«Hat qorjyn»

Oqyrman ...jańalyǵyn jetkizedi Makaron ónimi eksportqa shyqty Jambyl oblysyndaǵy «Aqtoǵan» sharýa qojalyǵynda ýkraınalyq jáne ıtalııalyq un ónimderin ázirleıtin óndiris oshaǵy ónimniń jańa túrin shyǵarýdy qolǵa aldy. Bul jaıynda jas maman Shamıl О́zbekov bylaı deıdi: «Bizdiń seh makaron ónimderiniń 25 túrin shyǵarady. Táýligine ýkraındyq jeli 10 tonna daıyn ónim beredi, al ıtalıandyq – bes tonna. Atalǵan kásiporynda jalpy sany 25 adam jumys isteıdi. О́nim Almaty, Jambyl jáne Ońtústik Qazaqstan oblystaryna jetkiziledi. О́nimder kóterme baǵalarmen satylymǵa shyǵarylady, olardyń bir kılosy – 125 teńge, al bes kılolyq qaptama 525 teńgege baǵalanǵan. Kásiporyn jyl aıaǵynda etke arnalǵan jaıma ázirleýdi josparlap otyr». Sharýa qojalyǵynyń basshysy Seıt-Hasan Ahaev elimiz Dúnıejúzilik saýda uıymyna múshe bolsa, keleshekte unnyń sapasy joǵary standartqa sáıkes bolý kerek ekenin jaqsy biledi. Sondyqtan bul óndiris sehyna «Ozehnik distsika» túrik fırmasynyń bıdaıdy avtomattandyrylǵan ylǵaldandyrý qondyrǵysy jáne Avstrııa, Ispanııa, Ýkraına, Reseıde shyǵarylǵan kompıýterli avtomattandyrylǵan qondyrǵylar ornatylǵan. Makaron shyǵarý qondyrǵylary óte sapaly. «Aqtoǵannyń» sapaly ónimderine birneshe jyldan beri suranys azaıǵan emes. Sebebi, munda sanǵa emes, sapaǵa jumys jasalyp jatyr. Qashanda sapaly ónim alǵa shyǵary sózsiz. Qazaqstanda jasalǵan degen markany qalyptastyryp jatqan bıdaı ónimderi tek Qazaqstan emes, alys-jaqyn shetelderge de eksporttalyp jatyr. Aıman MUQYShEVA Jambyl oblysy   ...ótinish bildiredi Tyl maıdannyń tiregi edi Uly Otan soǵysynyń aıaqtalǵanyna 70 jyldan assa da, sol surapyl kezde elde Otan úshin janqııarlyqpen eńbek etken jandardyń eńbegi óz dárejesinde baǵalanbaı kele jatqany jasyryn emes. Jeńistiń aıtýly merekesine oraı, soǵys kezinde elde eńbek etkenderge «Tyl ardageri» atty mártebe berilgeni belgili. Shynynda da aýyl eńbekkerleri Otanǵa degen súıispenshiligin bildirip, tyldyń tamasha bir­ligin kórsetti. Tyl maıdannyń ajyramas, myzǵymas tiregi boldy. Soǵys ardageri Otan úshin qan tókse, tyl ardageri solardyń qajetin qamtamasyz etý úshin ter tókti. Árıne, eshqandaı járdem, kómek joq deýden aýlaqpyz. Elimizde ákimderdiń, mekeme basshylarynyń, ardagerler keńesiniń, basqa da qoǵamdyq uıymdardyń bas bolýymen ataýly kúnderde bas qosyp, jyly sózderin aıtyp, syılyqtaryn berip, qurmettep jatady. Oǵan da shúkirshilik. Men ózim toqsanǵa jaqyndap qalǵan qarııanyń birimin. Aıtpaǵym, qazir sol tirilerdiń qatarynda júrgen tyl ardagerleriniń kóbiniń boıynan ál-qýaty ketip, ekinshi bireýdiń kómegine zárý bolyp qaldy. Qoǵamdyq kólikti de tegin paıdalana almaıdy, dárini de satyp alady. Sondyqtan «eshten – kesh jaqsy» degendeı, tyl ardagerlerin soǵys ardagerlerine teńestirip, úkimet tarapynan zańdy túrde materıaldyq kómek kórsetýlerin suraımyz. Neǵmetolla QUSAIYNOV, tyl ardageri Batys Qazaqstan oblysy, Jańaqala aýdany, Jańaqazan aýyly   ...oıyn bólisedi Muratymyz – «Máńgilik El» «Máńgilik El» ıdeıasy – ortaq shańyraǵymyzdyń ulttyq ıdeıasy, halyqty búgin de, erteń de qulshyndyratyn izdenis pen serpilistiń úılesimi. Buǵan jetýdiń negizi – bilimdi urpaqta. Bilim barlyq ýaqytta joǵary qundylyqtardyń biri bolǵan. Tek bilimdi, saýatty adam ǵana keleshek tizginin qolyna ala alady. Elbasymyzdyń: «Bizdiń halyqtyń basym bóliginde alǵyrlyq pen sezimtaldyq bar, eger seniń maqsatyń jasampazdyqqa, jaqsartýǵa baǵyttalsa, onda halyq árqashan seni qoldaıdy», degen elge senimi Kúltegin babamyzdyń «Halqyna begi, begine halqy sengen el uzaq jasaıdy» degen oıymen astasqandaı. Budan shyǵaratyn qorytyndy, halyq pen bıliktiń arasynda alshaqtyq bolmaı, jarasymdy syılastyq, birlik bolýy qajet. Muratsyz ult ta, memleket te bolǵan emes. Ol bizde de bar. Ol – máńgilikke birge qanat qaǵý. «Máńgilik El» ustanymy bizdi bir bolýǵa, myzǵymas el bolýǵa, alynbaıtyn qamaldaı kez kelgen synǵa tózimdi bolýǵa jeteleıtin jańa tizgin sııaqty. Men óz elimniń jarqyn bolashaǵyna, asyl muratynyń jemisti bolýyn­a, álemniń kartasynan oıyp oryn alýyna analyq júregimmen jyr jolyn arnaımyn: «Muraty bir, maqsaty bir qazaqpyz, Máńgilik El ustanymyn jasappyz. Búginim men erteńimdi jalǵaıtyn, Qazaq eli qos qanatty pyraqpyz». Gaýhar ABLAKIEVA, №62 mektep-lıseıiniń bastaýysh synyp muǵalimi Qyzylorda oblysy   ...usynys jasaıdy Eńbegi eskerilse deımiz Aýyl sharýashylyǵyn damytý maqsatynda 1975 jyly Almaty oblysyndaǵy burynǵy Narynqol, qazirgi Raıymbek aýdany aýmaǵynan tórt sovhoz qurý jóninde úkimet qaýlysy shyqqan bolatyn. Sonyń bireýi – Qaqpaq aýyly men Tekes aýylynyń arasyndaǵy Tegistik qoı sovhozy edi. Eldi meken joq jerde qurylǵan jańa sovhozǵa Tólegen Jumanov 1975 jyly dırektor bolyp taǵaıyndaldy. Buǵan deıin T.Jumanov Lenın atyndaǵy kolhozda ferma zootehnıgi, bólimshe meńgerýshisi jáne HIH partııa sezi atyndaǵy kolhozda bas zootehnık bolyp qyzmet etken. Tyń jerden uıymdastyrylǵan sovhozdyń basqa da túrli jumystary biraz qıyndyqtar týǵyzdy. Maman-kadrlardy irikteý, olardy turǵyn úımen qamtamasyz etý, maldy qystaýlarǵa bólý, qysqy mal azyǵyn jetkizý, malshylardyń qystaýdaǵy úılerin jóndeýden ótkizý sııaqty qyrýar jumys atqarylýy kerek boldy. Tynbaı eńbek etýdiń nátıjesinde biraz jumys tyndyryldy. Mamandarǵa arnalǵan turǵyn úı men 640 oryndyq mektep salyna bastady. Astyq qoımasy, mashına-traktor sheberhanasy jáne eki qabatty ákimshilik ǵımaraty boı kóterdi. Alǵashqy eki jylda qoı sany 55 myńǵa jetip, ár júz saýlyqtan 90-92 bastan tól alynyp, 6000 bas mal bordaqylaıtyn qora paıdalanýǵa berildi. Sharýashylyq memleketke et pen jún ótkizý josparyn únemi oryndap otyrdy. Sovhoz qurylǵan jyly sol aýylda týǵan aıtysker aqyn Oraz Dosbosynovqa alǵash demeýshilik kórsetip, bolashaǵyna jol ashqanyn aıta ketý de oryndy. Aıtpaǵymyz – aýyldyń alǵashqy qazyǵyn qaǵyp, biraz jyl eldi mekenniń ósip-órkendeýine ózindik úles qosqan azamat Tólegen Jumanovtyń eńbegi baǵalanyp, osy aýyldan ol kisige bir kósheniń aty buıyrsa deımiz. Berkin ÁKEBAEV Almaty oblysy, Raıymbek aýdany, Tegistik aýyly