Elimizde óńirlik BAQ alıansy qurylmaq

Elordada ótip jatqan О́ńirlik BAQ forýmyna qatysýshylar óńirlik jýrnalıster alıansyn qurý bastamasyn qoldady, dep habarlaıdy QazAqparat. Forým barysynda "Almaty" telearnasynyń bas dırektory Álibek Áldeneı óńirlik jýrnalıster alıansyn qurýdy usynǵan bolatyn. Bul bastamany «Shymkent kelbeti» gazetiniń bas redaktory Aıgúl Qaparova da qoldady. «Men Ońtústik Qazaqstan oblysynyń Shymkent qalasynan keldim. Jýrnalısterdiń alıansyn nemese basqa qaýymdastyq qurý bastamasyn qoldaımyn. О́te qundy usynys. О́ıtkeni, aýdandar men aýyldarda shyǵatyn buqaralyq aqparat quraldary ózderin dalada qalǵandaı sezinetindigi ras. Sondyqtan qazirgi tańda olardyń basyn biriktiretin uıym qajet dep olaımyn»,-  dedi Qaparova. Aıta keterligi,  Aqparat jáne kommýnıkasııalar mınıstri Dáýren Abaev ta mundaı bastamaǵa tolyq qoldaý kórsetti. «Iá, mundaı alıans kerek dep oılaımyn. О́ńirlik jýrnalıster alıansyn qurý usynysyn tolyqtaı qoldaýǵa bolady»,-  dedi mınıstr.