Saǵyntaev Ýnıversıada jeńimpazdaryna ýaqytyly tólem júrgizýdi tapsyrdy

QR Premer-Mınıstri Baqytjan Saǵyntaev Úkimet otyrysynda Ýnıversıadanyń joǵary deńgeıde ótkizilgenin atap ótip, is-shara uıymdastyrýshylaryna, sondaı-aq joǵary sporttyq nátıjelerge qol jetkizgen elimizdiń stýdenttik quramasyna alǵysyn bildirdi, dep jazady primeminister.kz. B. Saǵyntaev Ýnıversıadanyń ótkizilýi Almaty qalasyn damytýǵa serpin bergenin, osyǵan oraı aldaǵy Astanada ótetin halyqaralyq EKSPO kórmesi aıasynda mundaı iri is-sharalardy ótkizý tájirıbesin paıdalaný kerektigin atap ótti. «Mádenıet jáne sport mınıstrligine Ýnıversıada jeńimpazdary men júldegerlerine, sonymen qatar olardyń jattyqtyrýshylaryna ýaqytyly tólem júrgizýdi tapsyramyn. Sondaı-aq, Mádenıet jáne sport mınıstriligi Almaty qalasynyń ákimdigimen birlesip sporttyq ǵımarattardy odan ári paıdalaný máselesin naqty sheshýi tıis», - dedi B. Saǵyntaev. Esterińizge sala keteıik, 2017 jylǵy 28-shi Dúnıejúzilik qysqy Ýnıversıada 29 qańtar men 8 aqpan aralyǵynda Almaty qalasynda ótti.