Talhız jaıy talqylandy

Premer-Mınıstrdiń orynbasary Imanǵalı Tasmaǵambetov Almaty oblysynyń Talǵar aýdanyndaǵy orta ǵasyrlyq Talhız qalashyǵynyń saqtalýy máseleleri boıynsha kóshpeli keńes ótkizdi, dep habarlady Premer-Mınıstrdiń baspasóz qyzmeti.  Búgingi tańda mádenı mura nysanyn saqtap qalýdyń ózektiligi óte mańyzdy sanalady. Eske sala ke­teıik, 2014 jyldan beri qaraı tarıhı ny­san halyqaralyq mártebege ıe, ony paı­dalaný, qorǵaý, saqtaý jáne basqa­rýda 1994 jyly Qazaqstan ratı­fı­ka­sııalaǵan halyqaralyq keli­sim – Álemdik mádenı jáne tabı­ǵı mu­­ra­lardy qorǵaý jónindegi konven­­sııanyń tártibi men normasy qoldany­lady. Keńes barysynda vıse-premer atap ótkendeı, osynaý Konvensııany ratıfıkasııalaý osy murany qorǵaý, saqtaý, qaıta qalpyna keltirý jáne nasıhattaý úshin quqyqtyq, ǵylymı, tehnıkalyq, ákimshilik jáne qarjylyq sharalardy qamtamasyz etý boıynsha aıtarlyqtaı jaýapkershilik pen mindettemelerdi júkteıdi. Alaıda, Talhız qalashyǵy jaǵdaıynda joǵaryda atalǵan mıssııany oryndaýda memlekettik organdardyń aldyn-ala kelisilmegen is-qımyly nysandy álemdik mura tiziminen alyp tastaýǵa sebep bolmaq. «Bul oraıda, tarıhı nysannyń IýNESKO-nyń Álemdik mádenı mura tiziminde qalýy jáne tereń arheologııalyq zertteýge berik negiz qalyptastyrý úshin naqty sharalar qabyldaý qajet. Sondyqtan, aldaǵy tájirıbelik is-qımyldardy oryndaýda naqty nátıjelerdi bilý úshin ǵylymı-barlaý zertteýlerden turatyn keshendi sharalardy júzege asyrýymyz qajet», – dedi Imanǵalı Tasmaǵambetov. Keńes qorytyndysy boıynsha Premer-Mınıstrdiń orynbasary kelesi naqty tapsyrmalardy berdi: birinshiden, Talǵar (Talhız) qalashyǵynyń mańyndaǵy barlyq qurylys jumystary toqtatylsyn; ekinshiden, Almaty oblysynyń ákimdigi qorǵaý aımaǵynan tys jańa aınalma jol qurylysyn jobalasyn jáne júrgizsin; úshinshiden, jergilikti jerdiń bederin qalpyna keltirsin, atap aıtqanda, jol tósemin salý úshin qazylǵan aryqtardy topyraqpen japsyn; tórtinshiden, qorǵalǵan aımaqtyń aınalasyna qorshaý ornatsyn, sondaı-aq, ǵımarattyń qaýipsizdigin jan-jaqty qamtamasyz etsin, onyń ishinde jer asty sýlarynan qorǵaý, eskertkish mańyndaǵy aryqtardy qurǵatsyn; besinshiden, ákimdik qosymsha arheologııalyq zertteýler júrgizý úshin oblys bıýdjetinen qarjy bólsin; altynshydan, Mádenıet jáne sport mınıstrligi IýNESKO jáne ISESKO isteri jónindegi Ulttyq komıssııasymen birlesip tarıhı-mádenı mura máseleleri boıynsha tıimdi josparlaý jáne basqarýdy qamtamasyz etý maqsatynda Qazaqstan zańnamasyna ózgerister engizý jóninde usynystar ázirlesin. Aıta keteıik, aldaǵy aıda Premer-Mınıstrdiń orynbasary Imanǵalı Tasmaǵambetov oryn alǵan jaǵdaıdy sheshý maqsatynda Qazaqstannyń memlekettik organdary tarapynan tıisti sharalar júrgizilip jatqandyǵy jóninde IýNESKO-nyń bas dırektory Irına Bokovamen kelissóz júrgizedi. Eske sala keteıik, Talhız qalashyǵy qazirgi Qazaqstan, Qyrǵyzstan jáne Qytaı aýmaǵynda ornalasqan Uly Jibek joly boıyndaǵy orta ǵasyrlyq 33 qalashyqtyń biri sanalady. 2014 jyly Talhız IýNESKO-nyń Álemdik muralar tizimine engizildi.