El mereıtoıyn laıyqty ótkizeıik

Elbasynyń osy jylǵy 27 qańtardaǵy Jarlyǵy­men 2011 jyl «Beıbitshilik pen jasampazdyqtyń 20 jyly» degen uranmen ótkiziletin Qazaqstan Respýblıkasy Táýelsizdiginiń 20 jyldyǵy jyly dep jarııalandy. Keshe Qazaqstan Respýb­lı­ka­synyń Memlekettik hatshysy – Syrtqy ister mınıstri Q.Saý­dabaevtyń tóraǵalyǵymen quramy­na Prezıdent Ákim­shi­liginiń, Úkimettiń ókilderi, Par­lament depýtattary, ob­lys­tardyń, Astana jáne Al­maty qalalarynyń ákimderi, sondaı-aq, qoǵamdyq uıym­dar­dyń jetekshileri kiretin osy Memlekettik komıssııanyń birinshi otyrysy ótti. Elbasy alǵa qoıǵan tap­syrmalar aıasynda Qazaq­stan­nyń 20 jyldyǵy jyly is-sh­a­ra­laryn óńirlik jáne respýb­lıkalyq deńgeıde daıyndaý jáne olardy ótkizý jónindegi naqty mindetter belgilendi. Osy maqsatta Elbasynyń tap­syrmasy boıynsha Memlekettik komıssııanyń sheńberinde mynan­daı tórt jumys toby quryldy: – Premer-Mınıstrdiń oryn­­ba­sary – Indýstrııa jáne jańa tehnologııalar mınıstri Á.О́.Ise­keshev jetekshilik etetin Uıym­dastyrýshylyq, quqyqtyq jáne materıaldyq-tehnıkalyq qamta­ma­syz etý máseleleri boıynsha; – Prezıdent Ákimshiligi Bas­­­shysynyń orynbasary M.­S.Áshim­­­baev jetekshilik etetin Aqpa­rat­tyq qol­daý jáne qo­ǵamdyq-saıası mazmundaǵy is-sha­ralar ótkizý máseleleri boıyn­sha; – Mádenıet mınıstri M.A.Qul-Muhammed jetekshilik etetin Mádenı-gýmanıtarlyq is-sharalar­dy ótkizý máseleleri boı­ynsha; – Astana qalasynyń ákimi I.N.Tasmaǵambetov jetekshilik etetin Astana qalasyndaǵy merekelik is-sharalardy ótkizý jó­nin­degi jumys toby. Q.Saýdabaev otyrysty qory­tyndylaı kele: «Elbasymyz N.Nazarbaev atap ótkendeı, «Táýel­sizdiktiń mereıtoıy memlekettiń jańa tarıhyndaǵy asa jarqyn aıtýly oqıǵa bolýy tıis. Bul 2011 jyldyń ǵana emes, Táýel­sizdik jyldaryndaǵy júrip ótken joldardyń kvıntessen­sııasy». Sol úshin 20 jyldyq, shynymen de, jalpyulttyq mereke bolýy jáne onyń belsendi qatysýshysy árbir qazaqstan­dyq bolýy asa mańyzdy. Bizdiń basty maqsatymyz árbir otan­da­symyz táýelsizdik jylda­rynda óz aýylynyń, qala­sy­nyń, ómiriniń jaqsy jaǵyna qaraı aýysqanyn, oǵan jáne otbasyna Táýelsizdiktiń bergen bostandyǵy men múmkinshiligin sezinýi úshin ekonomıka, máde­nıet jáne qoǵamdyq ómirdiń barlyq salalaryndaǵy Qazaq­stan­nyń oń áser qaldyratyn jetistikterin kórneki túrde kór­setý bolyp tabylady. So­nyń ishinde osy jetistikterdiń barlyǵynda jańa Qazaqstan­nyń arhıtektory jáne qurý­shy­sy, álem moıyndaǵan ke­meńger kóshbasshy Nursultan Nazarbaevtyń teńdesi joq eń­be­gin ádil kórsetý de erekshe mańyzdy. Elbasy men eldiń birtutas ekendigin taǵy bir ret kórsetý kerek», – dep qadap aıtty. Jaqsybaı SAMRAT.