15.03: Apta aıshyqtary

Kezdesý barysynda jataqhanadaǵy qubyrlardyń tozǵandyǵy, jylý men sýdyń jetpeıtindigi, jaryqtyń sónip qala beretini, sondyqtan kúrdeli jóndeý jumysynyń qajettigi sııaqty ózekti máseleler sóz boldy. Turǵyndardyń talap-tilekterin zeıinmen tyńdaǵan oblys ákimi aldaǵy ýaqytta jataqhanalarǵa jylý júıesin júrgizýge, onyń syrty men shatyryn jóndeýge qarjy bólinetinin aıtty. Mysaly, búginde №25 jataqhana aýlasyn abattandyrý, jaryq ornatý, joldaryn jóndeý jumystary qolǵa alynǵan. Bul maqsatqa byltyr 24 mıllıon teńge bólinipti.

Kósemáli SÁTTIBAIULY. Taraz. 

ELShINIŃ KEREKÝ О́ŃIRINE SAPARY. О́tken aptada oblys ortalyǵynda eki kúndik saparmen Ka­na­danyń elimizdegi tótenshe jáne ókiletti elshisi Stıven Mıllar kelip ketti. Oblys ákimi Baqytjan Saǵyntaevpen ekeýara kezdesýi kezinde óndiristi óńirdiń órkendeýi, ekonomıkalyq-áleýmettik másele­ler taqyrybynda áńgime qozǵaldy. Elimizdiń soltústik aımaqtary, bizdiń Shaldaı ormandary tizbesi Kanada tabıǵatyna uqsas kórinedi. Elshi oblys ortalyǵyndaǵy Sultan­mah­mut Toraıǵyrov atyndaǵy memlekettik ýnıversıtetinde stýdentterge dáris oqyp, sońynan úkimettik emes uıymdar ókilder­i­men kezdesý ótkizdi.

Farıda BYQAI. Pavlodar. 

TÝǴAN JER JAILY TOLǴAÝ. Akademık M.Qozybaev atyndaǵy Soltústik Qazaqstan memlekettik ýnıversıtetinde «Týǵan jer» atty aýmaqtyq ǵylymı-tájirıbelik konferensııa ótti. Ony tarıh jáne zań fakýltetiniń oqytýshylary uıymdastyryp, el Táýelsizdiginiń 20 jyldyǵyna arnaldy. Oǵan kórshiles Reseı jerinen de ǵalymdar men ólketanýshylar qatysty. Konferensııada 50-ge tarta baıandama tyńdalyp, Qyzyljar óńiriniń kó­ne ataýlary men tarıhyna, tulǵalar taǵdyryna qatysty syrlar shertildi. El-jer, sý attaryna qatysty jurtshylyqqa áli jete qoımaǵan tyń derekter keltirildi. Baıandamalardaǵy oı-pikirler úlken qyzyǵýshylyq tý­dyr­dy. Ǵalymdardyń ólketaný salasyn damytýǵa baılanysty usy­nys­ta­ry da konferensııaǵa qatysýshylar tarapynan qoldaý tapty.

О́mir ESQALI. Soltústik Qazaqstan oblysy. 

HALYQ AQYNDARYNA QAMQORLYQ. О́tken jyly jergilikti ǵalym, dosent T.Imanjapardyń quras­tyrýy­men Tóleý, Saparǵalı, Nurlybek, Táńirbergen, Shákir, Qalıhan syndy ha­lyq aqyndarynyń artynda qalǵan mol murasy meılinshe qamtylǵan úsh bir­deı jınaq jaryq kórgen edi. Jýyrda Abaı qoryq murajaıynda osy ki­taptardyń tusaýkeser rásimi ótkizildi. Onda Abaıdyń aqyndyq mektebinen nár alǵan halyq aqyndarynyń ómiri men shyǵarmashylyǵyn molynan qam­tyǵan kitaptar týraly jyly lebiz bildirilip, tyń derekter  ortaǵa salyndy. Áserli kesh ásem ánmen órnekteldi.

Dáýlet SEISENULY. Semeı. 

JIYRMA JYL ÁN QANATYNDA. Qostanaılyqtar tamasha án keshiniń kýási boldy. Ánshi Gúlbaný Abdýllına shyǵarmashylyǵynyń jıyrma jyldyǵyna oraı jeke konsertin berdi. Qazaq memlekettik konservatorııasynda  KSRO halyq ártisi Roza Jamanovanyń  aldynan tálim alǵan Gúlbaný  Qostanaı oblystyq fı­lar­monııasyndaǵy beldi ánshiniń birine aınaldy. Ol osy ýaqytqa deıin  birneshe respýblıkalyq baıqaýlardyń da  laýreaty atandy. О́reli óneri úshin oblystyq mesenattar klýby syılyǵyn alǵan bolatyn. Gúlbaný Abdýllına konsertinde  batystyń, orys klassıkteriniń  operalarynan arııalar, romanstar jáne qazaqtyń halyq ánderi men qazaq  kompozıtorlarynyń shyǵarmalaryn oryndady.

Názıra JÁRIMBETOVA. Qostanaı. 

TÚBIT ShÁLILER KО́RMESI. Oblystyq tarıhı-ólketaný murajaıynda el Táýelsizdiginiń 20 jyldyǵyna arnalǵan  dástúrli «Orynbor túbit shálisi» kórmesi uıymdastyryldy. Kórmeni uıymdastyrýdyń maqsaty – kórshiles Orynbor oblysymen mádenı baılanysty nyǵaıtý jáne óńirdegi qolóner sheberlerin ulttyq qol ónerimizdi damytýǵa  tartý. Toqymashy ismerler biriniń salǵan órnekterin ekinshileri qaı­talamaıdy. Munda jep-jeńil ásem shálilerdi satyp alýǵa da bolady. Kórmeden toqymashylyqty urpaqtan-urpaqqa jalǵas­ty­ryp kele jatqan R.Iаkýpova, G.Masalımova, M.Abdýllına, M.Ish­muham­betova, R.Saıfýtdınova syndy has sheberlerdiń  qolynan shyq­qan  alýan túrli túbit shálilerdi  kelýshiler  qyzyǵa tamashalady.

Satybaldy SÁÝIRBAI. Aqtóbe oblysy.

О́ŃIRDEGI EKINShI STÝDIIа. Tasqala aýdandyq mádenıet úıi janynda dybys jazý stýdııasy ashylyp jumys jasaı bastady. Bul osyǵan deıingi iske asqan úlken ázir­lik jumystarynyń nátıjesi deýge bolady. Iаǵnı, ótken jyly bolashaq stýdııaǵa kajetti qondyrǵylar men qural-jabdyqtar satyp alyndy. Iıa, án men kúı jazdyramyn deseńiz, Tasqalaǵa kelińiz. Mundaı múm­kindikti, eń aldymen, tasqalalyq ónerpazdar paıdalana alady. Batys Qazaqstan oblystyq mádenıet basqarmasynyń bastyǵy Aıdar Batyr­hanovtyń aıtýynsha,  bul – óńirdegi ekinshi stýdııa. Munyń birinshisi Ǵa­rı­folla Qurmanǵalıev atyndaǵy oblystyq fılarmonııada ornalasqan.

Temir QUSAIYN. Batys Qazaqstan oblysy.