Senimdilik – úlken ister bastaýy
Memleket basshysynyń atyna elimiz azamattarynan bıylǵy Qazaqstan halqyna Joldaýyna qoldaý bildirgen hattar tolassyz kelip túsýde, dep habarlady Qazaqstan Respýblıkasy Prezıdentiniń baspasóz qyzmeti. Ońtústik Qazaqstan oblysy, Shardara aýdanynyń bir top ardagerleri atynan joldaǵan hatynda T.Aǵmanuly «Elbasymyzdyń bıylǵy «Bolashaqtyń irgesin birge qalaımyz» atty Joldaýyn ońtústiktiń shalǵaı aýdanynda turatyn bir top ardager erekshe yqylaspen tyńdadyq», dep jazady. Odan ári hat ıesi buǵan deıin alǵa qoıylǵan mindetterdiń tolyǵymen oryndalǵanyn aıta kelip, Prezıdent Joldaýynda aıqyndalǵan keleli mindetterdiń de belgilengen merziminde iske asatynyna senimin bildiredi. Taraz qalasynyń turǵyny, «Altyn alqa» ıegeri A.Dúısenbekova kóp balaly analar atynan óziniń pikirin bylaısha jetkizedi: «Elbasymyzǵa búkil Qazaq halqy, qazaq eli jáne ulyq atalardan bastap besiktegi balaǵa deıin rıza! Elimizde járdemaqy, jalaqy jáne zeınetaqynyń kóterilýi kimdi bolsyn qýantady. Qalalarda, aýdandarda sábılerge arnalǵan balabaqshalar boı kóterip, ata-analar qýanyshqa bólenýde. Halqymyzdyń armandaǵan oılary tolyǵymen oryndalyp keledi». Sonymen qatar, ardaqty ana Elbasyna, elge, Otanǵa baılanysty oı-tolǵamdaryn óleń joldaryna arqaý etken.Biz sizben birge kúshtimiz
Memleket basshysy Nursultan Nazarbaevtyń atyna qazaqstandyq azamattardan 7-shi Qysqy Azııa oıyndarynyń tabysty ótýine baılanysty quttyqtaýlar kóptep kelip túsýde, dep habarlady Qazaqstan Respýblıkasy Prezıdentiniń baspasóz qyzmeti. Atap aıtqanda, Aqtóbe oblysynyń sportshylary Qazaqstanda sporttyq is-sharanyń joǵary deńgeıde ótkizilgeni úshin shynaıy rızashylyqtaryn bildiredi. «Siz Azııa oıyndaryn ashyq dep jarııalaǵanda stadıondy kórermenderdiń qol shapalaqtaýy dúr silkindirdi. Biz Sizge júrekjardy yqylasymyzdy bildirdik. Sizdeı Prezıdentimiz bar bolǵany úshin bizdiń júregimiz maqtanyshqa toldy. Sizben birge biz – kúshtimiz!», delingen hatta. Sondaı-aq, Almaty qalasyndaǵy №50 mekteptiń ujymy men oqýshylary Memleket basshysyn Azıadanyń tabysty ótýimen quttyqtaıdy. «Biz Azıadaǵa úzdik sportshylardy jıǵan óz elimizdi maqtan tutamyz. Bizge, almatylyqtarǵa, óz qalamyzda ár sport túrleri boıynsha sheberlerdi kezdestirý baqyty buıyrypty. Azıadanyń tabysty ótýi Qazaqstannyń senimdi qolda ekenin taǵy da kórsetti. Biz turaqtylyq, beıbitshilik pen qut-bereke ornyqqan elde ómir súrip jatqanymyzǵa baqyttymyz», dep atap ótilgen hatta. Qaraǵandy memlekettik tehnıkalyq ýnıversıtetiniń rektory A.Ǵazalıev oqytýshylar men stýdentterdiń júrekjardy quttyqtaýlaryn jetkizedi. «Bizdiń elimizde Azııadanyń ótýi – bul azamattardyń ál-aýqat deńgeıi joǵary, beıbitshilik pen kelisim saltanat qurǵan memleket retinde Qazaqstannyń halyqaralyq bedeliniń kórsetkishi. Osynyń bári elimizdi ekonomıkalyq, áleýmettik jáne saıası jańǵyrtýǵa baǵyttalǵan, Siz júrgizip otyrǵan dana jáne kóregen saıasattyń nátıjesi», dep atap ótken hat ıeleri. «Nursultan Ábishuly, Azıadaǵa daıarlyq jasaý jáne ony ótkizý – Sizdiń basshylyǵyńyzben atqarylǵan qyrýar is. Adam ıgilik, beıbitshilik jáne jasampazdyqqa umtylýy tıis. Azııa oıyndarynyń ashylýy men jabylý rásimderindegi oryndalǵan keremet kórinister tereń shyǵarmashylyq oıǵa, mazmunǵa qurylǵanyn kórsetti», delingen Almaty qalasyndaǵy №70 mekteptiń ujymy joldaǵan hatta. «Qaraǵandy oblysyndaǵy jazýshylar odaǵy» qoǵamdyq birlestiginiń tóraǵasy, Jezqazǵan qalasynyń qurmetti azamaty Valerıı Mogılnıskıı óz hatynda Memleket basshysy N.Á.Nazarbaevtyń saıasatynyń arqasynda Qazaqstan óziniń beıbitshilik, jasampazdyq, erkindik jáne adamdarǵa degen qurmet tárizdi ustanymdardy berik ustanatynyn álemdik qoǵamdastyqqa kórsetkenin atap ótken. «Bizder, qaraǵandylyqtar, Qaraǵandy oblysy boıynsha Olımpıadalyq estafetanyń bastalýyn Qaraǵandydaǵy Táýelsizdik stelasy alańynan óz kózimizben kórdik. Bul –umytylmas oqıǵa. 7-shi Qysqy Azııa oıyndary Qazaqstanda sportty damytýǵa jańasha serpin berdi. Men óz elim úshin, óz Prezıdentim úshin, óz sporttyq jetistikterimiz úshin maqtanamyn», delingen Qaraǵandy oblysy kásipodaqtar federasııasynyń tóraıymy A.Madııarovanyń hatynda. 7-shi Qysqy Azııa oıyndarynyń tabysty ótýine baılanysty óz quttyqtaýlaryn bildirgenderdiń qatarynda Almaty qalasy, Túrksib aýdanynyń medısınalyq qyzmetkerleri, Almaty qalasy- nyń turǵyndary Z.Sársemhanova, V.Jaqsylyqova, Oral qalasynyń turǵyny A.Kasmal da bar.
