Burymdylar baıqaýy

Shetpe selosyndaǵy Jastar ortalyǵynda Mańǵystaý aýdany ákimdiginiń «Mańǵystaý aýdandyq jastar resýrstyq ortalyǵy» KMM uıytqy bolýymen qyz-kelinshekter arasynda aýdandyq baıqaý ótkizildi. Sharaǵa aýdandaǵy barlyq aýyldardan 13 qyz-kelinshek qatysyp, baqtaryn synady. Atalmysh baıqaý qyzyqty da tartysty ótti deýge bolady. Talap ta kúshti boldy. Ár qatysýshynyń shashy uzyn bolýy, qatysýshy jasy 14-30 jas aralyǵynda bolýy kerek degen sharttar qoıyldy. Atalmysh baıqaý tórt bólimnen turdy: «Shash – adam kórki» shash úlgisin jasaý, «О́nerlige óris keń» – ónerin baǵalaý, «Aqyl – oıdyń órisi» – zııatkerlik suraqtar,«Ult bolam deseń besigińdi túze» salt-dástúrge arnalǵan suraqtar boldy. Ádilqazylar alqasynyń quramynda ólkege tanymal áıel azamattar tóre­lik etti. Sharada aýyldardan kelgen oqýshy jastar men mekeme-ujymdardyń qyz-kelinshekteri belsendi qatysýy aýyldaǵy genderlik saıasattyń qar­qyn­dy túrde qulshynysy alabóten ekendigin dáleldedi. Baıqaý sońynda júldeli birinshi oryndy Tushybek aýylynyń Aqjan Nurbolatqyzy, ekinshi oryndy Jar­mysh aýyldyq mádenıet úıi­niń ádiskeri Ardaq Rzabekova, al úshin­shi oryndy Shetpe lıseıiniń 10-synyp oqýshysy Nazerke Bısen­ǵalıeva ıelendi. Júldegerlerge uıym­dastyrýshylar atynan baǵaly syılyqtar men alǵys hattar tapsyryldy. «Búgingi baıqaý óte tartysty ótti. Ásirese, salt-dástúr men zııatkerlikke arnalǵan suraqtary qıyndaý boldy. Ulttyq salt-dástúrdi ózimniń to­lyq bilmeıtinim anyq kórinip tur­dy. Sondaı-aq, Aqshymyraý, Shaıyr aýyldarynyń qyzdarynyń belsendiligi joǵary boldy. Meni ár aýyldan kelgen qyzdardyń ulttyq naqyshtaǵy kıimderi qatty súısintti», deıdi atalmysh baıqaýǵa qatysýshy, Shetpe gımnazııasynyń muǵalimi Qalı Ásel. Allabergen QONARBAEV Mańǵystaý oblysy, Mańǵystaý aýdany