Jabaıy úırektiń tosyn «qylyǵy»

Jympıty aýylynyń turǵyny, zeınetker Tólegen Esmuhanov kúndelikti ádetimen uıqysynan erte oıanǵan soń, qoradaǵy maldaryn óriske shyǵarmaq bolady. Maldardy kezekpen aıdap, esikten shy­­ǵaryp júr­gende ol jem-shóp salatyn shaǵyn astaý­sha ishinen ty­nymsyz shyqy­lyqtaǵan ba­la­pandar­dyń úni, ile-shala qanatyn sabalap, bala­pan­­­daryn jan­ushyra qorǵaǵan jabaıy úırekti kórip, ań-tań túrde turyp qalypty. Ǵajap! Dalanyń jabaıy úıregi aýyldyń ortasyndaǵy úıdiń qora-jaıyna qalaı keldi, osy jerge uıasyn salyp, balapandaryn órbitýinde qandaı syr bar eken?! Tań-tamasha kúıde qalǵan Tólegen astaýsha ishindegi maldyń qaldyq shóbine uıa salǵan dala úıreginiń balapandaryn qamqorlyqqa alyp, shaǵyn ydysqa sý quıyp, jem salyp qoıýdy da umytpady. Bálkim, balapandar jem jep daǵdylansa, baǵymǵa ustaýǵa bolar ma edi degen oıdyń da kelgeni ras. Biraq, erteńgisin bári de basqasha boldy. Ydysqa quıylǵan jem-sýǵa aýyz da tıgizbegen úırek balapandaryn sońynan ertip, keń dalaǵa mamyrlaı basyp kete barypty. Zeınetker Tólegen Esmuhanov maýsym aıynda mal qorasy ishinen on balapanyn órbitip, óz mekenine aman-esen attanyp kete barǵan dala úıreginiń bul kelisiniń sebebin túsinbese de shańyraǵynda baqyt qusy qonǵandaı jaqsylyqqa joryp otyr. Laıym shynynda jabaıy úırektiń bul jumbaǵy berekege bastaı bergeı. Músirbek AITAShEV Batys Qazaqstan oblysy, Syrym aýdany