Kúnge sálem berdiń be, kóshpeli jurt,
Kóligine qos artty kesteli bult.
Dúbiraıaq dúrlikken dúnıege,
Túıinshekten shashyldy desteli múlik.
Samarqannyń kók tasy kóńilshek muz,
Endi jetken jyl qusy erinshek qyz.
On úsh jasar Alasha otaýǵa enip,
Kókjıekten kók túrik kórinsek – biz.
Eki órkeshi oısyldyń Aı menen Kún,
Tóbesinen qarǵıdy taı kógenniń.
Qyraý kóılek jeńinen syǵalaıdy,
Aıqysh-uıqysh teńelgen baı menen kúń...
Shańyraqty-Kún-Ie ýyǵy – nur,
Úrse úsitpes quralaı sýyǵyn úr.
Taqyrǵa asyq tigilip qońqar qyrda,
Altybaqan aýzynda qý úni dúr!
О́li shóptiń múrdesin órteńge úıip,
Sal-sal qımyl at aýyp, serper me ıyq?
Balbal tastyń betine kúlki úıirilip,
Saýmal qymyz sarqytyn erteń quıyp...
Myńjyldyqtyń murasyn artyp ulys,
Kúnge sálem beredi qartym-yrys.
Qonaq kelse aq áje abdyraǵan,
Ábdireden aldyryp alty púlish...
Seri túsken úı ándi qyr asyrar,
Qasat qardyń úrpisi gúl ashylar.
Unǵa tyqqan telshikti Umaı asyp,
Qynǵa tyqqan qylyshty ul asynar!
Uly meıram bastalyp kóshpeli elde,
Kókpar tartyp jatady dos dónende.
Esken samal uqsaıdy espegenge,
Keshken jalǵan uqsaıdy keshpegenge!
Mıras ASAN
QARAǴANDY
