Birlesken is-qımyl jospary qabyldandy

Býharestte Qazaqstan Respýblıkasy Cyrtqy ister mınıstriniń orynbasary Roman Vasılenko men Rýmynııa Syrtqy ister mınıstrliginiń memlekettik hatshysy Danýs Nekýlaeskýdiń tóraǵalyǵymen Qazaqstan men Rýmynııa syrtqy saıasat vedomstvolarynyń arasynda kezekti konsýltasııalar ótti. Kezdesý barysynda taraptar eki­­­­­jaqty jáne kópjaqty ózara is-qımyl máseleleriniń keń aýqymyn talqylady, sondaı-aq saıası únqa­tysý men saýda-ekonomıkalyq, ınvestı­sııalyq yntymaqtastyqty jandandyrý nıetterin bildirip, mádenıet, bilim berý jáne týrızm salalaryndaǵy baı­lanystardy nyǵaıtýǵa shaqyrdy. Osy turǵyda, erekshe nazarǵa ilin­gen Qazaqstan-Rýmynııa úkimetaralyq saý­da-ekonomıkalyq jáne ǵylymı-teh­nı­kalyq yntymaqtastyǵy jónindegi komıs­sııanyń jumysyna erekshe kóńil bólindi. Rýmynııanyń EKSPO-2017 halyq­aralyq mamandandyrylǵan kórmesine qatysýy jónindegi másele jeke qaraldy. Taraptar BUU, EQYU jáne basqa da halyqaralyq uıymdar sheńberinde keleshek ózara árekettesýi máselelerin de egjeı-tegjeıli qarastyrdy. Halyq­aralyq jáne óńirlik kún tártibiniń ózekti taqyryptary boıynsha pikir almasty. Qazaqstan men Eýropalyq odaq arasyndaǵy Keńeıtilgen áriptestik pen yntymaqtastyq týraly kelisim elderdiń uzaq merzimdi tıimdi yntymaqtasty­ǵyn damytýǵa serpin beretini atap ótildi. Aldaǵy kezeńde jan-jaqty ynty­maqtastyqty damytý jónindegi birlesken qadamdar kelissózder nátı­jesinde qol qoıylǵan 2017-2018 jyldarǵa arnalǵan Qazaqstan Respýblıkasy men Rýmynııa syrtqy ister mınıstrlikteri arasyndaǵy is-áreketter josparymen bekitilgen bolatyn. Sonymen qatar, Býharestte R.Vası­lenko Rýmynııanyń Syrtqy ister mı­nıstri Lazer Komeneský, osy el Par­lamenti Senatynyń Halyqaralyq qa­tynastar jónindegi komıtetiniń tór­aǵasy Petr Fılıp jáne Energetıka mı­nıstrliginiń Memlekettik hatshysy Arıstotel Jýdemen kezdesýler ótki­zip, Semeı ıadrolyq polıgony jabylýynyń 25 jyldyǵyna arnalǵan konferensııada sóz sóıledi. Atalǵan konferensııa­ǵa Rýmynııa Parlamentiniń depýtattary, memlekettik organdardyń, ǵylymı toptary men dıplomatııalyq korpýstyń jáne úkimettik emes uıymdardyń ókil­deri qatysty. «Egemen-aqparat»