Syrt kóz - synshy

Demokratııa jolyndaǵy qaryshty qadam

Bizder, zańgerler Qazaq­stan Prezıdenti Nursultan Nazarbaev usynǵan konstıtý­sııalyq reformalardy taldap, oǵan qyzyǵýshylyq bildirip kelemiz. Bul reformanyń basty maq­saty bılik tarmaqtary ara­synda ókilettikterdi qaıta bólý bolyp tabylady. Dá­liregi, Prezıdenttiń birqatar ókilet­tikterin Úkimet pen Parla­mentke berý arqyly, atqarýshy bılik pen zań shyǵarýshy bılik­tiń halyq aldyndaǵy jaýapker­shiligin kúsheıtý basty nazarda. Jalpy, atalǵan reforma atqarýshy bılikti ýaqyt talabyna saı qurýǵa, onyń tıimdiligin arttyrýǵa múmkindik beredi. Bul óz kezeginde eldi joǵary deńgeıde damytýǵa jol ashady. Eldegi saıası júıe, ınstıtýttar, kompanııalar ýaqyt talabyna saı beıimdelýi tıis. Sondaı-aq, Qazaqstan Prezıdenti qol qoıyp bekitken jańartylǵan Kons­tıtýsııa endi ómirdiń ózi kún tártibine shyǵarǵan mindet­ter­di júzege asyrýǵa járdem­desetin bolady. Reforma boıynsha, ekono­mı­kalyq-áleýmettik salanyń jumysy Prezıdent quzyretinen Úkimetke berildi. Budan bólek, jergilikti ákimdikterdiń de jaýap­kershiligi kúsheıtilip otyr. Bul óz kezeginde atqarý­shy bı­lik pen halyqtyń arasyn jaqyn­data túsedi. Qalaı desek te, Qazaqstan­daǵy konstıtýsııalyq reforma der kezinde júzege asyryldy dep sanaımyz. Ol óziniń jemisin beretin bolady. Bul – aqylmen oılastyrylǵan, ha­lyq­aralyq tájirıbelerge súıen­gen, ózindik baǵyty, sıpaty bar reforma. Osy reforma­lar aıasynda atqarylyp jat­qan sharalardyń barlyǵy Qazaq­stannyń uzaq merzimdi damýyna, jańǵyrýyna, memlekettik bas­qarý júıesiniń jańa tıimdi tási­line kóshýge múmkindik bere­di. Bul – Qazaqstannyń demokratııa jolyndaǵy qaryshty qadamy. Joan Manýel TRAITER, Ispanııa Ortalyq saılaý komıssııasynyń múshesi, Jıron ýnıversıteti jarııa quqyq kafedrasynyń professory