Taǵylymdy kezdesý

Burnaǵy kúni L.N.Gýmılev atyndaǵy Eýrazııa ulttyq ýnıversıtetiniń rektory Baqytjan Ábdiraıym bastaǵan bir top stýdent Qazaqstan Respýblıkasynyń prezıdenttiginen úmitker Mels Eleýsizovpen kezdesti. Tanymal ekolog Mels Eleýsizovtiń Asta­na­daǵy kóptegen joǵary oqý oryndarynyń ishinen atbasyn arnaıy Eýrazııa ulttyq ýnı­versıtetine burýynda úlken mán jatyr. Onyń sebebin de aıta keteıik. Syrttaı oqytatyn bólimi joq Qazaqstandaǵy jalǵyz oqý orny bolyp tabylatyn ýnıversıtette búginde on myńǵa jýyq stýdent bilim alýda. Stýdentterdiń 75 paıyzy memlekettik grant ıegerleri. Sondaı-aq, ýnıversıtet ótken jyly álemdegi eń úzdik 500 ýnıversıtettiń quramyna engen. Bul jóninde kezdesý bary­syn­da málim etken ýnıversıtet rektory Ba­qyt­jan Jarylqasynuly Mels Eleýsizovtiń qadamyna sáttilik tiledi. Suraq-jaýap túrinde ótken jıyn kan­dı­dattyń saıası tuǵyrnamasy men álemdik jáne ekologııalyq máselelerge arnaldy. Suraq qoıýshylardan alǵashqy bolyp, ýnıversıtet rektory B.Ábdiraıym sóz aldy. Ol «Ta­bıǵat» ekologııalyq odaǵynyń tóraǵasyna bizdegi aýyz sý máselesiniń kezek kúttir­meı­tin másele ekendigin alǵa tartyp, onyń sheshilý joldaryn, halyqqa tıimdi bolatyn jaq­tary jaıly aıtyp berýin surady. Oǵan jaýap retinde Mels Hamzauly aýyz sý máse­lesiniń aldyn alý úshin eń aldymen kez kelgen azamat sýdy únemdep paıdalaný kerektigin aıta kele, keremet mysal keltirdi. Palestına men Izraıl elderinde mynadaı zań qol­danysta eken. Aıtalyq, aýyz sýdy únem­deý maqsatynda bul elderde árbir azamat kúni­ne kóp degenniń ózinde 20 lıtr sý jum­saıtyn kórinedi. Sondaı-aq, osy saýal tóńi­re­ginde Mels Eleýsizov: «Aýyz sýdyń jum­salýy artyp, halyq arasynda qajettilik týdyratyn bolsa, ol munaıdan da qymbat bolmaq», – dep týrasyn aıtty. Stýdentter tarapynan qoıylǵan suraqtarǵa M.Eleýsizov álemdik deńgeıdegi temperatýranyń 0,5 gradýsqa jylynǵanyn, ol eger taǵy 3 gradýsqa jylynatyn bolsa, adamzat ómirine qaýip tóndiretinin málim etti. Álemdik deńgeıdegi jylýdyń artyp kele jatqandyǵyn kúndelikti ómirde adam balasy sezine bermeıtindigi, sonyń kesirinen jer sil­kinisteriniń artyp kele jatqandyǵy sııaq­ty kópshilik bile bermeıtin kóptegen má­limetter ashyq aıtyldy. Jáne de ekolo­gııany taza ustaýdyń eń qarapaıym ári tıimdi ádisi aǵash otyrǵyzý ekendigi de osy kezdesý barysynda keńinen sóz boldy. Bul kúngi kezdesýde túrli mamandyqtar boıynsha bilim alyp jatqan stýdentter saıası taqyryptarǵa qosa, ekologııalyq másele­ler men onyń sheshilý joldary jaıly aqpa­rat­tarǵa qanyqty. Sonymen birge, kezdesýde Qazaqstandaǵy Kaspıı jáne Aral teńiz­deri­niń problemalary da qozǵaldy. Jıyn so­ńyn­da ýnıversıtet basshysy tanymdyq negizdegi dáris pen saıası baǵyttaǵy kóptegen saýal­darǵa jaýap bergeni úshin kandıdat M.Eleýsizovke stýdentter atynan alǵys bildirdi. Juldyz BAIDILDA.