Júırikten júırik ozar jarysqanda

Eýrazııalyq Top (ERG) ótkizgen alǵashqy spartakıada sańlaqtardy anyqtady Jaqynda Aqsý qalasynda sporttyń 7 túrinen báseke boldy. Eýrazııalyq Toptyń (ERG)  enshiles kásiporyndarynan iriktelip kelgen tańdaýly sańlaqtar alǵashqy korporatıvtik spartakıadada baq synady. Jarysqa elimizdiń alty óńirindegi óndiristik kásiporyndardan quralǵan toǵyz qurama komanda sapynda jalpy sany 500-ge jýyq sportshy qatysty. «Dostyq» stadıonynda ótken ERG spartakıadacynyń ashy­lý saltanaty aqsýlyqtarǵa erek­she qýanysh syılady. Uıym­das­­tyrýshylar ártister tobyn ju­­myldyryp, qalanyń kemel tarı­hyn, Eýrazııalyq Top kásip­oryndaryn túgel qamtıtyn teatr­landyrylǵan kórinis uıym­dastyrdy. Spartakıada alaýyn jaǵý rá­simi óz aldyna erekshe saltanat retinde jurtshylyqtyń janaryn jipsiz baılady. Áý basta jarys alaýyn Aqsý ferroqorytpa zaýytynyń №21 peshinen kásip­orynnyń balqytýshy-brıgadıri ári kúresten Qazaqstan Respýb­lıkasynyń eńbek sińirgen jat­tyq­tyrýshysy Erkin Shabanbaı tutatyp alyp berdi. Jarys alaýyn qojdy qaıta óńdeý sehynda konveıer mashınısi bolyp eńbek etetin polıatlonnan Qazaqstannyń absolıýtti chempıony Evgenıı Mýzýr laýlatyp zaýyttan shyǵaryp shańǵymen júgirýden sport sheberi Irına Bakradenovaǵa tapsyrdy. Al kásiporynnyń jas mamany,  jón­deý-qurylys sehynyń gaz­elektr dánekerleýshisi Arman Ah­menov ERG-diń alǵashqy spar­t­akıadasynyń alaýyn jaqty. – Aqsý – aıryqsha qala. Mun­daǵy ferroqorytpa zaýytynda Eýrazııalyq Toptyń sapynda on myńnan astam adam turaqty eńbek etip júr. Bizdiń basym baǵyttardyń biri – óndiristik kásiporyndarymyz ornalasqan óńirlerdiń damýyna yqpal etý. Sol sebepti biz Aqsý qalasy men jalpy Pavlodar oblysynyń damýyna qomaqty kólemde áleýmettik ınvestısııalarymyzdy baǵyttap otyrmyz. Sizder ony jaqsy bilesizder dep oılaımyn. О́ıtkeni, qalada jańa turǵyn úıler boı kóterip, balalar oıyn alańdary abattandyrylyp, keremet Sport saraıy salyndy. Sonymen qatar, bıyl biz Rıodaǵy Olımpıada oıyndaryna attanǵan ulttyq qurama komandasyna qoldaý kórsettik. Bizdiń búgingi spartakıadamyz da estafetany Brazılııadan qabyldap alyp otyr. Men Olımpıadanyń ashylý saltanatyna qatysyp qaıttym. Aıtaıyn degenim bú­gingi saltanattyń aýany odan esh kem túspeıdi,– dedi ERG-diń bas at­qarýshy dırektory Benedıkt Sobotka. – Bul teńdessiz aýqymdy sport sharasynyń Qazaqstan Res­pýblıkasy Táýelsizdiginiń 25 jyl­dyǵy men Aqsý qalasynyń 55 jyldyǵy syndy mereıli kezeń­dermen tuspa-tus kelýi kezdeı­soq­tyq emes,– dedi Pav­lodar oblysynyń ákimi Bolat Baqaýov. – Eýrazııalyq Toptyń bizdiń óndiristik ólkemizdiń órken­deýine qosyp jatqan úlesi súbeli. Osy oraıda ERG kompanııasy men Pavlodar oblysy ákimdigi arasyndaǵy áriptestikke degen áleýmettik jaýapkershilikti bárinen joǵary baǵalaýǵa laıyq ekenin aıtqym keledi. Eýrazııalyq Top tek «Ertis» fýtbol klýbyn qarjylandyrýmen shektelmeı, túrli sporttyq sharalar ótkizip, bastysy sport nysandaryn salý arqyly oblystaǵy buqaralyq sporttyń damýyna barynsha jaǵdaı jasap otyr. Máselen, osy Aqsý qalasynda taıaýda jabyq hokkeı korty ashylady. – «Qazhrom» kompanııasy 13 jyl boıy óz qyzmetkerleri ara­synda korporatıvtik sport oıyn­daryn turaqty ótkizip keledi. Sol sebepti men osy ishki spartakıadalar órisin keńge jaıyp, jalpy toptyq deńgeıge shyqqanyna erekshe qýanyshtymyn. Bul úlken jetistik. Biz qashan da ujymda salamatty ómir saltyn nasıhattap, qyzmetkerlerge qajetti jaǵdaı jasap kelemiz. Sol sebepti endigi jerde salamatty ómir sal­tyn ustanatyn Eýrazııalyq Top qyzmetkerleriniń qatary kó­beıe túserine senimdimin, – dep a­tap aıtty «Qazhrom» TUK» AQ prezıdenti Vıktor Tıl. Sport alańdaryndaǵy básekeniń tartysy da Olımpıada oıyndarynan esh kem túspedi. Kásibı sportshy emestigine qaramastan, saıysqa ujymdar ábden shynyǵyp, babynda kelipti. О́ndiristik kásiporynda eńbek etip júrgen metallýrgterdiń qaıraty, balqytýshylardyń ja­lyny, shahterlerdiń jigeri, ener­ge­tıkterdiń qýaty men kólik salasy qyzmetkerleriniń shap­shańdyǵy synǵa tústi. Mine, osyndaı baptanyp kelgen úzdikterden jasaqtalǵan ujymdar qalanyń barlyq alańdarynda bir mezette shaǵyn-fýtbol, voleıbol, bas­ketbol, ústel tennısi men jeńil atletıka, gir tasyn kóterý sporty men shahmattan myqtylardy anyqtady. Komandalyq sport túrlerinde tipti kásiporynnyń quramasyn qoldaýǵa kelgen jan­kúıerler arasynda da báseke qyzdy. Sóıte tura, ERG sportshylary spartakıadada shynaıy dostyq iltıpat tanytyp, tipti osal komandalarǵa da qyzý qoldaý kórsetip jatty. Sport úzikteri s­par­ta­kıada­nyń jabylý saltanatynda marapattaldy. Jekeleı jáne koman­dalyq saıysta top jarǵan úzdik­ter tuǵyrǵa kóterilip, medal, kýboktardan bólek, aqshalaı syılyqtarmen marapattaldy. Tórt kúndik tartysty synnyń nátıjesinde «Qazhrom» UK» AQ qyzmetkerleri gir tasyn kóterý, jeńil atletıka men basketbol básekelerinde aldyna jan salmady. Voleıboldan erler arasynda «Qazaqstan alıýmınııi» AQ ujymy alda bolsa, áıelder arasynda «EEK» AQ komandasy qarsylas shaq keltirmedi. Shaǵyn-fýtbolda «SSKО́B» dara shyqty. Ústel tennısinde «EEK» AQ mamandary úzdik bolsa, shahmatta «Qazaqstan alıýmınııi» AQ mamandarynyń aldyn eshkim oraı almady. Qoryta kelgende, jalpy komandalyq esepte «Qazhrom» TUK» AQ top bastady. «SSKО́B» AQ ekinshi, al úzdik úshtikti «Eýroazıattyq energetıkalyq korporasııasy» AQ komandasy túıindedi. Jankúıerler de syılyqtan qur alaqan qaıtpady. Kásiporyn sportshylaryn jigerli uran, jalyndy bıimen qoldap, sporttyq dýman kórigin qyzdyrǵan «SSKО́B» AQ jankúıerleri marapattaldy. «Qazhrom» TUK» AQ fılıaly – Aqsý ferroqorytpa zaýyty­nyń dırektory Sergeı Prokopev ERG spartakıadasynyń estafetasyn «SSKО́B» AQ ókilderine ta­bys­tady. 2018 jyly bas­ty korporatıvtik sporttyq saı­­ystar Rýdnyı qalasynda ótki­zilmek. – Biz áleýmettik baǵdarly saıasat­ty berik ustanyp kele jatqan kompanııamyz – Eýra­zııa­lyq Topqa erekshe alǵys aıtqy­myz keledi. О́zge kompanııalar óndi­ris­tegi osy ujymdardan ónege alsyn. О́ıtkeni, bul sparta­kıada qarapaıym eńbek adamyna degen erekshe yqylas pen janashyrlyqtyń ozyq úlgisi, – dep alǵysyn túıindedi «SSKО́B» AQ komandasynyń ókili Tatıana Sherstovıtova. Marat AQQUL, «Egemen Qazaqstan»