Aqmola oblysynyń aýyldaryndaǵy bilim berý mekemeleri elimizdiń joǵary jáne arnaıy orta oqý oryndaryn bitirgen jas mamandarmen tolyǵýda. Onyń qataryna Selınograd aýdanynyń Prırechnoe aýylyndaǵy №22 mektep te endi. О́ıtkeni ótken kúzde osy mekteptegi ustazdar ujymyna 6 jas maman kelip qosyldy.
Bulardyń ishinde Maqpal Muqanova sııaqty jas muǵalim de bar. Ol 2010 jyly Eýrazııa gýmanıtarlyq ınstıtýtyn bitirgen soń «Dıplommen – aýylǵa!» uranymen Prırechnoe aýylyna keldi. Jas maman ózine tıesili yntalandyrý qarjysyna qosa nesıe alyp, úı satyp alypty. «Meniń jumys atqarýyma jaqsy jaǵdaı jasalǵan. Mektepte ondaǵan jyl jumys istegen ardager ustazdar kelgen jas mamandarǵa bilgenin úıretip, qamqorlyq kórsetýde. Ásirese, ustazdyq tájirıbesi 37 jyl, al mektep dırektory qyzmetinde 26 jyl istep kele jatqan Záýre Dúısenbaevany atap kórsetpeý múmkin emes», – deıdi ol.
–––––––––––––
Sýretterde: ardager-ustaz Z.Dúısenbaeva jas mamandar ortasynda; tarıh pániniń oqytýshysy M.Muqanova.
Sýretterdi túsirgen V.BAHMÝTSKII.
