Azıadadaǵy iri jeńisimiz – el táýelsizdiginiń mereıtoıyna tolymdy tartý

Prezıdent poshtasynan Memleket basshysynyń atyna Astana men Almatyda 7-shi Qysqy Azııa oıyndarynyń tabysty ótýimen qut­tyqtaǵan hattar men jedelhattar elimizdiń azamattarynan, tanymal sport­shy­lardan, sport ardagerlerinen kóptep kelip túsýde, dep ha­barlady Qazaqstan Respýblıkasy Pre­zıdentiniń baspasóz qyzmeti. Atap aıtqanda, bokstan sport sheberi S. Nurqazov Qysqy Azııa oıyndary elordada sal­ta­natty túrde, joǵary deńgeıde ashy­lyp, jurtshylyqty tańǵa­jaıyp áserge bólegenin, bul sporttyq shara elimiz úshin asa iri oqıǵa bolǵanyn qýanyshty sezimmen jazady. Odan ári hat ıesi: «Asa qurmetti Nursultan Ábishuly! Búgingi kúni Sizdiń sarabdal saıa­satyńyzdyń arqa­synda Qazaq­stan­nyń týy bıik, tuǵyry berik bolyp, búkil ál­em­ge tanylyp otyr», deıdi. 7-shi Qysqy Azııa oıy­n­da­rynyń ashylý saltanatyna Aty­raý oblysynyń delegasııasy qu­ramynda qatysqan B. Aımaǵan­betov óz áserin bylaısha bó­li­sedi: «О́ner jáne sport maıtal­mandary qazaqtyń jelbiregen kók týyn ortaǵa alyp shyqqanda, qýanyshtan tóbesi kókke kóte­ril­megen qazaqstandyq kemde-kem shy­ǵar. Qazaqstan Táýelsizdik jyl­darynda tuńǵysh ret Azııa oıyn­daryn uıymdastyrý arqyly Azııanyń jetekshi elderimen ıyq teńestirip otyr. Osydan-aq, elimiz jańa ǵasyrǵa nyq senimmen qadam basqanyn baıqaýǵa bolady». Al, 7-shi Qysqy Azııa oıyn­darynyń ashylý saltanatyna Ba­tys Qazaqstan oblysynyń dele­gasııasy quramynda qatysqan sport ardageri A. Shýraev ha­tyn­da: «Asa úlken aýqymdaǵy mun­daı qurlyqtyq sharany TMD jáne musylman elderi ishinde tuńǵysh ret Sizdiń halyqaralyq deńgeıdegi saıası bedelińizdiń ar­qasynda ótkizdik. Biz elimizde jo­ǵary deńgeıde ótken Azııa oı­yndaryn qasıetti el Táýel­siz­diginiń 20 jyldyǵyna tartýy­ńyz dep bilemiz», dep jazady. Sondaı-aq, Qaraǵandy ob­ly­synyń delegasııasynyń qu­ramynda 7-shi Qysqy Azııa oıyndaryna arnalǵan merekelik is-sharalarǵa qatysqan Uly Otan soǵysynyń ardageri Q. Bekenovtiń hatynda: «Qazaq­stan óziniń zor áleýetin, talaı qıyn máselelerdi sheshe ala­tynyn taǵy bir márte pash etti. Azıadanyń ashylý saltanaty barlyq merekelik is-shara­lar­dyń sharyqtaý shegi boldy», delingen. Odan ári hat avtory Elbasy N.Á.Nazarbaevtyń Táý­el­siz Qazaqstannyń ósip-órken­deýi jolynda atqarǵan ıgi isterine alǵysyn bildirip, zor den­saýlyq, súıikti Otanymyzdyń órkendeýi jolyndaǵy qyz­me­ti­ne tolymdy tabystar tileıdi. Sarabdal saıasatqa qoldaý Memleket basshysynyń atyna Elbasy N.Á.Nazarbaevtyń «Bolashaqtyń irgesin birge qalaımyz» atty bıylǵy Qazaqstan halqyna Joldaýyn qýattaǵan hattar men jedelhattar kelip túsýde, dep habarlady Qazaqstan Respýblıkasy Prezıdentiniń baspasóz qyzmeti. M.Áýezov atyndaǵy Ońtústik Qazaqstan memlekettik ýnıversıtetiniń stýdentteri jol­daǵan hatta Elbasynyń Qazaqstan hal­qyna Joldaýyn tikeleı efırden yqy­las­pen zeıin qoıyp tyńdap, keleshekke qatys­ty kemel oı túıgendikterin jazady. Avtor­lar odan ári: «Biz, stýdent jastar, Sizdiń saıasatyńyzdy qoldaı otyryp, egemen eli­mizdiń rýhanı, mádenı jáne ekonomıkalyq damýy úshin aıanbaı eńbek etip, Qazaq­stannyń jarqyn bolashaǵyn birge qurýǵa óz úlesimizdi qosamyz», dep atap kórsetken. Atalǵan hatqa stýdentter atynan Z.Ýsýpahmetov, J.Qorǵanbaev, Z.Orynbekov, J.Jaqypbekov, M.Isahov, R.Almanov jáne J.Esenálıev qol qoıǵan. Elbasyna joldaǵan jedelhatynda G.Ábdikenov zor densaýlyq jáne el múddesi jolyndaǵy qyzmetine tolaıym tabys tileıdi. Al, Qostanaı oblysynyń turǵyny S.Saǵynaev hatynda elimizdi damytýdaǵy Elbasynyń ıgilikti isterin, Qazaqstandy kúlli álemge tanytqan eren eńbegin ke­ńinen atap ótip, jańa damý jolyn aı­qyn­dap bergen sarabdal saıasatyna qoldaý bildiredi.