30 myń turǵyny bar aýdanda buǵan deıin kún talabyna saı salynǵan aýrýhana bolmaǵan. Endi, mine, úsh operasııa blogy, japondardyń narkoz apparaty, basqa da qundy jabdyqtary bar aýrýhana ishi keremet. Syrqattar jatatyn bólmeler keń ári jaryq. Saltanatty ashylýda Berdibek Máshbekuly aýdan turǵyndaryn kele jatqan Táýelsizdiktiń 20 jyldyǵymen quttyqtady. –Al myna aýrýhanaǵa tartý retinde «ÝAZ» kóliginiń kiltin tapsyrýǵa ruqsat etińizder, – dedi óńir basshysy óz sózinde. Sol kúni oblys ákimi birqatar ǵımarattardy ashyp, ótken jyly sý tasqyny oryn alǵan laıly sý qoımasynda boldy.
Ońdasyn ELÝBAI. Shyǵys Qazaqstan oblysy.
ÚKILEGEN ÚMITTER. Byltyr «Alashtyń asqaq rýhty jastary» atty oblystyq VI forým ótken. Sol kezde aldaǵy ýaqytta «Syr úmiti» atty syılyq taǵaıyndalatyny týraly sóz aıtylǵan edi. Aıtylǵan sóz aıtylǵan jerinde qalmaı, iske asty. Oblys ákimi Bolatbek Qýandyqov oblys sheńberinde ár sala boıynsha eńbek etip, jurt aýzyna ilikken jastardy «Syr úmiti» syılyǵymen marapattady. Sonymen, oblys sheńberindegi tuńǵysh syılyq Jandos Bazartaı, Baýyrjan Mastekov, Abdýlsaıd Tólegenov, Baqytbek Qaramyrzaev, Álibek Qýanysh, Aıbol Qozybaqov, Rýslan Qaıýpov, Nurbol Bákirov, Janbolat Dosymhanov, Tórebek Dármaǵambetovke berildi. Aıta keterligi, marapatqa ıe bolǵan jastardyń barlyǵy áli 30-ǵa tolmaǵan. Iаǵnı, orda buzatyn kezderi alda.
Erjan BAITILES. Qyzylorda.
«QORǴAÝ» QAÝYMDASTYǴYNYŃ QOLDAÝY. Oblystaǵy bilim berý jáne ǵylym qyzmetkerleri kásiptik odaqtarynyń «Qorǵaý – Zashıta» qaýymdastyǵy bilim berý salasy qyzmetkerleriniń áleýmettik máseleleri men quqyqtarynyń saqtalýyn, eńbek qatynastarynyń ornyǵýyna qatysty máselelerdi jáne úshjaqty ujymdyq kelisim-shartty oryndaýdaǵy bastaýysh uıymnyń belsendiligin arttyrýǵa erekshe nazar aýdaryp keledi. Atalǵan qoǵamdyq uıym tóraǵasy Kenjebek Omarbaev jyljymaly oqý semınaryn Jambyl, Eńbekshiqazaq, Raıymbek aýdandary men Qapshaǵaı qalasynda ótkizip, búgingi qoǵamdaǵy bilim berý salasy qyzmetkerleriniń jaýapty mindetteri, olardyń quqyǵynyń buzylmaýyna baılanysty oı bólisip, pikir almasty.
Kúmisjan BAIJAN. Almaty oblysy.
JAPONIIа TAQYRYBYNA ARNALDY. Jýyrda Qazaqstan pedagogıkalyq ǵylymdar akademııasynyń basqarma tóraǵasy, pedagogıka ǵylymdarynyń doktory, professor, Germanııanyń doktor-ınjeneri, respýblıka Memlekettik syılyǵynyń laýreaty Asqarbek Qusaıynov Semeıge kelip, Shákárim atyndaǵy Semeı ýnıversıtetinde, pedagogıka jáne qarjy ınstıtýttarynda jas urpaqqa bilim berýdiń japondyq fenomeni týraly master-klass ótkizdi. Tartymdy áńgime barysynda Japonııanyń qazirgi ahýaly týraly da dáıekti mysaldar molynan aıtyldy. Osyǵan deıin álemniń birqatar elderinde bolyp, bilim máselesi jónindegi alqaly jıyndarda syndarly baıandama jasap, el mereıin asqaqtatyp kele jatqan kórnekti pedagog ǵalym joǵaryda atalǵan joǵary oqý oryndarynyń qurmetti professory atandy.
Dáýlet SEISENULY. Semeı.
ORAL QALASY FOTOSÝRETShI KО́ZIMEN. Eýropa men Azııanyń kindiginde ornalasqan Oral qalasynyń kórikti kelbeti men ásem tabıǵaty qaı kezde de fotosýretshilerdiń nazaryn aýdaryp keledi. Mine, osy fototýyndylar ótken aptada tutas kólemdi albom túrinde jaryq kórdi. Oǵan engizilgen fotomaterıaldardyń boıaýy qanyq, ajary aıshyqty. Onyń qaı-qaısynan da kásibı sheberlik pen shyǵarmashylyq ushqyr oıdyń izi baıqalady. Eń bastysy – atalǵan fotojınaqty taıaý jáne alys shetelderden kelgen qala qonaqtary men laýazymdy tulǵalarǵa uıalmaı usynýǵa bolady. О́ıtkeni, onda Qazaqstannyń kóne de jańa, búgingi sáýleti kelisken qalasynyń kórkem kórinisteri men ótkennen syr shertetin tarıhı oryndary ózara úılesim tapqan.
Temir QUSAIYN. Oral.
«ALTYN SAQANYŃ» TUSAÝKESERI. S.Muqanov atyndaǵy qazaq sazdy-drama teatry el Táýelsizdiginiń 20 jyldyǵy merekesine oraılastyryp «Altyn saqa» syılyǵyn belgiledi. Onyń tusaýkeseri Halyqaralyq teatr kúni kesildi. Sóıtip, onyń alǵashqy jeńimpazdary anyqtaldy. Teatrdyń jıi qonaǵy Petropavl qazaq gımnazııasynyń dırektory Maıgúl Muhamedjanova «Tilektes, nıettes kórermen» júldesine ıe boldy. Kostıým sehynyń meńgerýshisi Roza Ýáıisova, baletmeıster Janna Temirbaeva, sýretshi Serik Ǵabbasov, taǵy basqalary top jardy. Teatr akterleri arasynda da 8 nomınasııa boıynsha eń úzdikterdiń esimderi áıgilendi.
О́mir ESQALI. Soltústik Qazaqstan oblysy.
OIYLDYQ О́NERPAZDAR О́NERI. Qudaıbergen Jubanov atyndaǵy Aqtóbe memlekettik ýnıvesıtetiniń Jastar saraıynda ótken oıyldyq ónerpazdardyń konserti el Táýelsizdiginiń 20 jyldyǵy men Oıyl aýdanynyń qurylǵanyna 90 jyl tolýyna arnaldy. Oblys ortalyǵynda turyp jatqan oıyldyq ónerpazdardyń konsertine jınalǵan jurt bir-birimen qaýyshyp, qýanyshqa keneldi. Munyń ózi án keshiniń máni men mańyzyn arttyra tústi. Konsertke jınalǵandar aldynda Oıyl aýdany ákiminiń orynbasary Asqar Qazybaev, mádenı sharany uıymdastyrýǵa muryndyq bolǵan yntaly toptyń jetekshisi — Aqtóbe qalasyndaǵy «Nobel» baspahanasynyń dırektory Nurlan Jumaǵalıev sóz sóılep, ıgi bastamaǵa iltıpat bildirdi.
Satybaldy SÁÝIRBAI. Aqtóbe oblysy.
