Túrkistanda Ázirbaıjan tarıhı-mádenı ortalyǵy ashylady

18-qarasha kúni Túrkistandaǵy Q.A.Iаsaýı atyndaǵy Halyqaralyq qazaq-túrik ýnıversıtetine Ázerbaıjan Respýblıkasynyń Qazaqstandaǵy elshisi Rashad Mammadov is-saparmen keledi dep josparlanýda, dep habarlaıdy egemen.kz Ýnıversıtettiń baspasóz qyzmetine silteme jasap. Elshi Rashad Mammadovtyń bul saparynyń maqsaty – Ahmet Iаsaýı ýnıversıtetinde «Ázerbaıjan tarıhı-mádenı ortalyǵyn» ashý týraly memorandýmǵa qol qoıý. Memorandým negizinde aldaǵy ýaqytta mádenı jáne bilim baǵdarlamalar úlgilerinde birlesken jobalardy júzege asyrýdy taraptar maqsat etip otyr. Sondaı-aq, baýyrlas memleketter arasynda ózara mádenı, rýhanı baılanystar ornatý, áleýmettik mańyzy bar jobalar men is-sharalardy birlikte uıymdastyrý kózdelgen. Sonymen qatar, yqpaldastyqty qoldaý aıasynda Qazaqstannyń bilim berý, ǵylym jáne mádenıet mekemeleriniń, jastar uıymdarynyń ókilderimen yntymaqtastyqty keńeıtý jumystary tóńireginde kelisimder jasalmaq. Sondaı-aq, elshi R.Mammadov Ahmet Iаsaýı ýnıversıteti stýdentterine leksııa oqıtyn bolady. Sapar barysynda Ázerbaıjan elinen kelip bilim alyp júrgen stýdenttermen kezdesý de josparlanǵan.