Eshqandaı aýytqý bolǵan joq

Osyndaı oıdy Ulttyq kitaphanaǵa jınalǵan  Qazaqstan Respýblıkasy prezıdenttiginen úmitker 4 kandıdattyń saılaýaldy shtabynyń jetekshileri jýrnalıstermen bolǵan kezdesýde aıtty. BAQ ókilderi, árıne, shtab jetekshilerine kandıdatyńyz je­ńis­ke jetedi dep oılaısyz ba degen saýal tastaǵan. Ǵanı Qa­sy­movtyń saılaýaldy shtabynyń jetekshisi Gúldana Nurpeıisova: «General bolýdy armandamaǵan jaýynger jaýynger emes», son­dyqtan jeńiske jetýge kim um­tylmaıdy», – dep shtab jetekshi­leri­niń barlyǵynyń oıyn qo­ryt­­qandaı jaýap qaıtardy. Kezdesýge jınalǵandar saı­laý­aldy úgit-nasıhat jumys­ta­ryna ýaqyt pen qarajat  azdyǵy qolbaılaý boldy dese de, Mels Eleýsizovtiń saılaýaldy shtaby­nyń jetekshisi Nurjan Oshanbekov óz kandıdaty men onyń senim bildirilgen adamdarynyń 10 oblysta saılaýshylarymen kezdesýler ótkizgendigin aıtty. Sondaı-aq jınalǵandar saılaý kúni jaqyndaǵan saıyn úmit­ker­lerdiń árbir mınóti eńbek ujym­darynda, halyqtyń arasynda, aýyl-selo turyǵyndarymen kezdesip, zııaly qaýymmen, shyǵar­mashylyq ortalarda ótip jat­qa­nyn ortaǵa saldy. Basqosýda moderatorlyqtyń tizginin ustaǵan «Aıt-Park» pikirsaıys klýbynyń tóraǵasy Nurlan Erimbetov 4 shtab jetekshilerinen eger bir-birlerińizdiń jumystaryńyzǵa degen kóńil tolmaýshylyqtar bolsa, qysqa­sha aıtyp berińizder, dep ortaq saýal tastady. Alaıda, qaı tarap ta óreskel aýytqýshylyq oryn almaǵanyn aıtty. Jýrnalıster tarapynan ha­lyq daýys berýge qansha­lyqty bel­sendi qatysady dep oı­laı­syzdar, degen saýalǵa  25 paıyz­dan 90-ǵa deıin halyq qaty­nasady, degen túrli joramaldar kóldeneń tartyldy. Jáne aı­maq­tar ishinde elektorattyń saılaýǵa kelýiniń eń tómengi mólsheri Almatyda kórinis berýi múmkin degen de pikir aıtyldy. Shtab jetekshileriniń oıynsha, megapolıs turǵyndary basqa óńirlerge qaraǵanda saılaýǵa belsendi emes. Alaıda, deıdi jınalǵandar, kóshelerge ilingen bılbordtar men úgit plakattary emes, halyqpen júrgizilgen kezdesýler, oılar aıtylǵan júzdesýler óz jemisin beredi. «Egemen-aqparat». Almaty.