Ekinshi qatarly jol

teliminiń alǵashqy kezegi el Táýelsizdiginiń 25 jyldyq mereıtoıy qarsańynda ashylady «Qazaqstan temir joly» UK» AQ basshysy Asqar Mamın Almaty oblysyna jumys sapary barysynda Almaty-1 – Shý ekinshi qatarly temirjol salý jumystary qalaı júrip jatqanymen tanysty. Atalǵan jobany kompanııa «Nurly Jol» baǵdarlamasy sheńberinde júzege asyryp jatyr. Almaty-1 – Shý teliminiń ekinshi qataryn iske qosý Parsy shy­ǵanaǵy elderi, Eýropa jáne Túr­kııa baǵyttarynda tranzıttik vagon aǵynyn arttyrýda úlken mańyzǵa ıe. Almaty-1 – Shý teli­minde ekinshi qatarly jol qury­lysy poıyzdar qozǵalysyn uıym­dastyrý, tasymal úderisiniń tıim­diligin arttyrý jumystaryn­da «tar» jerlerdi joıý úshin asa qajet bolyp tabylady. О́ıt­keni, atalǵan telimmen júre­tin poı­yz­dar qozǵalysy jıili­gi­­men erek­shelenedi. Al bul nysan­nyń elimizdegi asa mańyzdy magıstraldiń ótkizý qabiletin arttyrýda róli asa joǵary. Qurylysty júrgizip jatqan­darmen ótkizilgen keńes kezin­de kompanııa basshysy nysannyń strategııalyq mańyzy joǵary ekenin atap ótti. Osy oraıda qu­ry­lys jumystarynyń sheshýshi kezeńge aıaq basqanyn aıta ketken jón. «Bul jelige júkteme aıtar­lyqtaı artady, ıaǵnı jańa mar­shrýttar qosylady, jolaý­shy­lar poıyzy qozǵa­lysynyń jıi­ligi kóbeıedi. Ásirese, júrdek «Tulpar-Talgo» poıyzdarynyń qoz­ǵalysy jıileıdi», – dedi kompanııa basshysy. Ol, sondaı-aq, kún saıyn osy magıstralmen 6-7 konteınerlik quramalar ótetinin de kóldeneń tartty. Qazirgi kezde ekinshi qatarly jolǵa qajetti kópirler, sý ótki­zetin qubyrlar, baılanys jáne energetıka nysandaryn salý bo­ıynsha jumystar júrgizilýde. Sóz oraıynda ekinshi qatarly jol tóselimine Aqtóbedegi zaýyt­ta shyǵarylatyn relster paıda­la­nylyp jatqanyn da aıta ketken abzal. Jobaǵa sáıkes, 110 shaqyrymǵa sozylatyn ekinshi qatarly jol qurylysynyń alǵashqy 58,2 shaqyrymdyq bóligin ústimizdegi jyldyń qarasha aıynda paıda­lanýǵa berý josparlanǵan. Bul – «Qazaqstan temir joly» UK» AQ-tyń el Táýelsizdiginiń 25 jyldyq mereıtoıyna arnaıy syıy bolmaq. «Egemen-aqparat»