Elbasy Joldaýy jańa bıikterge bastaıdy

Jasampazdyq jolbasshysy

Aqıqatyna júgineıik

El Prezıdenti janyndaǵy Qazaqstan strategııalyq zertteýler ınstıtýty «Dóńgelek ús­tel» otyrysyn ótkizip, onda Mem­leket basshysynyń Qazaq­stan halqyna arnaǵan «Bola­shaq­tyń irgesin birge qalaı­myz» atty Joldaýy yqylasty jaǵdaıda egjeı-tegjeıli tal­qylandy. Osynaý ǵylymı forýmǵa memlekettik organdar­dyń ókilderi, memlekettik jáne táýelsiz taldamalyq qurylym­dar­dyń jetekshi sarapshylary, joo-lardyń oqytýshylary, son­daı-aq «Nur Otan» partııa­sy­nyń ókilderi qatysty. Kezdesýde Elbasy Joldaýy eldiń taıaý bolashaqtaǵy qyz­metiniń negizgi baǵyttaryn aı­qyn­daıtyn keń tolǵamdy stra­te­gııalyq qujat bolyp tabyla­tyndyǵy atap ótildi. Onyń eń basty ereksheligi sol, onda eldi jańalandyrý jolynda birqatar naqty mindetterdi sheshý qadap aıtyldy. Bul, eń aldymen, egemen Qazaqstannyń damýynyń sa­p­a­lyq jańa kezeńi bastalýymen tyǵyz baılanysty. Bıylǵy jyl respýblıka Táýelsizdiginiń 20 jyldyǵymen órnekteledi. Naq osy jaǵdaı atalmysh qujatta keń aýqymmen josparlanǵan ózge­ris­­terdiń mańyzyn arttyra tús­pek. Jańa Joldaýda Memleket bas­shy­sy respýblıka me­reıtoıy «Beıbitshilik pen jasam­paz­dyq­tyń 20 jyly» ura­nymen aı­shyq­talatynyn atap kórsetti. Str­a­te­gııalyq zert­teýler ınstıtýtynyń dı­rek­tory Bolat Sultanovtyń jáne forýmnyń basqa da qa­ty­sýshylarynyń paıymdaýynsha, bul urandy: «Prezıdent Nur­sultan Nazarbaevpen birge» degen sózdermen tolyqtyrýǵa áb­den bolar edi. Joldaýda qozǵalǵan kópte­gen máseleler boıynsha ashyq ta qyzý pikir almasty. Instıtýt dırektorynyń orynbasary Zarema Shaýkenova Elbasy Joldaýynyń ıdeologııalyq tur­­ǵysyna keńinen toqtaldy. Nursultan Ábishuly barsha qazaqstandyqtardy áýeli ózine, óz Otanyna únemdi bolýǵa, el­diń damý jaǵdaıynyń hal-ahýalyn janashyrlyqpen jaq­sy túsinýge shaqyrdy. Osy turǵydan kelgende, kezdesýge qaty­sýshylar Joldaýdyń bizdiń basty jetistikterimizdi – bos­tandyǵymyzdy, birligimizdi, tu­raq­tylyǵymyzdy, órkendeýi­miz­di qorǵaıtyn qujat ekendigine basa nazar aýdardy. Búgin tańda Joldaý júgindiretin aqıqat osy ekendigi anyq. Qorǵanbek AMANJOL, Almaty.

Baılyqtyń baıany yntymaqqa baılanady

Qostanaı qalasyndaǵy demokratııalyq kúshter koalısııasy ótkizgen shara osyny kórsetti Qostanaı pedagogıka ınstı­tý­tyndaǵy kishi májilis zaly ha­lyqqa lyq toly. Otyrǵandar tek pedagogıka ınstıtýtynyń ujy­my ǵana emes, onda jumysshy­lar, túr­li saıası partııalar men úki­­mettik emes uıym múshe­leri de bar. «Nur Otan» HDP Qostanaı qalalyq fı­lıalynyń tóraıymy Rımma Bek­turǵanova aldymen «Qa­zaqstan-2020» halyqtyq eks­pre­si» aksııasyna belsene qa­tys­qandarǵa qaladaǵy demo­kra­tııalyq kúshter koalısııasynyń alǵys hatyn tapsyrdy. Prezıdent Nursultan Nazarbaev halyqqa «Bolashaqtyń irgesin birge qalaımyz» atty bıylǵy Joldaýyn joldaǵan kúni «Nur Otannyń» Qostanaı qalalyq fılıalynyń bastama­symen oblystaǵy demokratııa­lyq kúshter koalısııasy yn­ty­maqtasyp, «Qazaqstan-2020» ha­lyqtyq ekspresi» atty aksııa ótkizgen. Quramynda kóp nár­sege kóńili tolmaı júretin «Aq­jol» Qazaqstannyń demo­kra­tııa­lyq jáne ótken kúnderdi ań­sap ah uratyn Kommýnıstik ha­lyqtyq partııalary jergilikti uıymdarynyń jetekshileri, úki­mettik emes uıymdar ókil­deri, máslıhattar depýtattary jáne ar­dagerler men jastar, nur­otan­dyqtar bar top temir jol vokzalynan sherýletip, Qosta­naı qalasyndaǵy iri-iri toǵyz ká­siporyndy aralaǵan. Bul túr­li partııalardyń tek Qosta­naı­da ǵana emes, elimizde tuńǵysh ret yntymaqtasyp, birigip ótkizgen sharasy edi. Olar aldymen «AgromashHoldıng» aksıonerlik qoǵamy­na keldi. Bul kezde Qostanaı qa­lasyndaǵy barlyq kásip­oryn, mekeme ujymdary sııaq­ty zaýyttyń jumysshylary Pre­zıdent Nursultan Nazar­baev­tyń Joldaýyn teledıdardan kórý úshin atshaptyrym seh­qa jınalǵan. Bul sehta ót­ken jyly ǵana koreıalyq jeńil kólik qurastyryla bastaǵan. Aksııaǵa qatysýshylar Jol­daýdy zaýyt ju­mys­shylarymen birge kórip, tyń­dady. Elimizdiń 20 jylda eko­nomıkalyq, áleýmettik salalarda jáne saıasatta qandaı tola­ǵaı tabystarǵa jetkenin Elba­sy Nursultan Nazarbaev jan-jaqty saralap aıtyp berdi. Ár­kimniń júregin maqtanysh, er­teńgi kúnge degen senim bıledi. «AgromashHoldıng» AQ – tek Qostanaı úshin ǵana emes, elimiz úshin mańyzy úlken zaýyt. Ol aýyl sharýashy­lyǵynyń tehnı­ka­lyq parkin ja­ńartýdy qolǵa alyp otyr. Osy zaýyttaǵy jas maman Vladımır Nosenkonyń sózi shynaıyly­ǵy­men jurttyń kókeıine qondy. – Qostanaı qalasy jyl ót­ken saıyn ósip, qulpyryp keledi. Jańa kásiporyndar ashylyp jatyr. Mysaly, ótken jyly ǵa­na bizdiń kásiporynda da je­ńil máshıne qurastyratyn seh ashyl­dy. Munyń bolashaǵy úl­ken. Qan­shama áleýmettik nysan­dar boı kóterdi, jańa mektepter, aýrýhanalar, turǵyn úıler sa­lyn­dy. Kedendik odaq quryldy. Elimiz ótken jyly iri halyq­aralyq uıymǵa basshylyq ja­sa­dy, bıyl da taǵy bir halyq­ara­lyq uıymǵa jetekshilik etkeli otyr. Aq Azıa­danyń Qazaqstanda ótýi de elimiz úshin úlken már­tebe. Osynyń bar­lyǵy da Qa­zaqstandaǵy saıası, ekonomıkalyq turaqtylyqty kór­se­tedi. Ol Pre­zıdentimiz Nur­sul­tan Nazar­baev­tyń sardar saıa­sa­tynyń máýeli jemisi, – dedi ol. Aksııaǵa qatysýshylar kelesi kásiporyn, «Agrotehmashqa» bettegende «AgromashHoldıng» AQ-ta sóılegen Vladımır Nosenko osy topqa qosyldy. Onda barǵan soń, jumysshylar arasynan Esen Nuǵymanov shyǵyp, V.Nosenko­nyń oıyn jalǵastyrdy. Ol El­ba­sy Nursultan Nazarbaevtyń Qazaqstan halqyna jyl saıynǵy Joldaýlarynyń kýási bolyp keledi. Kemel saıasatkerdiń ár Jol­daýynda eldiń ekonomıkasyn da­my­týdyń sara baǵyttary aıtyl­dy, baǵdarlamalar jasaldy. 2010-2014 jyldarǵa arnalǵan óndiristi údemeli ınnovasııalyq damytý baǵdarlamasy sheńbe­rin­de ótken jyldyń ózinde oblysta ónerkásip oryndary tapsyryl­dy. Olardyń árqaısysyna teń keler kásiporyn oblysta buryn bolǵan emes. О́ıtkeni olardaǵy jańa tehnologııa, zamanaýı qu­ral-jabdyqtar ónimdilikti eselep arttyryp otyr. Osy kásip­oryndarda 2400 jumysshynyń óz ornyn tapqany qandaı ǵanıbet. – Mende qazir barlyǵy da bar. О́zimniń súıikti isim bar, ot­basym qasymda, aılyq jalaqym qolym­da. Balalarymnyń uıqysy ty­nysh, bilim alýda. Bul Qazaq­standaǵy men sııaqty mıl­lıon­dar­­dyń qabyl bolǵan tilegi. Osy­­nyń barlyǵy Elbasymyz Nur­sultan Nazarbaevtyń kemel saıa­satynyń arqasy, búgingi Joldaý da sonyń aıǵaǵy! – dedi E.Nu­ǵymanov. Munan keıin «Qazaq­stan-­2020» halyqtyq ekspresi» «Qos­tanaı un kombınaty» aksıonerlik qoǵamy­na, «Baıan sulý» kondıter, «Al­pamys» aıaq kıim jáne «Bolshevıchka» tigin fabrıkalaryna, «Mılh» sút zaýytyna, «Arasan» fır­masyna, «KTEK» memlekettik kommýnaldyq kásipornyna bar­dy. Al ár kásiporynda kem degende 300-400 jumysshy bar. Ak­sııaǵa qatysýshylar toby ár ká­siporynǵa barǵan saıyn V.Nosenko men E.Nuǵymanov sııaqty bir adamǵa tolyǵyp, sol ergen ju­mysshy kelesi kásiporyn ujy­mynyń aldynda Prezıdent Nur­sultan Nazarbaevtyń jańa Jol­daýynda aıtylǵan máselelerdiń mańyzdylyǵyn, elimizdegi ynty­maq­ty, birlikti tilge tıek ete sóz sóılep otyrdy. Rımma Shyń­ǵys­qyzy aksııanyń aldaǵy ýaqytta jalǵasatyndyǵyn, oǵan qatysý­shy­lardyń ekonomıkalyq ta, áleý­mettik te qýaty jaǵynan to­lysyp, totydaı qulpyryp kele jatqan Qostanaı qalasyndaǵy basqa da kásiporyndarǵa bara­tyndyǵyn aıtty. Qostanaıdyń demokratııalyq kúshteri koalısııasy bir jeńnen qol, bir jaǵadan bas shyǵara yntymaqtasyp, sherýletken kúngi aıazdy aıta kórmeńiz. «Qazaqstan temir joly» Ulttyq kompa­nııa­sy» AQ konsýltatıvtik keńesi­niń múshesi, Qazaqstanǵa eńbek si­ńirgen kólik qyzmetkeri, Qosta­naı qalasynyń qurmetti azamaty 87 jastaǵy Bertran Rýbınshteın qarııa da sondaı aıazdy kúni ak­sııaǵa qatysqan toptyń bel or­tasynda tańerteńnen keshke deıin júrdi. – Men Qazaqstanda 60 jyldan beri turamyn. Sonyń 33 jy­lyn­da Qazaqstan temir jolynyń Qostanaı oblystyq bólimshesin basqardym. Men qyzmet istegen jyldarda jumys babynda Nur­sul­tan Ábishulymen kezdesip te júrdim. Ol Prezıdenttikke kelgen soń da kezdesýdiń sáti tústi. Mundaı Prezıdentti bizge taǵ­dyr­dyń ózi bergen. Men Qazaq­standaǵy basqany emes, ózim jaqsy biletin temir jol sala­syn aıtaıyn. Qazir bul sala­daǵy má­shıne jasaý isi qarysh­tap damyp keledi. Astanada teplovoz ja­saı­tyn zaýyt jumys isteıdi. Ol shyǵarǵan teplovozdar Táýelsiz Memleketter Dos­tastyǵy elderi­niń eshqaısynda joq.О́tken jyl­dyń aıaǵynda Astanada elek­tro­voz jasaıtyn zaýyttyń irgesi qa­landy. Endi bas qalamyzda vagon jasaıtyn zaýyt ashylady. Eki­bas­tuzda júk vagondary shyǵa­ryla bas­ta­dy. Aldaǵy jyldary Pavlodarda rels óndiriletin bo­la­dy. Mine, osylardyń barly­ǵyn syrttan satyp alyp jary­mas edik, endi olardy ózimiz syrt­qa satatyn bolamyz. Men boıamala­maı-aq aıtsam, osy ıdeıanyń barlyǵy da Nursultan Ábish­uly­nan bastalyp otyr, – dedi Bertran Iosıfovıch. Qos­ta­naıdaǵy qadirmendi aqsaqal­dyń ómirden kórgen-túıgeni, eńbegi­ne qaraı qurmeti de jeterlik. Aıtsa aýzy dýaly. Al Qostanaı pedagogıka ıns­tıtýtynyń kishi májilis za­lyn­daǵy basqosý jalǵasyp jatty. Qorjyndy altynǵa toltyrǵan sportshylarymyzdyń tabysyna balasha qýanǵan jurtshylyq áli Aq Azıadanyń áserinen aryl­ma­ǵandaı. Bul da yntymaǵy jarasqan eldiń bir yrysy bol­ǵany aıan. Endi alda prezıdenttik saılaýdyń jaýapkershiligin de ár qazaqstandyq júregimen sezineri haq. Túrli partııa, túrli uıymnan kelip otyrǵandardyń júzinen bura tartyp, bóliný emes, rýh bıiktigi, ortaq maqsat­qa birigý, túsinisý baıqaldy. Birer kúnde «Nur Otan» ha­lyqtyq-demokratııalyq partııa­sy­nyń HIII sezi ótedi. Osy iri sharanyń aldynda Qostanaı pedagogıka ınstıtýtynan elý adam «Nur Otan» partııasynyń qataryna ótýge tilek bildirgen eken. Olarǵa partııanyń Qosta­naı qalalyq fılıalynyń tór­aıymy Rımma Bekturǵanova men qalalyq máslıhat hatshysy Gúl­nar Oralova jáne basqalar sal­tanatty túrde bılet tapsyr­dy. Partııaǵa ótkenderdiń qata­rynda osy bilim ordasynyń prorektory, tarıh ǵylymdary­nyń doktory Erkin Ábil de bar. – Búgin nurotandyqtar qata­rynda sapqa turǵan elý kisiniń arasyndaǵy on eki stýdent partııa qataryna ótýge ustaz­dary­men birge ózderi tilek etti. El­ba­symyz Nursultan Nazarbaev Joldaýynda: «Men aýyzbirshi­lik­ten aınymaıtyn aqjúrek jur­tymnyń qýatty ultqa, shýaq­ty ulysqa aınalaryna ká­mil senemin», – dedi. Elbasy aıtqan bolashaq sizderdiń qoldaryńyz­da, – dedi jınalǵandar aldynda sóz sóılegen ınstıtýt rektory Qýat Baımyrzaev. Jas urpaqqa bilim men tárbıe berýdi uıym­dastyrýshy ustaz-basshy sózine ne alyp, qosýǵa bolady?!. Názıra JÁRIMBETOVA, Qostanaı. Sýrette: alǵys hat alǵan azamattar.

Jumyla kótergen júk jeńil

Taldyqorǵan qalasynyń ákim­diginde Qazaqstan Res­pýb­lıkasy Prezıdentiniń ha­lyqqa arnaǵan «Bolashaqtyń irgesin birge qalaımyz» atty Joldaýyn nasıhattaý, qu­jat­ta kóterilgen negizgi basym­dyq­tardy túsindirý maqsa­tyn­da memlekettik mekeme, sha­ǵyn jáne orta bıznes ókil­deri, ardagerler men úkimet­tik emes uıym músheleriniń qatysýymen jıyn ótti. Bıylǵy jyldyń basty qu­jatynda halyqtyń áleý­mettik máselesine erekshe kó­ńil aýdarylǵanyna, atap aıt­qan­da, bilim berý, densaýlyq saqtaý, turǵyn úı-kommýnal­dyq sha­rýa­shylyq jáne ju­myssyz­dyqty joıý másele­si­niń keńi­nen qamtylǵanyna óz rıza­shylyqtaryn bildirgender jaýapty salalarynda at­qa­rylǵan isterdi de ortaǵa saldy. Qala ákimi Sáken Jyl­qaı­da­rov shahardyń damýyna baılanysty aldaǵy jos­par­ly mindetterge toqtalsa, ózge de sóılegender jyl ótken saıyn jalpy jaǵdaıdyń oń qalyptasqanyn arqaý etti. Osylaısha olar aıtylǵan­dar­dyń oryndy eken­digin atap kórsetip, ob­lys ortalyǵy – Taldyqorǵan qalasynyń da­mýyna, ósip-órkendeýine ózin­dik úlesterin qosatyndyq­taryn jetkizdi. Joldaý bizge jiger berdi, deıdi shaharlyqtar. Kóktem bastalysymen qalany kógaldandyrý, sanıtarlyq tazalyǵyn qalypqa keltirý jumystaryna barlyq turǵyn qatysatyny da sóz boldy. Kúmisjan BAIJAN, Almaty oblysy.

Bolashaq  aldyndaǵy  jaýapkershilik

Meniń ultym – orys. Men 1990 jyly burynǵy Kókshetaý oblysy Kýıbyshev aýdany Novosel aýylynda dúnıege keldim. Qazir Shoqan Ýálıhanov atyn­daǵy Kókshetaý memlekettik ýnıversıteti agroınjenerlik fa­kýl­tetiniń  3 kýrs stýdentimin. Men jáne meniń otbasym­daǵy bes adam: ákem, anam, aǵam, áp­kem, inim Elbasynyń bı­ylǵy Joldaýdaǵy til máse­lesi tóńi­re­gin­degi aıtylǵan sóz­derin tolyq qoldaıtyny­myz­dy jáne barsha­myz aldaǵy saılaýda Ult Kósh­bas­shysyna biraýyzdan daýys beretindigimizdi nyq senimmen aıta alamyn. Búgingi tańda Nursultan Ábishulynyń sarabdal saıasa­ty­nyń arqasynda 20 jyldyń ishinde búkil dúnıe júzi tanı­tyndaı jáne olar bizdi moıyn­daıtyndaı dárejege jettik. Biz keleshekte Otanymyz­dyń jarqyn bolashaǵyn jal­ǵas­tyra­tyn bolamyz, oǵan men jáne men sııaqty ózge ulttyń ókilderi de kámil senedi jáne at­salysady dep oılaımyn. Mu­nyń barlyǵy kimniń arqasynda oryndalyp, júzege asyrylýda degende, bar istiń basynda, sóz joq, búgingi Prezıdentimiz, Ult Kóshbasshysy Nursultan Nazarbaev sııaqty bıik tulǵanyń turǵandyǵyn zor maq­tanyshpen aıtsaq, esh artyqtyǵy joq dep bilemin. Qazaq eli men onyń týyn kóterip otyrǵan kóp ultty halqynyń taǵdyry Elba­symen tyǵyz baılanysty. Son­dyqtan da ol kisiniń halyqqa Jol­daýynda kórsetilgen bar­lyq nusqaýlaryn júzege asy­rýǵa at­salysý – qaısymyzdyń bolmasyn azamattyq paryzy­myz, ýaqyt aldyndaǵy úlken jaý­apkershiligimiz dep túsinemin. Krıstına FIGOL, stýdent. Kókshetaý.

Jumysqa serpin bergen

«Aqtóberentgen» aksıonerlik qoǵamynda alda bolatyn «Nur Otan» HDP HIII  sezine oraı jáne Elbasynyń jańa Joldaýyn túsindirý maq­sa­tyn­da ótkizilgen aksııaǵa oblys jáne «Nur Otan» HDP ob­lys­tyq fılıaly basshylyǵy, depýttattar, kásibı-tehnıkalyq lı­seıler oqýshylary, «Qazaq­stan-2020» jalpyulttyq demo­kratııalyq kúshter koalı­sııa­sy­na kirgen úkimettik emes uıym­dar men qoǵamdyq birlestikter ókilderi qatysty. Bir myńnan astam adam jı­nalǵan aksııany kirispe sóz sóılep ashqan «Nur Otan» HDP oblystyq fılıalynyń tór­aǵa­sy, oblystyq máslıhattyń tór­aǵasy Balǵalı Ordabaev  El­ba­sy Joldaýyn aqtóbelikterdiń tolyq qoldaıtynyn jetkize kelip, memleket basshysynyń taıaý onjyldyqqa arnalǵan tapsyr­ma­la­ryn júzege asyrýda óńirdiń elimiz boıynsha kósh bastap kele jat­qanyn tilge tıek etti. Jol­daý­dyń oblysta ındýstrııalyq-ınnovasııalyq  baǵdarlamalardy júzege asyrýdaǵy, áleýmettik máselelerdi sheshýdegi jumys qarqynyna anaǵurlym serpin bergenin atap ótti. «Aqtóberentgen» AQ quras­ty­rý sehynyń jumysshysy Aq­jar­qyn Omarova Joldaýdyń el­diktiń irgetasyn bekitken ma­ńyz­dy da mazmundy qujat ekenine toqtaldy. Aqtóbe munaı qubyrlary zaýy­tynyń operatory Irına Zavalennaıa ózi eńbek etetin ujym­nyń Elbasy Joldaýyn júzege asyrýǵa kirisip te ketkenin qýa­nysh­pen málim etti. Onyń aı­týyn­sha, kásiporynǵa elimizdegi munaı óndirýshi kompanııalardan keń kólemde tapsyrystar túse bastapty. Bul qosymsha taǵy da 30-40 jumys ornyn ashýǵa múm­kindik beredi eken. Sondaı-aq, Qazaqstan, Reseı jáne Belorýssııa arasyndaǵy Kedendik odaq­tyń da tıimdiligi sezile bas­taǵan. Reseıden alynatyn taýarlar buryńǵydaı uzaq ýaqyt kedende turmaıtyndyqtan,  ju­mys úderisi toqtamaı, ónimniń ózindik quny arzandaı bastaǵan kórinedi. Aqtóbe polıtehnıkalyq kol­ledji­niń 4-kýrs stýdenti, «Jas Otan» jastar qanatynyń mú­shesi  Erbol Shmannyń sózi de áserli shyqty. Ol  elimiz qol jet­kizgen barlyq tabystardy Qa­zaqstandy osyndaı álemge tanymal etken Elbasy esimimen baılanystyrdy. Aksııaǵa qatysýshylar  qa­zaq­tyń qabyrǵaly kompozıtory Eskendir Hasanǵalıevtiń «Atameken» ánin áýeletip, ádemi sharanyń ajaryn asha tústi. Satybaldy SÁÝIRBAI, Aqtóbe oblysy.

Otandy qaltqysyz súıý – ómirlik basty paryz

Táýelsizdiktiń jıyrma jylyna aıaq basqan elimizdiń az ǵana ýaqytta abyroıy artqan aı­byn­dy elge aınalýy shyn mánisinde de iri jetistik. Memleket basshysy Nursultan Nazarbaevtyń Qazaqstan halqyna bıylǵy Joldaýynda «bizdiń baǵdarlamalarymyzdyń basty maqsaty – ha­lyqtyń ál-aýqatyn nyǵaıtý» dep atap kórsetilýi kóńilge qýanysh uıalatady. Sonymen qatar, bul baǵdarlamalardyń barlyǵynyń qazaqstandyq­tar­dyń ómir sapasyn jaqsartýǵa baǵyttalýynyń mańyzy óte zor. Elbasy aıtqandaı, memleketimiz bıylǵy jyldyń birinshi qańtarynan bastap, zeınetaqyny 30 paıyzǵa deıin kóbeıtý týraly mindettemesin oryndap, ýáde bıiginen kórindi. Sóıtip, Elbasymyzdyń sarabdal saıasaty nátı­jesinde halyqtyń ál-aýqaty arta túsýde. Meniń ózim kóp balaly ana, «Kúmis alqa» ıegeri retinde aıtarym, týǵan Otanymyzdaǵy, otbasymyzdaǵy yntymaq, jas urpaqtyń baqytty ómiri – bolashaqqa senimdi nyǵaıtady. Jol­daýdaǵy «Otandy qaltqysyz súıý onyń sýyǵyna shydap, ystyǵyna kúıýdi talap etedi» degen joldardyń árbir qazaqstandyqtyń ómirlik basty paryzyna aınalýy eń birinshi qajettilik. Búginde seksenniń asýy­na kóterilgen, el ıgiligi jolynda eseli eńbek etip, aýyldastarymnyń qurmetine bólengen men sekildi kóp balaly ananyń bul tujyrymy kóp kóńilinen shyǵady dep senemin. Onyń ózindik sebepteri de bar, óıtkeni, turaqtylyq pen tynyshtyq ornaǵan, qarapaıym eńbek adamyna júıeli túrde áleýmettik qamqorlyq pen kómek kórsetiletin týǵan el aldyndaǵy jaýapkershiliktiń júgi aýyr. Shyn­dyǵynda da, búgingideı qym-qýyt zamanda ár adam úshin beıbitshilikten artyq, qoı ústine boztorǵaı jumyrtqalaǵan tynyshtyqtan artyq baqyt, odan ótken qýanysh bolýy múmkin be?! Jasyratyny joq, beıbit aspannyń qadiri men qasıetin sonaý el basyna kún týǵan Uly Otan soǵysy qasiretin basynan ótkergen aǵa urpaq ókilderi jaqsy túsinedi. О́mirdiń qıyndyǵyn da, qyzyǵyn da bir adamdaı kórgen men ákem Esimbekti jáne baýyrlarym Qojabek pen Dýanbekti qan maıdanǵa attandyryp, odan oralmaı qalǵanda nebári on jasta ǵana bolatyn. Odan keıingi aǵalarym – Imanbek pen Mombek te qan maıdanǵa attanyp, elge aman-esen oraldy. Sóıtip, bir shańyraqtan basqynshylarmen shaı­qasqa attanǵan bes azamattyń úsheýi birdeı Otan úshin opat boldy. О́zimniń ómirlik qosaǵym  Qur­man­áli Egizbaev ta Uly Otan soǵysynyń otty jyl­darynda erlik pen qaharmandyqtyń úlgisin kórsete bildi. Soǵys aıaqtalǵan soń eki jyldan keıin, ıaǵnı 1947 jyly týǵan jeri – Almaty oblysy Eńbek­shi­qazaq aýdanyna oralǵan ol on jetige jańa tolǵan ma­ǵan úılenip, otbasyn qurdy. Jıyrma úsh jas­ta­ǵy maıdanger jigittiń áli ońy men solyn tanyp bilmegen, jap-jas qyzǵa  úılengeni keıbireýlerdi tań­dan­dyrǵan. Degenmen, kóp balaly otbasynda tár­bıe­lengen men úı sharýasyna da, bala tárbıesine de ıkemdiligimdi kóp uzamaı-aq dáleldep shyqtym. Búginde segiz balanyń ardaqty anasy, nemereleri men shóbereleriniń súıikti ájesi atanyp otyrmyn. Al ótken kúnderdi eske alsam, anam Zaǵıpamen birge maıdandaǵy jaýyngerlerge ton tigip, qolǵap toqyp jibergen, aýyr eńbekten bel maıysqan kezderimdi umytý múmkin emes. Biraq, júırik ýaqyt bárin umyttyrady eken. Qurmanáli ekeýmiz  ata-ana retinde balalarymyzǵa tálimdi tárbıe berýge umtyldyq. Táýbe, deıin, uldary­myz­dy uıaǵa, qyzdarymyzdy qııaǵa qondyrǵan, kóp­shi­lik qurmetine bólengen meni quda-jekjattarym ázil-shyny aralas «Marshal qudaǵı» dep ataıdy. Eńbekshiqazaq aýdanyndaǵy sharýashylyqta bas­shy qyzmetter atqarǵan, «Eńbek dańqy» ordeni­niń ıegeri, qosaǵym Qurmanáliniń úlken júrekti azamat bolǵanyn onyń kózin kórgender árdaıym aıtyp otyrady. Eńbekshiqazaq aýdanynyń Shelek aýylyn­daǵy kóshege el ıgiligi jolynda eren eńbek etken azamat Qurmanáli Egizbaevtyń aty­nyń berilýi de kóp nárseden habar berse kerek. Al Elbasynyń óz Joldaýy arqyly jyl saı­yn eldegi áleýmettik jaǵdaıǵa basa nazar aýda­rýy Otanymyzdyń irgetasyn bekite túsip otyr­ǵan utyrly qadam ekeni anyq. Demek, Qazaq­stannyń bolashaǵy kemel. Rashan EGIZBAEVA kóp balaly ana. Almaty oblysy, Eńbekshiqazaq aýdany, Shelek aýyly.