Qyzylorda oblysynda kezekti VIII óńirlik «Baıqońyr Invest» ınvestısııalyq forýmy ótti.
Forýmnyń negizgi maqsaty – óńir kompanııalarynyń sheteldik jáne otandyq ınvestorlarmen ózara tıimdi áriptestik ornatýyna, bıznes pen ǵylym salalarynyń jáne bılik ókilderiniń ınvestısııalyq jobalardy júzege asyrýda, aımaq ekonomıkasyn dıversıfıkasııalaýda jáne jetildirýde kúsh biriktirýine múmkindik týǵyzý bolyp tabylady.
Investısııalyq forýmǵa QR Investısııalar jáne damý birinshi vıse-mınıstri Albert Raý, sondaı-aq, birqatar bıznes qaýymdastyqtar men birlestikterdiń, bank salasy men barlyq deńgeıdegi memlekettik organdardyń, ulttyq jáne sheteldik kompanııalardyń, Reseı, Germanııa, Shveısarııa, Fransııa, AQSh jáne Qytaıdyń halyqaralyq qarjy ınstıtýttarynyń ókilderi qatysýda.
Sonymen qatar, Forýmǵa Ázirbaıjannyń, Belorýs memleketiniń, Belgııa Koroldikteriniń ókilderi jáne О́zbekstannyń resmı delegasııasy keldi.
Osy rette, Forým jumysyna «Qashaǵan» ken ornyn ıgerý jobasynyń negizi operatory «NCOC» kompanııasynyń delegasııasy da qatysqandyǵyn aıta ketken oryndy.
Kezekti ınvestforým aıasynda «Investısııalyq yntymaqtastyqtyń jańa múmkindikteri», «Investorlar úshin jańa keleshek» taqyryptarynda plenarlyq otyrystar men «Aýyl sharýashylyǵy óndiristik kooperasııasy», «B2B kezdesý formatyndaǵy halyqaralyq yntymaqtastyq» baǵyttary boıynsha seksııalar jumys jasady.
Plenarlyq otyrys barysynda qarjy ınstıtýttary shaǵyn jáne orta bıznesti qarjylandyrýǵa arnalǵan jańa uzaq merzimdi ınstrýmentterin tanystyrdy, sondaı-aq, ekonomıkanyń basymdyqqa ıe salalaryndaǵy ózara yntymaqtastyq máseleleri talqylandy.
Jergilikti kásipkerlerdiń Forýmǵa qatysýshy 11 eldiń ókilderimen B2B kezdesýleri ótkizildi.
Forým qorytyndysymen 10-nan asa memorandýmdar men kelisimderge qol qoıyldy.
