Basty maqsat – balany erte damytý

Keshe Ortalyq kommýnıkasııalar qyzmetinde elimizdegi balalardy erte jastan damytý máselelerine arnalǵan baspasóz máslıhaty ótti. Oǵan Parlament Májilisiniń depýtaty jáne Qazaqstandaǵy bala quqyqtary jónindegi ýákil Zaǵıpa Balıeva, Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamentiniń dırektory Ajar Tóleǵalıeva, BUU Qazaqstandaǵy Balalar qorynyń (IýNISEF) ókili Iýrıı Oksamıtnyı qatysty. Jıynda spıkerler «Damytý maqsatyndaǵy kútim» atty balalardy erte jastan damytýdyń birlesken baǵdarlamasyn kúsheıtý úshin daıyndaǵan ádistemelik quraldardyń ázirlengenin aıtty. – Búgin biz «Damytý maqsatyn­daǵy kútim» atty naýqanymyzdy kúsheıtýge baǵyttalǵan jańa jáne jańartylǵan materıaldardy usynyp qana qoımaı, barlyq múddeli taraptardy atalǵan sha­raǵa qatysýǵa shaqyramyz, – dedi Iýrıı Oksamıtnyı. Jalpy, adamnyń mıy dúnıege kelgen sátten bastap, 3 jasqa deıin as­qan shapshańdyqpen damıdy, ári mundaı qubylys adam ómirinde ekinshi ret qaıtalanbaıtyny medısınada dáleldengen. Ajar Tóraǵalıevanyń aıtýynsha, osy ýaqytta eresekter balanyń damýyna meılinshe kóp ýaqyt jáne kóńil bólýi tıis. Iаǵnı, ata-analar balalardy erte jastan bastap salaýatty jolmen damytýǵa, sportpen shuǵyldanýyna, densaýlyǵyn kútýine, tamaqtandyrýǵa, qam­qorlyq kórsetýge, qaýipsiz orta qalyptastyrý jáne erte jastan oqytyp-úıretýge mindetti. – Erte balalyq shaq – den­saý­lyqtyń, aman-saýlyqtyń, da­mý men bilim alýdaǵy tabys­ty­lyqtyń, sonymen qatar, minez-qulyq túrleriniń negizin qalaıtyn adam ómirindegi eń mańyzdy kezeń, – dedi Ajar Tóreǵalıeva. Baspasóz máslıhatynda spıkerler elimizdegi balalardy erte damytýdyń jan-jaqty tásilderin tilge tıek etti. Jıyn sońynda «Da­mytý maqsatyndaǵy kútim» naý­qany respýblıka kóleminde jú­zege asyp, naqty nátıje beredi degen boljam aıtyldy. Talǵat RAIYMBEK, «Egemen Qazaqstan»