Keńes otyrysy ótti

Keshe Premer-Mınıstr Baqyt­jan Saǵyntaev Ekonomıkalyq ynty­maqtastyq jáne damý uıymymen (EYDU) ózara is-áreket jónindegi keńestiń kezekti otyrysyn ótkizdi, dep habarlady Premer-Mınıstrdiń baspasóz qyzmeti. Otyrys barysynda Memleket basshysynyń «Qazaqstannyń Úshin­shi jańǵyrýy: jahandyq básek­ege qabilettilik» atty Joldaýynda kórsetilgen, úzdik tájirıbeler men EYDU usynystaryn engizý jónindegi tap­syr­malaryn iske asyrý aıasyndaǵy yntymaqtastyqty nyǵaıtý máseleleri talqylandy. Budan ózge, Keńes EYDU jumys organdaryna qatysý deńgeıin arttyrý jónindegi Áreketter josparyn, sonymen qatar, yntymaqtastyqtyń eldik baǵ­darlamasyn iske asyrý máselelerin qarastyrdy. * * * Osy kúni Premer-Mınıstr Baqyt­jan Saǵyntaevtyń tóraǵalyǵymen Investısııalyq ahýaldy jaqsartý keńesiniń kezekti otyrysy ótti. Keńes qatysýshylary Qazaqstan­da ınvestısııalyq ahýaldy jaqsartý máseleleri boıynsha, sonyń ishinde jergilikti qamtý áleýetin arttyrý, shet elden jumys kúshin tartý rásim­derin jetildirý, sonymen qatar, qury­lys jáne jobalaý salalarynda lısenzııalaý jónindegi usynystardy talqylady.