SQO-da áleýmettik dúken ashyldy

Petropavl qalasyndaǵy «Eýrazııalyq» bazarynda azyq-túlik ónimderin ústeme baǵasyz satatyn áleýmettik bólim óz jumysyn bastady, dep habarlaıdy «QazAqparat». «Kásipkerler palatasy men kásipkerlik basqarmasynan áleýmettik joba boıynsha usynys kelip tústi. Oryndy bazardyń ózi uıymdastyrdy. Bul bólimdi ary qaraı damytyp, bólshek saýdadaǵy taýarlardyń baǵasyn tómendetemiz. Ádette satýshylar 10-15% qossa, biz ústeme baǵasyz satamyz», - dedi bazar dırektory Denıs Martynıýk. Qazirshe saýda oryndarynda 15 túrli taýar bar: jarma, ósimdik maıy, tuz jáne qant. О́nimderdi jergilikti taýar óndirýshilerden alýǵa tyrysýda. Denıs Martynıýktyń aıtýynsha, qaraqumyqty Stabfondtan satyp alýda, endi makarondardy alyp kelý josparlarynda bar. Qazir satylym baǵalaryn zerttep, Petropavldaǵy eń tómengi baǵadaǵy ónimderdi qarastyrýda. О́ńirlik kásipkerler palatasynyń baspasóz qyzmetinde aıtyp ótkendeı, olar turǵyndar aldyndaǵy bıznestiń áleýmettik jaýapkershiligin joǵarylatý maqsatynda usynymdar jasaýda. Solardyń biri bazarlardaǵy áleýmettik bólimderdi qurý bolyp tabylady. «Eýrazııalyq» bazaryndaǵy bul joba alǵashqy bolǵanymen, kásipkerler palatasy sońǵy emes ekenine senimdi.