Aqparattyq saıasatty jetildirýge arnaldy

«Nur Otan» partııasy Ortalyq apparatynyń ǵımaratynda Aqparat jáne kommýnıkasııalar mınıstrliginiń jáne «Nur Otan» partııasy Saıası menedjment mektebiniń uıytqy bolýymen «BAQ-tardy damytýdyń qazirgi zamanǵy ádisteri» degen taqyryptaǵy semınarlar serııasy jumysyn aıaqtady. Oǵan Parlament depýtattary, otandyq jáne sheteldik jýrnalıster, sondaı-aq, memlekettik organdardyń ókilderi qatysty. Onǵa jýyq taqyryptan turatyn semınarlar atalǵan is-sharanyń máni men maqsatyn, uıym­dastyrý jumystaryna baılanysty máse­le­ler tú­sin­dirilgen sessııamen ashyldy. Sessııany Aq­pa­rat jáne kommýnıkasııalar mınıstrligi BAQ sa­lasyndaǵy memlekettik saıasat departamentiniń dı­rek­tory Eldos Náshiráli júrgizdi. Al taqy­ryp­tyq semınarlarǵa qazaqstandyq jáne reseılik jý­rnalıster men blogerler moderatorlyq etti, tá­jirıbelerimen bólisti. Semınarlarǵa qatysýshylar «Qazirgi zamanǵy jýrnalıst: ámbebap sarapshy», «SMM – ıdeıalardy ilgeriletýdiń jańa arnasy», «Daǵdarysty jaǵdaıda tıimdi jumys isteý, ortalyq jáne aımaqtyq mem­lekettik organdardyń baspasóz qyzmeti men BAQ ókil­deriniń ózara is-qımyly», «BAQ – qoǵamdaǵy quqyq buzýshylyqtarǵa «nóldik tózimdilik» pen halyqtyń sybaılas jemqorlyqqa qarsy sana-sezimin qalyptastyrý quraly», «Baspasóz hat­shy­larynyń BAQ-pen ózara is-qı­myly: aqparat berý, jýrnalıstermen jumys is­teý daǵdylary», «Sheshendik óner jáne saılaý psıhologııasy» degen taqyryptar boıynsha pikir almasty, usynys-pikirlerin ortaǵa saldy. Semınar sońynan qatysýshylarǵa sertıfıkattar tapsyryldy. Álısultan QULANBAI, «Egemen Qazaqstan»