2017-2019 jyldary avtojol qurylysyna 1,7 trln teńge qarastyrylǵan

2017-2019 jyldary avtojol salasynda 1,7 trln teńge somasyna uzyndyǵy 4,4 myń shaqyrym qamtylatyn 23 jobany júzege asyrý qarastyrylǵan. Bul týraly Astanada QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysy barysynda QR ınvestısııalar jáne damý mınıstri Jeńis Qasymbek málimdedi. Bólingen qarajat esebinen 7 ótpeli jobada - Astana-Qaraǵandy, Ortalyq-Shyǵys, Beıneý-Aqtaý, Ortalyq-Batys, Qapshaǵaı-Taldyqorǵan, Astana-Petropavl jáne Oral-Kamenka boıynsha jumystar jalǵastyrylady, jyl qorytyndysy boıynsha 602 shaqyrym jolda jumystardy aıaqtaýda josparlanýda. Respýblıkalyq bıýdjetten bólinetin qarajat esebinen jalpy uzyndyǵy 1 myń shaqyrymnan asatyn 8 jańa jobany bastaý josparlanýda. Uzyndyǵy 2 184 shaqyrym bolatyn taǵy 8 jobany qarjylandyrý halyqaralyq qarjy ınstıtýttarynyń zaımdary esebinen qarastyrylǵan. Jalpy, bıyl 4,4 shaqyrym joldy salyp, qaıta jóndeý jáne oǵan 100 myńǵa jýyq adamdy tartý kózdelip otyr. Sonymen qatar, memlekettik baǵdarlamada turǵyn úı qurylysy máseleleri de qarastyrylǵan. 2016 jyly turǵyn úı qurylysy men ınfraqurylymyna 400 mlrd teńge bólingen, ol jalǵa beriletin, nesıege beriletin jáne kommersııalyq turǵyn úılerdi, ınjenerlik-kommýnıkasııalyq ınfraqurylymdy salýǵa jáne Turǵynúıqurylysjınaqbanki salymshylaryn nesıelendirýge baǵyttaldy. Sonyń nátıjesinde 2016 jyly 8,3 myńnan astam otbasy turǵyn úımen qamtyldy (478 myń sh.m.), 2017 jyldyń sońyna deıin atalǵan qarajat esebinen qosymsha 33,8 myń otbasy turǵyn úımen qamtamasyz etiledi. Atalǵan máseleler odan ári de «Nurly jol» baǵdarlamasynyń aıasynda júzege asyrylady.