Qaraǵandyda jyly aıaldama ornatyldy

Qaraǵandyda birinshi jyly aıaldamanyń saltanatty ashylýy ótti. Endi qala turǵyndary óz avtobýstaryn jyly jerde kútip qana qoımaı, tamaqtanyp, ózine qajetti kólikti monıtordan baqylaýǵa múmkindik alady, dep jazady ekaraganda.kz. Qaraǵandy qalasynyń ákimi Nurlan Áýbákirovtiń aıtýynsha, mańyzdy joba memlekettik-jeke seriktestiktiń arqasynda iske asqan. Aıaldama úsh bólikten turady. Birinshi bóliminde fastfýd, ekinshi bóliminde shatyry ashyq alań men aǵash oryndyq, al úshinshisinde jolaýshylardyń jylynatyn orny bar. «Almatylyq kásipkerler bizben sóılesip, osyndaı pavılondardy bizdiń qalamyzda ashýǵa usynys bildirdi. Birinshi oryndy Gogol kóshesinde tańdady, sebebi munda kólikter men adamdar sany kóp», - dep aıtty qala basshysy. Aıta keteıik, keshendi aıaldama pavılonyn jasaýǵa shynyny eseptemegende tek qazaqstandyq shıkizat qoldanyldy. Jobany júzege asyrý barysynda 8 jańa jumys orny ashyldy. Jyly aıaldama qoǵamdyq kólik jumys jasaıtyn ýaqytta - 05:00-den 22:00-ge deıin ashyq bolady. Túngi ýaqytta jabylady. Qaýipsizdikti qamtamasyz etý maqsatynda vıdeobaqylaý kameralary ornatylǵan.