«Habar» agenttigi buryn-sońdy bolmaǵan joba ázirleýde

  «Habar» agenttigi jańa maýsymyn kútpegen jańalyqtarmen bastady. Agenttiktiń quramyna kiretin «24KZ» arnasynyń ataýy aýysyp, «Kazakh TV» jáne «Bilim jáne mádenıet» arnalary biriktirilmek. О́zgerister týraly «Habar» agenttigi» AQ basqarma tóraıymy Almagúl AHMETJANOVA keńinen áńgimeledi. – Almagúl Aýǵalıqyzy, osy maýsym ereksheliktermen bastaldy, muny ar­na­­laryńyzdaǵy ózgeristerden baıqap úl­ger­dik. Osy jyly kórermenge daıyndaǵan jańalyqtaryńyz kóp sııaqty. – Bıylǵy kúzgi maýsym erekshe. Aqparat jáne kommýnıkasııalar mınıstrliginiń tapsyrmasymen osy jyldan bastap agenttikte transformasııa júrgizilýde. 2020 jylǵa deıingi damý strategııasyn daıyndaý barysynda arnaıy zertteýler jasalyp, agenttik qyzmeti saraptaldy. Transformasııa aıasynda ishki bıznes úrdister ózgerip qana qoımaıdy, sonymen qatar arnalardyń kontenti jáne olardy taratý tásilderi de jaqsarady. Qyzmetkerlerimizdi oqytý jáne biliktiligin arttyrý máselelerine erekshe nazar aýdarýdamyz. Qazirgi ýaqytta «TRT» túrik holdıngimen yntymaqtastyq jóninde kelisim jasalýda. Túrik telearnasynyń aýmaǵynda 150 qyzmetkerdi oqytpaqpyz. Habar24 arnasy 100 paıyz óz ónimin kórsetedi Agenttik quramyna 4 arna («Habar», «Habar 24», «Bilim jáne mádenıet», «Kazakh TV») kiredi. Jańa maýsymda olardyń aldynda jańa mindetter tur: birinshiden, qoǵamdy qyzyqtyrǵan ózekti máselelerdi talqylaıtyn alańǵa aınalý, ekinshiden, kórermendi zııatkerlik damýǵa yntalandyratyn teleónimder daıyndaý, úshinshiden, elimizde jáne álemde bolyp jatqan oqıǵalar jóninde jyldam jáne shynaıy aqparat berý, tórtinshiden, mádenı muramyzdy kórermenge kóbirek taratyp, jetkizý, jas urpaqty tól mádenıetimizben jaqynyraq tanystyrý. – «24KZ» ar­nasynyń ataýy nelikten ózgerdi? – Tek at­aýy aýysqan joq, «24KZ» arnasynda rebrendıng júrgizildi. «Habar 24» endi ortaq teleotbasynyń quramynda. Mundaı tájirıbe álemdik medıaholdıngter arasynda keńinen taralǵan. Mysaly, VVS korporasııasy quramynda BBC One, BBC Two, BBC World News jáne basqalary bar. Jańarǵan arnanyń efıri túrli janrdaǵy baǵdarlamalarmen tolyqty. Negizgi kúsh saraptamalyq jáne reportaj baǵytyndaǵy jobalarǵa jumsalýda, ıaǵnı efırde sapaly saraptamalyq baǵdarlamalar­dyń qatary ulǵaıyp, reportaj janryndaǵy baǵ­darlamalardyń úlesi artty, sondaı-aq aımaqtardyń tynys-tirshiligi týraly jobalar kóbeıedi. Ashylǵan kúnen bastap 24 saǵat boıy jańalyqtar taratýǵa negizdelgen telearna ári qaraı da jańalyqtardyń jarshysy bolyp qalady. Shapshańdyq jáne shynaıylyq – olardyń basty ustanymy. Sonymen qatar, arnanyń efırlik beınekórinisi jáne resmı saıttyń ınterfeısi de ózgerdi. Jańarǵan saıt qoldanýǵa qolaıly jáne jańalyqtardy izdeý barysynda jeńil bolyp jasalǵan. – Arna ataýynyń ózgerýin kórermen qalaı qabyldady? – Bizdi qoldaýshylar da, synaýshylar da tabyldy. Meniń oıymsha, bul durys, ár adamnyń óz oıy, óz kózqarasy bar. «Habar 24» degen ataý­dy qabyldap, úırený úshin ýaqyt kerek. – «Habar 24-tiń» negizgi maqsaty 24 saǵat aqparat taratý bolatyn. Baǵdar­lama­lar sany artsa, jańalyqtar kóleńkede qalyp qoımaı ma? – «Habar 24» – Qazaqstandaǵy táýlik boıy jańalyq taratatyn alǵashqy telearna. Jańa maýsymda bul úrdis qala bermek. Kórermen 30 mınýt saıyn elimizde jáne álemde bolyp jatqan aqparattar legimen tanysady. Bizdiń túsirilim toby qoǵamda bolyp jatqan oqıǵalardy qalt jibermeýge tyrysyp, ony shapshań túrde kórermenge usynady. Arnanyń basty ereksheligi, efırde shyǵatyn baǵdarlamalardyń barlyǵy 100 paıyz qazaqstandyq ónim. Sondyqtan keltirilgen málimetter men kóterilgen máseleler ózimiz, tikeleı qazaqstandyqtar úshin jasalady. Al­daǵy ýaqytta da osy dástúrdi saqtap qalǵymyz keledi. – «Kazakh TV» men «Bilim jáne mádenıet» arnalaryn biriktirýdiń sebebin túsindirseńiz. – 25 qazan kúni jańarǵan jáne keńeıgen pishimdegi ımıdjdik-tanymdyq arna efırge shyǵady. Bul eki telearnanyń usynatyn ónimderi bir arnada túıisedi, ekeýi de Qazaqstannyń baı mádenıeti, salt-dástúri, tamyry tereńde jatqan tarıhy, sonymen qatar, týrızm salasyna qatysty baǵdarlamalar kórsetedi. Telearnalardy biriktirý otandyq jáne shet­eldegi kórermenniń qyzyǵýshylyǵyn qana­ǵattandyrýǵa múmkindik beredi. Onyń ústine birikken arnanyń kontentin jasaýda negizgi kúsh mádenı-tarıhı qundylyqtarǵa, sondaı-aq óner jáne mádenıet salalaryndaǵy otandyq «brendti» jandandyrý úshin tanymdyq joba­larǵa baǵyttalady. Kórermen qazaq halqy jáne elimizde ómir súrip jatqan ózge ulttardyń salt-dástúrine saıahat jasaýǵa múmkindik beretin «shynaıylyq» janryndaǵy tanymdyq-oıyn-saýyqtyq baǵdarlamalar kóredi. Qyzyqty faktiler men zertteýlerge negizdelgen tarıhı oqıǵalar jóninde derekti fılmder tamashalaıdy. Sol sebepti biz «Bilim jáne mádenıet» telearnasyndaǵy úzdik tanymdyq jobalardy birikken arnanyń efırine shyǵaramyz. Iаǵnı halyq súıip kóretin habarlardy saqtap qalýǵa tyrystyq. Sondaı-aq, atalǵan arnadaǵy «О́mir joly», «Egiz júrek», «Taıny ı sýdby velıkıh kazahov» syndy jobalar jańa maýsymda «Habar» arnasynan kórsetiledi. Eskere keterlik taǵy bir jaıt, «Bilim jáne mádenıet» arnasyndaǵy asyl muralarymyz – álemge usynatyn týyndylar. Bul jyldam damyp kele jatqan memlekettiń ımıdjin nyǵaıta túsýge, otandyq brendti sheteldik naryqta odan ári jyljytýǵa, elimiz jáne onyń tynys-tirshiligi týraly sheteldik aýdıtorııanyń oń kózqarasyn qalyptastyrýǵa múmkindik beredi. Sondaı-aq, arnanyń kontenti 100 paıyz otandyq baǵdarlamalar, serıaldar jáne arnaıy jobalardan quralǵan. Toqsan aýyz sózdiń tobyqtaı túıini, birikken «Kazakh TV» arnasy eki birdeı máseleni sheshedi: birinshi – Qazaqstandy álemge tanytý qyzmetin jalǵastyrady, ekinshi – mádenıet, óner, tarıh jáne ulttyq dástúrdi qoldaıtyn, oı-órisi keń eresek, parasatty qazaqstandyqtardy biriktiredi. "Habar" buryn-sońdy bizde bolmaǵan shoý usynady – «Habar» arnasynda qandaı jańalyqtar bolmaq?  – Jańa maýsymda efırge «Bizdiń nazarda», orys tilinde «Vajno znat», «Narodnyı kontrol» habarlary ázir­lenýde, aldaǵy ýaqytta «Davaıte govorıt» áleýmettik baǵdarlamasy shyǵady dep josparlanýda. Jobalardyń sany da, sapasy da artty. Bul habarlardyń barlyǵy azamattarymyzdyń qajettiligi men muń-muqtajyna baǵyttalǵan. Jalpy, kúzgi maýsym jańalyqqa toly. Basty ózgeristiń biri – «Habar» óz baǵytyn ózgertti. «Habar» endi kópjanrly, áleýmettik baǵyttaǵy arnaǵa aınalady. Biz saraptamalyq, pýblısıstıkalyq jáne derekti janrlarǵa basymdyq berip otyrmyz. Muny kórermenderimiz de baıqaǵan bolar. Sonymen birge, kúndizgi jańalyqtar jabylyp, keshki qorytyndy jańalyqtar ǵana qaldy. Soǵan saı arnaıy jańa stýdııa jaraqtaldy. Endi saraptamaǵa kóbirek mán berilip, kúnniń basty taqyryptary men oqıǵalary ǵana tarazylanady. Áleýmettik sala, ekonomıka, geosaıasat sııaqty taqyryptar jiktelip, olarǵa sol salany jetik biletin analıtık-jýrnalıster sholý jasaıdy. El Táýelsizdiginiń 25 jyldyǵyna arnalǵan birqatar jańa jobalardyń óndirisi bastalyp ta ketti. Osy aıdan bastap týǵan jerimizdi ara­­lap, halyqtyń turmysy men tynys-tir­shiligin kórsetetin «Ekspedısııa 25» kóliktik ekspedısııasynyń kórsetilimi bastaldy. Jyl sońyna deıin «Kod nasıı», «Táýelsizdik tol­ǵaýy» derekti fılmderin, «Nashı 25», «Paı-paı 25» arnaıy baǵdarlamalaryn usynǵaly otyrmyz. Sondaı-aq Táýelsizdik toıyna arnalyp merekelik beınebaıandar men rolıkter daıyndalýda. – Al oıyn-saýyqtyq, tanymdyq jobalardy kórsetý josparlaryńyzda bar ma? – «Bıle, Qazaqstan!» atty bı saıysynyń tusaýy jaqyn kúnderi kesi­ledi. Mundaı aýqymdy televızııalyq joba elimizde buryn-sońdy bolmaǵan jáne bul baǵdarlamany qazaqstandyqtarǵa kórsetý úshin biz «Endemol Shine Group» kompanııasymen uzaq ýaqyt kelissózder júrgizdik. Bul shoý alǵash ret 2005 jyly Amerıka Qurama Shtattarynda «So You Think You Can Dance» degen ataýmen kórsetilgen. Qazirgi tańda 10-nan astam «Emmı» syılyǵyn jınaǵan. Joba barysynda elimizdiń úsh qalasynda irikteý júrgizilip, 2 myńǵa jýyq bıshi óz baǵyn synady. О́nerpazdardyń arasynan úzdikter tańdalyp, olar tórt apta boıy «Habar» arnasynyń tikeleı efırinde saıysqa túsedi. «Bıle, Qazaqstannyń!» maqsaty – eli­mizdiń barlyq turǵyndaryn bı bılep, salamatty ómir saltyn ustanýǵa shaqyrý. Shalǵaı aımaqtaǵy jastardyń boıyndaǵy talantyn kórsetip, búkil elge tanylýǵa múmkindik berý. Bul jaı ǵana bı saıysy emes, áleýmettik-ıde­ologııalyq mańyzy joǵary, halyqty bir­likke, tatýlyqqa, dostyqqa shaqyratyn joba. Sony­men qatar, osy maýsymda reıtıngi jo­ǵary, kórermender súıip kóretin «Benefıs-shoý», «Dý-dýman» syndy habarlar ári qaraı jalǵasyn tabady. Telehıkaıalar óndirýde ózindik baǵytyn qalyptastyrǵan «Habar» agenttigi budan ári otandyq kınematografııa salasyn damytýǵa úlesin qosa beredi. Bıyl kórermenge usynar serıaldar men fılmderimiz az emes. Jyl sońyna deıin jeti birdeı jańa týyndy kórsetýdi jos­parlap otyrmyz. 19 qyrkúıekten bastap analyq mahabbat pen jetim balalardyń taǵdyryn sýretteıtin «О́geı júrek» serıaly efırge shyqty. Sondaı-aq Abaıdyń qara sózderiniń fılosofııasyna negizdelgen «Aqyldyń kilti. О́mir dastany» teleepopeıasynyń jalǵasy men ındýstrııalyq-ınnovasııalyq damý baǵ­darlamasy aıasynda júzege asyp jatqan ón­diris oryndary, Qazaqstanda jasalǵan ónim­der, otandyq kásipkerlerdi qoldaý jóninde «Báseke 2» hıkaıasy jalǵasyn tabady. Sony­men birge, «Ýnesennye reısom» atty temirjol qyzmetkerleriniń joldaǵy shytyrman oqıǵa­lary týraly jańa serıal túsirilýde. Jyl sońyna qaraı sońǵy ýaqyttarda Qazaq eli súıip qaraıtyn sport túri – boks týraly teleserıal kóresizder. Onda boksshylardyń jeńis tuǵyryna jetý joly, sporttyń adam ómirindegi mańyzy týraly sýretteledi. Agenttik elimizdegi televızııa salasynda alǵash ret tarıhı tulǵalar týraly serıaldar túsirýdi bastaǵan bolatyn. «Baýyrjan Mo­­­­mysh­uly», «Qustar áni», «Kúlásh» syndy elimizdiń belgili ókilderine arnalǵan kartınalar osy jyly Shámshi Qaldaıaqovtyń ómiri men shyǵarmashylyǵyna arnalǵan ómirbaıandyq serıalmen tolyǵady. – Kúzgi maýsymǵa saqadaı-saı tursyzdar, al ótken maýsym «Habar» agenttigi úshin je­misti boldy ma? –  О́tken maýsymdy biz óte joǵary deńgeıde aıaqtadyq. О́zderińiz biletindeı, tamyz aıynda búkil álem moıyn burǵan Olımpııa oıyndary ótti. Dúbirli dodany «Habar» arnasynyń kórermenderi de kórýge múmkindik alǵan bolatyn. Translıasııa kezinde biz jarystardy kórsetip ǵana qoımaı, eki túsirý tobyn Rıo-de-Janeıro qalasyna jiberdik. Bizdiń tilshilerimiz jarystar, medaldar, Olımpıada aýylyndaǵy qyzyqty oqıǵalar týraly eksklıýzıvti málimetterdi «Olımpıada kúndelikterinde» berip otyrdy. Sonymen qatar, Rıodaǵy alamanǵa deıin ǵalamtor qol­danýshylaryna «Habar» arnasynyń resmı saıtynda arnaıy ınternet joba ázirledik. khabar.kz/olympics veb-saıtynda Olımpıada oıyndary jóninde tyń jáne qyzyqty materıal­dar saǵat saıyn salynyp otyrdy. Aıtaıyn dege­nim, sol ýaqyt aralyǵynda jalpy bizdiń saı­ty­myzdy 2 mıllıonǵa jýyq adam qaraǵan (Google Analytics málimeti boıynsha). Al zero.kz saıtynyń bergen málimeti boıynsha bizdiń saıt qazaqstandyq BAQ (qoldanýshylar kóp qaraǵan saıttar) arasynda úzdik ondyqqa endi. Sondaı-aq sol kúnderdiń aralyǵynda oıyndardy bizdiń arnadan 4 mıllıonnan astam kórermen tamashala­ǵan. Kórsetilimniń reıtıngisi – 1,5 %, al úlesi – 18,4 % boldy (TNS Central Asia málimetteri boıynsha). Bul jumysymyzdyń jemisi dep oılaımyn. Áńgimelesken Gúlnur О́TJANQYZY