Mehıkoda da elshiligimiz bar

Qazaqstannyń álem elderimen yntymaqtastyǵy ýaqyt ótken saıyn arta túsip keledi. Osy sózimizdiń dálelindeı, jaqynda alystaǵy Mehıkoda da Qazaqstan Respýblıkasynyń Meksıkadaǵy elshiliginiń saltanatty ashylý rásimi boldy. Rásimge qazaq dıasporasynyń ókilderi, syrtqy saıasat vedomstvosynyń basshylyǵy, memlekettik organdardyń, Parlamenttiń, dıplomatııalyq korpýstyń ókilderi, Latyn Amerıkasy men Karıb basseıninde ıadrolyq qarýǵa tyıym salý jónindegi agenttiktiń basshylyǵy, bıznes ókilderi qatysty. Meksıka syrtqy ister mınıstriniń orynbasary Karlos Alberto de Ikaza men OPANAL-dyń bas hatshysy Lıýs Fılıpe de Masedo Sýaresh qabyldaýdyń qurmetti qonaqtary boldy. Qazaqstannyń Meksıkadaǵy elshisi Andrıan Elemesov eli­miz­diń sońǵy jyldary qol jet­­kiz­gen jetistikteri týra­ly áńgi­melep, Qazaqstan men Mek­­sı­­k­a­­nyń ekijaqty ynty­­maq­­tas­ty­ǵynyń qazirgi jaǵ­daıy men perspektıvalary týraly egjeı-tegjeıli aqparat berdi. Karlos Alberto de Ikaza dıplo­ma­tııalyq ókildikti Meksıka úkimetiniń atynan quttyqtap, Qazaqstan basshy­lyǵynyń Mehıkoda óziniń elshiligin ashý týraly saıası sheshiminiń mańyzy men máni joǵary ekenin atap ótti. Ol álemdik kún tártibiniń kóptegen baǵyty boıynsha ekijaqty saıası únqatysýdy nyǵaıtýdyń mańyzy zor ekenine toqtala kelip, eki eldiń syrtqy saıası baǵyttarynyń uqsas ekendigine jınalǵandardyń nazaryn aýdardy. «Egemen-aqparat»