Qazaqstanda qańtar aıynda 2288 kólik satyldy

  2017 jyldyń qańtar aıynda resmı dılerlerdiń  avtoortalyqtarynda 2288 kólik satyldy.  Bul ótken jyldyń osyǵan sáıkes merzimimen salystyrǵanda 35,3%-ǵa tómen. Qazaqstandyqtar qańtar aıynda temir tulpar satyp alýǵa $51,6 mln. teńge jumsaǵan, dep xabarlaıdy "QazAvtoProm". "Jańa kólikterdiń 94 paıyzyn qazaqstandyqtar resmı dılerlerden satyp alǵan. Bul kórsetkishter naryqtyń qalpyna kele bastaǵandyǵyn kórsetedi", - dedi «QazAvtoProm» Qazaqstan avtomobıl salysy kásiporyndary odaǵynyń basqarma tóraǵasy Oleg Alferov. Qańtarda satylǵan kólikterdiń 1655-i (72%) - ımporttalǵan, al 633 satyp alýshy  (28%) otandyq kólikterge tańdaý jasaǵan. Qazaqstandyqtar tarapynan úlken qyzyǵýshylyqqa ıe brendterdiń kóshin Toyota bastap tur. Bir aıda japondyq markanyń 393 kóligi satylyp ketken. Lada modelderiniń satylymy 323 birlikti qurady. Úshinshi orynda 259 kólikpen Renault brendi tur. Úzdik bestikti Hyundai (177) men GAZ (164) túıindedi. Eń tanymal TOP-10 markanyń ishine Ravon (152), KIA (119), UAZ (100), Volkswagen (99) men Chevrolet (94) kirip otyr. Qazaqstan naryǵynda eń iri oıynshy mártebesin BIPEK AVTO - AZIIа AVTO xoldıngi saqtap qaldy. Satyp alýshylardyń 26,4% osy xoldıngtiń ónimderine toqtalǵan. Naryqtyń 14,9 paıyzyn KMK Astana Motors ıelenip otyr. Ondyqtyń ishine Vıraj - 11%, Toyota City Almaty (4,7%), Allur Auto (4,4%), Ýral-Krov (3,8%), Aster Auto (3,7%), Mercur Auto (3,6%), Leksýs Almaty (2%) men Almaty ATO (1,9%) kirgen. Satyp alýlardyń eń kóp úlesi negizinen Almaty (646 avto), Astana (388), Atyraý (194), Qostanaı (146), Shymkent (136), Aqtóbe (126), Oral (119), Aqtaý (114), О́skemen (102) men Qaraǵandy (96) qalalaryna tıesili.