Brıfıng barysynda komıssııa tóraǵasy Mahmetǵalı Nurǵalıuly oblystyń Jambyl, Jýaly, Talas aýdandary men Taraz qalasynyń máslıhattarynyń quramynan 1 depýtattan bosap qalǵanyn, ıaǵnı, oblys boıynsha 4 vakansııa bar ekenin aıtyp ótti. Sondaı-aq bos vakansııalar týraly málimetti negizgi depýtattardyń
memlekettik qyzmetke aýysýyna baılanysty bolyp otyrǵanymen túsindirdi.
Aǵymdaǵy jylǵy 1 jáne 24 aqpan aralyǵynda bos turǵan okrýgtarǵa máslıhat depýtattyǵyna kandıdattardy
usyný sharalary ótken bolatyn. Usynylǵan kandıdattardy tirkeý jumystary 28 aqpan kúni aıaqtaldy. Búgingi kúnge oblys boıynsha 14 kandıdat usynylǵan bolsa, olardyń ekeýi óz ótinishteri negizinde kandıdattyqtan bas tartqan. Osyǵan baılanysty usynylǵan 12 kandıdattyń barlyǵy tirkeýden ótti. Barlyq kandıdattarǵa tıisti máslıhat depýtattyǵyna kandıdat degen kýálikter tapsyrylǵan jáne buqaralyq aqparat quraldarynda jarııalanǵan.
Al naýryz aıynyń alǵashqy kúninen bastap saılaý aldyndaǵy úgit sharalary bastaldy. Endi bul naýqan 24 naýryz kúni saǵat 24.00-de aıaqtalatyn bolady.
– Sonymen qatar, aǵymdaǵy jyldyń 24 aqpan jáne 16 naýryz kúni Ortalyq saılaý komıssııasy tarapynan uıymdastyrylǵan elektorattyq oqytý jónindegi Vebınarlar ótkizildi. Onda barlyq deńgeıdegi máslıhat hatshylary men tıisti oblystyq basqarma basshylary qamtyldy, – dedi brıfıngte Mahmetǵalı Sarybekov.
Endi eki kúnnen soń, ıaǵnı 26 naýryz kúni Jambyl oblysynda máslıhat saılaýy ótedi.
Hamıt Esaman,«Egemen Qazaqstan»
Jambyl oblysy
