Qoǵamdaǵy kelisimge arnalǵan semınar

Aqtaý qalasynda Qazaqstan Respýblıkasy Prezıdenti ja­nyndaǵy «Qoǵamdyq kelisim» respýblıkalyq memlekettik mekemesi men Mańǵystaý oblysynyń Qazaqstan halqy Assam­bleıasynyń uıymdastyrýymen qazaqstandyq tatýlyq pen kelisim úlgisin ilgeriletý boıynsha óńirlik semınar ótti. Onyń kózdegen maqsaty – «100 naqty qadam» Ult josparyn jáne Assambleıanyń «Úlken el – úlken otbasy» jobasyn júze­ge asyrý aıasynda qoǵamdyq keli­sim men turaqtylyqty qamta­masyz etý máseleleri boıynsha tyńdaýshylardyń kásibı bilimi men biliktilik deńgeıin arttyrý. Buǵan deıin Aqtóbe, Ońtústik Qazaqstan, Almaty, Jambyl, Shy­ǵys Qazaqstan oblystarynda ótip, Mańǵystaý óńirinde jalǵasyn tapqan semınarǵa memlekettik qyzmetkerlermen birge, BAQ ókilderi, etno-mádenı jáne dinı birlestikterdiń, túrli qoǵamdyq uıymdardyń, Assambleıa janynan qurylǵan «Qoǵamdyq kelisim» keńesteri men Analar keńesteriniń ókilderi qatysty. – Semınar aıasynda árbir óńir­diń etnodemografııalyq, má­de­nı, mentalıtettik, sharýashylyq-ekonomıkalyq, áleý­mettik damýyndaǵy erekshelikterdi eskere otyryp, taqyryptardy óńirdegi ózekti degen máselelerge baǵyttap qoıamyz. Jalpy, semınarda qoǵamdyq kelisimdi qamtamasyz etý tetikteri, memlekettik saıasatty júzege asyrý, etnosaralyq jáne konfessııaaralyq qatynastardy, kóshi-qon úderisterin retteý má­seleleri, sondaı-aq dinı ekstremızmmen, terrorızmmen kúres, olardyń aldyn alý taqyryptary, halyqtyń áleýmettik máselelerin sheshý, aýyldyq eldi mekenderdi damytý máseleleri jáne «Máń­gilik El» ıdeıasyn uǵyndyrý ta­qyryptary qamtylýda, deıdi Qazaqstan Prezıdenti janyndaǵy «Qoǵamdyq kelisim» RMM dırek­torynyń orynbasary T.Jaqııanov. Qazaqstan halqy Assambleıasy Hatshylyǵynyń, Densaýlyq saq­taý jáne áleýmettik damý mı­nıstrliginiń, Qazaq­stan mu­syl­mandary Dinı basqar­ma­synyń ókilderi men ǵalymdar dáris be­­retin semınarda óńirlerdiń erekshelikterimen birge problemalary da taldanyp, olardy sheshý joldary qarastyryldy. Investısııalyq tartymdylyǵy joǵary, otandyq jáne sheteldik kompanııalar kóptep qyzmet etetin Mańǵystaý óńirinde suranysqa ıe eńbek qatynastaryn retteýge qatysty dáristerdi Assambleıa janynan qurylǵan medıasııa ınstıtýty medıatorlary oqyp, medıatıvtik tehnologııanyń ádis-tásilderin, qaǵıdalaryn úıretti. Semınar qorytyndysynda óńirdiń máseleleri pen problemalary anyq­talyp, olardy sheshý joldary izdestirilip, Prezıdent Ákim­shiligine hat joldandy. Osylaısha, semınar nátıjesinde anyqtalǵan isti joǵary deńgeıde sheshý múm­kindigi bar. Lektorlar mazmundy da qy­zyqty dáristerin jastar saıasaty ortalyǵynda, oqý oryndarynda oqyp, Jańaózen qalasy aktıvimen kezdesý ótkizdi. Bir apta boıy Mańǵystaý óńirinde bolǵan olar sarapshylar men jastar tarapynan qoıylǵan túrli saýaldarǵa jaýap berip, óńirdiń áleýmettik-ekonomıkalyq ahýaly men jalpy qoǵamdyq jaǵdaıyn zerdeleı tústi. Gúlaıym ShYNTEMIRQYZY, «Egemen Qazaqstan» Mańǵystaý oblysy