Búgin Hunan TV arnasynan baıqaýdyń 10-shy kezeńi kórsetildi. Nátıjesinde Dımash baıqaýdyń fınalyna shyqty.
"Ol 11-shi kezeńge qatyspaıdy, sebebi baıqaýǵa orta joldan qatysatyndar ózara baq synaıdy. Al Dımash shyǵyp otyrǵan fınaldyń ózi eki kezeńnen turady. Birinshi kezeńinde ol jalǵyz án aıtsa, ekinshi kezeńde dýet bolyp án oryndaıdy. Alaıda ázirge onyń kimmen án shyrqaıtyny belgisiz", - dedi Alpamys Sharımov.
Bul kezeńde Dımash "Umytylmas kún" ánin qazaq jáne qytaı tilinde oryndady. Aıta keteıik, ánniń avtory Dımash Qudaıbergenniń ózi, al sózin jazǵan Oral Baıseńgir.
Aıta keteıik, osyǵan deıin Dımash Qudaıbergenniń PR-dırektory ári jaqyn dosy Alpamys Sharımov I am a Singer mýzykalyq baıqaýynyń fınalynda qazaqstandyq ánshiniń kimdermen synǵa túsetini jaıly aıtyp berdi.
"Dál qazir fınaldamyz. Fınalǵa jetemiz dep oılaǵan joqpyz. Dımash jáne onymen birge Sendı Lem (Sandy Lam), gonkongtyq top Lions bar. Árıne, bul biz úshin óte qýanysh. Osy kezge deıin qazaqtyń halyq ánin de oryndadyq, eýropalyq tanymal ánderdi de oryndadyq. Álemge tanymal jáne qytaıdyń súıikti ánderi oryndaldy. Dımash kórermenderdi barynsha tańǵaldyrýǵa tyrysty. Sonyń arqasynda búgin fınalǵa jetip otyr", - degen edi ánshiniń ókili.
