Ǵylymı bilim berý ortalyǵy ashylady

Ál-Farabı atyndaǵy Qazaq ulttyq ýnıversıtetiniń rektory Ǵalym Mutanov Katar memleketiniń Doha qalasyna jumys saparymen baryp, bilim mınıstri Muhammed ál-Hammadımen júzdesti. Kezdesý barysynda QazUÝ men Katardyń joǵary oqý oryndary arasyndaǵy seriktestik máseleleri talqylandy. Katar ýnıversıtetiniń prezı­denti Hasan Derhammen kezdesý barysynda eki jaq jaqyn arada ál-Farabı atyndaǵy QazUÝ negizinde Qazaqstan-Katar ǵylymı bilim berý ortalyǵyn ashý jóninen ózara yn­tymaqtastyq týraly kelisimge qol qoıýǵa ýaǵdalasty. Ǵalym Mutanov halyqaralyq tanymal «Qatar Foundation» qo­rynyń quramyna kiretin Sheıh Hamad ben Halıf atyndaǵy ýnıversıtet pen «Carnegie Mellon» ýnı­ver­­sıtetinde boldy. Hamad ben Halıf atyndaǵy ýnıversıtet pre­zıdenti Ahmad Hasna ıslamdyq qar­jylandyrý men aýdarma isi salalarynda QazUÝ-men birlese otyryp, bilikti maman daıarlaý týraly aıtsa, Katar ýnıversıtetiniń prezıdenti Hasan Derham ýnıversıtetpen bir­lesken ǵylymı-ınnovasııalyq or­taq jobalar ázirlep, Katar qory­nyń qarjylandyrýyna usyný múm­kindikterin qarastyrýǵa daıyn eken­digin málimdedi. Kezdesýde ıslam órkenıetin, arab tili men áde­bıetin, mádenıetin, tarıhyn ǵy­lymı turǵyda zertteý, ıslamdyq bilim berý salasynda bilikti mamandar daıyndaý jáne jańa ǵy­lymı ınnovasııalyq baǵyttarda ortaq jobalar ázirleý, Katar ýnı­versıtetteriniń pro­fes­sorlaryn QazUÝ-ge shaqyrý máseleleri de sóz boldy. QazUÝ-ge buǵan deıin áriptestik ornatý maqsatynda Ortalyq bank tóraǵasy Abdalla ben Saýda Ál-Tanı basqarǵan Katar memleketiniń delegasııasy issaparmen kelgen edi. Ol QazUÝ-diń jetistikteri men damý qarqynyn, bilim berý jáne ǵylymı-zertteý múm­kindik­terin joǵary baǵalady. Kezdesý ba­­­ry­­synda ıslamdyq bankıng pen qar­jylandyrýdy damytýdaǵy árip­testik máselesine nazar aýdaryl­ǵan bolatyn. Eldana TOQBAI