Urpaǵyń bar, el menen er namysyn, Tiri tursa, qolynan bermeıtuǵyn», dese bala Muqaǵalı, «Apyrmaı, týǵan jer-aı, teńdeser kim, Bul jerge sen bolmasań kelmes edim. Kindigimdi baılaǵan qazyǵym-aı, Sen bolmasań bul mańdy kórmes edim», dep tolǵanady dana Muqaǵalı.
Keshte aqyn óleńderi oqylyp, onyń sózine jazylǵan ánder oryndaldy. Jazýshy Beksultan Nurjekeuly oqýshylarǵa kózin kórip, sózin estigen jyr jampozy týraly aǵynan jarylyp áńgimelese, aqyndar A.Ábdiqalyq, B.Májıtuly arnaý óleńderin oqydy. Aqynnyń balasy Juldyz Muqaǵalıuly ákeniń asyl qasıetterin, daryn-qarymyn tilge tıek etse, halyqaralyq Muqaǵalı qoǵamdyq qorynyń prezıdenti, jyr dúldúliniń kelini Baqytkúl Aıdarova atasynyń taıaýda ǵana baspadan jaryq kórgen tomdaryn, ózge de qundy zattardy mektep murajaıyna syıǵa tartty. Bilim ordasynyń dırektory Nuraıym Qanabekqyzy ardaqty aqyndy osylaısha ardaqtaý, keıingi urpaqqa onyń ólmes jyry men óshpes ómirin nasıhattap otyrý, muny dástúrge aınaldyrý bizdiń qaryzymyz ben paryzymyz, –dedi.
Bota MUQATOVA, bastaýysh synyp muǵalimi.
Almaty.